కార్తీక స్నానం చేయండి.. దానం చేయండి.. ఎందుకొ మీకు తెలుసా!

కార్తీక స్నానం చేయండి..దానం చేయండి..ఎందుకొ మీకు తెలుసా!

కార్తీక మాసాన్ని అత్యంత పవిత్రమైన మాసంగా భావిస్తారు. ఈ మాసంలో చేసే శుభకార్యం రెట్టింపు శుభ ఫలితాలను ఇస్తుంది. ముఖ్యంగా కార్తీక మాసంలో పుణ్యనదుల్లో స్నానం చేసి దానధర్మాలు చేయాలన్న నమ్మకం ఉంది. కార్తీక మాసంలో పవిత్ర నదులలో ఎందుకు స్నానం చేయాలి? కార్తీక మాసంలో దానం చేయడం వల్ల కలిగే లాభాలు మీకు తెలుసా?

హిందూ క్యాలెండర్ ప్రకారం, ఆశ్వయుజ మాసం తర్వాత కార్తీక మాసం ప్రారంభమవుతుంది. ఈ మాసం విష్ణువుకు అంకితం చేయబడింది. ఆయనకు ఇష్టమైన నెలగా పరిగణించబడుతుంది. కార్తీక మాసంలో శ్రీమహావిష్ణువు ఆరాధన, స్నానం, దానధర్మాలకు ప్రత్యేక ప్రాముఖ్యత ఉంది. అలాగే ఈ మాసంలో శివ, కార్తికేయ, తులసి పూజలు చేసే సంప్రదాయం ఉంది. హిందూ మతంలో ఈ మాసానికి చాలా ప్రాముఖ్యత ఉంది. మత విశ్వాసాల ప్రకారం, ఈ సమయంలో విష్ణువును పూజించడం వల్ల జీవితంలో ఆనందం, శ్రేయస్సుతోపాటు దీర్ఘాయువు లభిస్తుంది. కార్తీక మాసంలో స్నానం చేయడం, దానధర్మాలు చేయడం వల్ల అన్ని కష్టాల నుంచి విముక్తి లభిస్తుంది. కార్తీక మాసంలో స్నానం, దానం యొక్క ప్రాముఖ్యత, నియమాల గురించి తెలుసుకుందాం.

కార్తీక మాసం ప్రారంభం:

కార్తీక మాసం హిందూ మతంలో శుభప్రదమైన మాసంగా పరిగణించబడుతుంది. ఈ మాసం విష్ణుమూర్తికి ఇష్టమైన మాసంగా చెబుతారు. ఈ మాసం అంతా శుభకార్యాలు జరుగుతాయి. ఈ ఏడాది నవంబర్ 14 నుంచి కార్తీక మాసం ప్రారంభమయ్యింది.

కార్తీక మాసంలో స్నానం చేసి దానం ఎందుకు చేయాలి..?

కార్తీక మాసంలో స్నానానికి, దానానికి ఎంతో ప్రాధాన్యత ఉంటుంది. ఈ మాసంలో పవిత్ర నదులలో స్నానం చేయడం వల్ల విష్ణువు ప్రసన్నుడవుతాడు. అతని భక్తుల కోరికలన్నీ నెరవేరుస్తారని నమ్ముతారు. నదిలో స్నానం చేయడం కుదరని పక్షంలో ఇంట్లో స్నానం చేసే నీటిలో గంగాజలం కలిపి స్నానం చేయాలి. ఈ మాసంలో దానధర్మాలు చేయడం వల్ల జీవితంలో ఆనందం, అదృష్టం పెరుగుతాయని, ఇంట్లో శ్రేయస్సు, శాంతి పెరుగుతుందని నమ్ముతారు.

కార్తీక మాసంలో పాటించాల్సిన నియమాలు:

కార్తీక మాసం ఎంత ముఖ్యమో, ఈ మాసంలో నియమాలు పాటించడం కూడా అంతే ముఖ్యం. ఈ మాసంలో మధ్యాహ్న సమయంలో నిద్రించకూడదని నియమం ఉంది. ఇక కార్తీక మాసంలో విష్ణువును ఎక్కువగా పూజించాలి. ఈ మాసంలో సూర్య భగవానుడికి అర్ఘ్యం సమర్పించాలి. ఈ మాసంలో తులసి పూజకు కూడా ప్రత్యేక ప్రాముఖ్యత ఉంది. కాబట్టి ప్రతిరోజూ తులసి దగ్గర దీపం వెలిగించాలి. పవిత్రమైన కార్తీక మాసంలో, పైన పేర్కొన్న నియమాలను పాటించడం ద్వారా మనం జీవితంలో ఆనందం, శ్రేయస్సును పొందవచ్చు. ఇది ఒక వ్యక్తి జీవితాన్ని సానుకూలంగా మార్చగల సామర్థ్యాన్ని కలిగి ఉంటుంది. కార్తీక మాసంలో మీరు కూడా ఈ నియమాలు పాటిస్తే శ్రీమహావిష్ణువు అనుగ్రహం పొందవచ్చు.