బీరకాయ కొబ్బరి పాలకూర

కావలసిన పదార్ధాలు:

బీరకాయలు                                     - 1/2 kg            
ఉల్లిపాయలు                                   - 2
కొబ్బరిపాలు                                     - 1 కప్పు
ఉప్పు                                               - 1/4 చెంచా 
కారం                                                - 1/4 చెంచా 
ధనియాలపొడి                                  - 1/2 చెంచా
జీలకర్రపొడి                                      - 1/2  చెంచా
జీలకర్ర                                             - 1/4 చెంచా
కరివేపాకు                                         - 4 ఆకులు
నూనె                                                - 6 చెంచాలు

తయారీ విధానం:

* బీరకాయలు కడిగి తొక్క తీసి పెద్ద ముక్కలుగా చేసి వాటిని గుత్తులుగా కోసుకోవాలి. 
* పొయ్య  ఫై   బాణలి పెట్టి వేడి   అవుతుండగా  నూనె  వేసుకొని తరిగి ఉంచుకున్న ఉల్లి ముక్కల్ని వేయాలి.
* అవి దోరగా కమ్మని వాసన వచ్చేవరకు వేయించుకొని  కరివేపాకు వేసుకొని ..అవి చిటపట లాడుతుండగా జీల కర్ర వేసుకొని బీర గుత్తులను వేసి ఉప్పు పసుపు వేసి కలిపి మూత పెట్టి మగ్గనివ్వాలి.
* గుత్తులు విడిపోకుండా ప్రక్కలనుండి కలుపుతూ .....బీరకాయ లోపలి వరకు ఉడకనివ్వాలి.
* మూత  పెడుతూ, తీస్తూ  నీరు ఆవిరి అవనిచ్చి ధనియాల పొడి, జీలకర్ర పొడ, కారం వేసి జాగ్రత్తగా  కలిపి.
* పూర్తిగా ఈ  మసాలాలు బీర గుత్తులకు పట్టాక.. పొయ్య  మీద నుంచి దింపి.. కొబ్బరి పాలు వేసి బాగా కలిపి ...కొత్తిమీరతో  అలంకరించుకోవాలి.
* ఈ కూర చపాతీలలోకి ,అన్నంలోకి కూడా చాలా రుచిగా ఉంటుంది .