చెస్ట్ ఆస్పత్రిని కూల్చొద్దు.. హైకోర్టు...

ఎర్రగడ్డలో వున్న చెస్ట్ ఆస్పత్రి భవనాన్ని కూల్చేసి, అక్కడ తెలంగాణ రాష్ట్ర సచివాలయాన్ని నిర్మించాలని ముఖ్యమంత్రి కేసీఆర్ సంకల్పించిన విషయం తెలిసిందే. ఈ అంశం మీద హైకోర్టులో కేసు నమోదైంది. ఇప్పుడున్న సచివాలయం వాస్తు బాగా లేదని చెస్ట్ ఆస్పత్రికి కూల్చి అక్కడ సచివాలయాన్ని నిర్మించాలని ఆ కేసులో పేర్కొన్నారు. అయితే తెలంగాణ ప్రభుత్వం పరిపాలనా సౌలభ్యం కోసమే సచివాలయాన్ని మార్చుతున్నామని వివరణ ఇచ్చింది. అయితే చెస్ట్ ఆస్పత్రి హెరిటేజ్ భవనమని, దాన్ని కూల్చరాదని పిటిషనర్ కోర్టుకు తెలిపారు. ఈ నేపథ్యంలో చెస్ట్ ఆస్పత్రిని ఆరు వారాలపాటు కూల్చరాదని హైకోర్టు మధ్యంతర ఉత్తర్వులను ఇచ్చింది. చెస్ట్ ఆస్పత్రి భవనం హెరిటేజ్ భవనమా కాదా అనే విషయాన్ని ఆరు వారాల్లోగా ప్రభుత్వం తేల్చాలని, అప్పటి వరకు భవనాన్ని కూల్చరాదని కోర్టు ఆదేశించింది.