రవ్వ లడ్డు

కావాల్సిన పదార్ధాలు:

బొంబాయి రవ్వ - పావు కేజీ

పచ్చి కొబ్బరి తురుము - అర కప్పు

నెయ్యి - మూడు టేబుల్ స్పూన్స్

జీడి పప్పు - కొద్దిగా

ఎండు ద్రాక్ష - కొద్దిగా

పంచదార - ఒక కప్పు

నీళ్ళు - 100 ml

యాలుకులు - నాలుగు

తయారీ విధానం:

* రవ్వను పచ్చి కొబ్బరిలో బాగా మిక్స్ చేసి రెండు గంటల పాటు పక్కన పెట్టుకోవాలి.

* యాలుకులును కూడా మెత్తగా పొడి చేసుకోవాలి.

* కళాయిలో నెయ్యి వేసి అందులో జీడిపప్పు, ఎండు ద్రాక్ష వేయించి తీసి పక్కన పెట్టుకోవాలి.

* ఇప్పుడు రెండు గంటలు పాటు మిక్స్ చేసి పక్కన పెట్టుకున్న మిశ్రమాన్ని సన్నని మంట మీద గోల్డెన్ కలర్ వచ్చే దాక వేపుకోవాలి.

* మరో బాండిలో పంచదార వేసి అందులో కొద్దిగా నీళ్ళు పోసి తీగ పాకం వచ్చేదాకా మరిగించాలి.

* తీగ పాకం రాగానే స్టవ్ ఆఫ్ చేసి వేయించుకున్న రవ్వ, జీడిపప్పు,ఎండు ద్రాక్ష, యాలకుల పొడి వేసి బాగా కలిపి వేడిగా వున్న మిశ్రమాన్ని గోరువెచ్చగా అయ్యేవరకు చల్లారనివ్వాలి.

* తర్వాత చేతికి నెయ్యి రాసుకుని గోరువెచ్చగా ఉన్నప్పుడే లడ్డూలు చుట్టుకోవాలి. లేదంటే పొడి పొడిగా అయిపోయి లడ్డు చేయడానికి రాదు.

* లడ్డూలు చుట్టాక వాటిని బాగా చల్లారనిచ్చి గాలిపోకుండా వుండే డబ్బాలో పెడితే కనీసం వారం పాటు ఈ లడ్డులు ఫ్రెష్ గా ఉంటాయి.