అప్పుడు అడ్డుకున్నాం.. ఇప్పుడూ అడ్డుకుంటాం.. చంద్రబాబు

ఓయూ యూనివర్సిటీ భూములు విద్యార్ధులకే చెందాలని వాటి జోలికి వస్తే తెలుగుదేశం పార్టీ చూస్తూ ఊరుకోదని సీఎం చంద్రబాబు హెచ్చరించారు. తెదేపా మహానాడు లో చంద్రబాబు మాట్లాడుతూ ఓయూ భూమి విషయం మీద ప్రసంగించారు. తెలంగాణ ఉద్యమంలో ఓయూ విద్యార్ధులు చేసిన త్యాగం మరువలేనిదని, వారే లేకపోతే అంత తేలికగా తెలంగాణ రాష్ట్రం వచ్చేది కాదని అన్నారు. అలాంటి వారికి వ్యతిరేకంగా తెలంగాణ ప్రభుత్వం చేపడుతున్న చర్యలు చాలా శోచనీయమైనవని అన్నారు. గతంలో కూడా ఓయూ భూములను కబ్జా చేయాలని చూశారు కాని దానిని మేము అడ్డుకున్నాం.. ఇప్పుడు కూడా అడ్డుకుంటామని స్ఫష్టం చేశారు. తెలంగాణలో భూములను కాపాడిన ఘనత మాదే అని అన్నారు. ప్రజలు నమ్మి తెలంగాణను పాలించమని మీ చేతిలో పెడితే మీరు మాత్రం బంగారు తెలంగాణ పేరుతో మీ కుటుంబాన్ని బంగారం చేసుకుంటున్నారని మండిపడ్డారు.