స్ఫెషల్ స్టేటస్ పై జైట్లీ వ్యాఖ్య.. ఏపీకి కూడా ప్రత్యేక హోదా రానట్టేనా?

ప్రత్యేక హోదా గురించి అరుణ్ జైట్లీ చేసిన వ్యాఖ్యపై ఇప్పుడు అనుమానాలు వ్యక్తం అవుతున్నాయి. బీహార్ ముఖ్యమంత్రి నితీశ్ కుమార్ బీహార్ కు ప్రత్యేకహోదా ఇవ్వాలని డిమాండ్ చేసిన నేపథ్యంలో దీనిపై అరుణ్ జైట్లీ స్పందిస్తూ స్పెషల్ స్టేటస్ కా దౌర్ సమాప్త్ హో చుకా హై అని అన్నారు. అంటే ప్రత్యేక హోదా శకం ముగిసిందని వ్యాఖ్యానించారన్నమాట. అయితే ఇప్పుడు అరుణ్ జైట్లీ బీహార్ ను ఉద్దేశించి ఆమాటలు అన్నా.. అది ఏపీ ప్రత్యేక హోదాకి కూడా వర్తిస్తుందని రాజకీయ విశ్లేషకులు అంటున్నారు. అంటే ఏపీకి కూడా ప్రత్యేక హోదా రానట్టే అని పలువురు అనుమానాలు వ్యక్తం చేస్తున్నారు. పన్నుల ఆదాయాన్ని కేంద్రం, రాష్ట్రాల మధ్య పంపిణీకి 14వ ఆర్థిక సంఘం రాజ్యాంగం ప్రకారం ఏర్పాట్లు చేసిన తర్వాత ప్రత్యేక ప్యాకేజికి అర్థం లేదని అన్నారు. అంతేకాదు ఇప్పటికే బీహార్ ప్రధాని మోడీ లక్షా 65వేల కోట్ల రూపాయల ప్రత్యేక ప్యాకేజీ ప్రకటించారని.. దీనితో పాటు ప్రస్తుతం అమలవుతున్న ప్రాజెక్టుల కోసం మరో 40 వేల రూపాయలు ప్రకటించారని చెప్పారు.