Jandhyla Jokes

********************************

పెళ్లి అర్హతలు

"మా అమ్మాయిని పెళ్లి చేసుకోవడానికి నీకున్న అర్హతలేమిటి ?" అడిగాడు కాంతారావు.

" వంటలు బాగా చేస్తాను, బట్టలు బాగా ఉతుకుతాను. ఇంతకంటే ఏం అర్హతలు కావాలి సార్

" అన్నాడు ప్రభాకర్.

********************************************

మిడ్ నైట్ కార్యక్రమాలు

రిపోర్టర్ : మన టి.వి. కార్యక్రమాలు చాలా బాగుంటున్నాయని స్కూల్ పిల్లల దగ్గర్నుంచి

ఉత్తరాలు వస్తున్నాయి సార్.

మేనేజర్: ఏ కార్యక్రమాలు బాగున్నాయంటున్నారు ?

రిపోర్టర్: మిడ్ నైట్ కార్యక్రమాలట సార్.

**************************************

స్కూల్ వాస్తు

" ఏరా విజయ్...ఈ మార్కులేంటి? వందకు ఐదు మార్కులే వచ్చాయి " అని అడిగాడు

తండ్రి.

" మరేం చేయమంటావు నాన్నా! మా స్కూల్ వాస్తు బాగోలేదు " అని చెప్పాడు విజయ్.

********************************

పిల్లల్ని కనడం

శివుడు : పార్వతి...మనకు ఇద్దరు పిల్లలు చాలు. ఇక పిల్లల్ని కనడం నావల్ల

కాదు.ఆపరేషన్ చేయించేసుకుందాం.

పార్వతి : ఆ ఆపరేషనేదో మీరే చేయించుకోండి. నాకింకా పిల్లల్ని కనాలని ఉంది.

************************************

ఆడవాళ్ళూ - మగవాళ్ళూ

"ఆడవాళ్ళూ, మగవాళ్ళూ కాస్త తెలివితేటలతో ప్రవర్తిస్తే కాపురాల్లో అసలు కలతలే

ఉండవు. విడాకులు అసలే ఉండవు" అని అన్నాడు అప్పలస్వామి.

" ఇంకాస్త తెలివిగా ప్రవర్తిస్తే అసలు పెళ్లిళ్ళే ఉండవు " అని గబుక్కున అన్నాడు

చింతలనాయుడు.

****************************

భార్య కోసం

“ ఇదేమిటండీ...ప్లేటు,కత్తి తీసుకుని మేడెక్కుతున్నారు..”అడిగింది భార్య.

“ నీకోసం పండు వెన్నెలను కోసి తెద్దామని " వెటకారంగా అన్నాడు భర్త.

******************************************

ఇంటార్వ్యూ 

ఇంటర్వ్యూ సాగుతుంది.

"ఆమెరికా నాల్గో ప్రెసిడెంట్ ఎవరు ?"

" చైనా మొదటి చక్రవర్తి ఎవరు ?"

" జపాన్లో తొలి భూకంపం ఎప్పుడొచ్చింది ?"

" హిమాలయాలలో ఎన్ని పర్వతాలున్నాయి ?"

అభ్యర్థికి విసుగెత్తింది.

" సార్..మీరిన్ని ప్రశ్నలడిగారు. వాటి సమాధానాలు మీక్కూడా తెలియవని నాకు తెలుసు.

మీకు జవాబు తెలిసిన ఒక ప్రశ్న నేను వేస్తాను. మీ ఐదుగురికి కలిపి లంచం ఎంత కావాలి

?" అని అడిగాడు.

**********************************************