పార్టీ మారనున్న అల్లు అర్జున్ మామ?
posted on Sep 11, 2018 2:09PM
అసెంబ్లీ రద్దుతో తెలంగాణలో ఎన్నికల హడావుడి మొదలైంది.. మరోవైపు టిక్కెట్ విషయంలో అసంతృప్తిగా ఉన్న నేతలు ఒక పార్టీ నుండి మరో పార్టీకి జంప్ చేస్తున్నారు.. ఇప్పుడు ఆ లిస్ట్ లో హీరో అల్లు అర్జున్ మామ శేఖర్రెడ్డి కూడా ఉన్నట్టు తెలుస్తోంది.. స్నేహారెడ్డి తండ్రి శేఖర్రెడ్డి గత ఎన్నికల్లో తెరాస పార్టీ తరపున ఇబ్రహీంపట్నం నియోజకవర్గం నుంచి పోటీ చేసి ఓడిపోయారు.. ఆయనపై తెలుగుదేశం పార్టీ అభ్యర్థి మంచిరెడ్డి కిషన్రెడ్డి గెలిచారు.. ఎన్నికల అనంతరం మంచిరెడ్డి కిషన్రెడ్డి తెరాసలో చేరారు.. సిట్టింగ్ ఎమ్మెల్యేగా కేసీఆర్ ఆయనకు అవకాశం ఇవ్వడంతో అల్లు అర్జున్ మామ శేఖర్రెడ్డికి మొండిచెయ్యి చూపినట్టు అయ్యింది.. దీంతో అసంతృప్తిలో ఉన్న శేఖర్ రెడ్డి కాంగ్రెస్లో చేరి ఎమ్మెల్యేగా పోటీ చేయాలని భావిస్తున్నట్టు ప్రచారం జరుగుతోంది.. మరి అల్లు అర్జున్ మామ నిజంగానే కారు దిగి కాంగ్రెస్ తో చేతులు కలుపుతారో లేదో చూడాలి.