ఓ వులేన్ ప్యాంటు
ఓ టెర్లిన్ షర్టు
కోరమీసం
చలువకళ్ళద్దాలతో నాన్న.
అమ్మకి పూలు
తాతకి మందులు
నాకు బిస్కెట్లు
చెల్లికి చాక్లెట్లతో నాన్న.
అమ్మ రోగానికి
నా చదువుకి
చెల్లి పెళ్ళికి
అప్పులతో నాన్న.
ఓ వాలుకుర్చీ
ఓ కళ్ళజోడు
ఓ న్యూస్ పేపరు
పక్కనో టీ కప్పుతో నాన్న
దుమ్ముపట్టిన ఫ్రేములో
వాడిన పూలదండలతో
మా నిర్లక్ష్యానికి సాక్ష్యంగా
నవ్వుతూ అమ్మ పక్కన నాన్న. ...
@ శ్రీ (FATHERS DAY సందర్భంగా )...
Related Articles
