గండాంత దోషాలు మూడు రకాలు.
1. తిథి గండాంతం 2. నక్షత్ర గండాంతం 3. రాశి గండాంతం
1. తిథి గండాంత దోషం: నంద తిథులైన పాడ్యమి, షష్ఠీ, ఏకాదశీ తిథుల మొదటి గడియలు, పూర్ణ తిథులైన పంచమి, దశమి, పూర్ణిమల చివరి రెండు ఘడియలు తిథి గండాంతములు.
2. నక్షత్ర గండాంత దోషం: ఆశ్లేష చివరి 4 ఘడియలు, మఖ మొదటి నాలుగు ఘడియలు; జ్యేష్ట చివరి 4 ఘడియలు, మూల మొదటి 4 ఘడియలు; రేవతి చివరి 4 ఘడియలు, అశ్విని మొదటి 4 ఘడియలు మొత్తం ఈ మూడు నక్షత్ర కాలంలో 8ఘడియల కాలం నక్షత్ర గండాంతములు.
3. రాశి గండాంత దోషం: సింహం,ధనుస్సు, మేష రాశుల మొదటి అర్థ ఘడియ (12ని.లు,) కర్కాటక, వృశ్చిక, మీనా రాశుల చివరి అర్థ ఘడియ (12ని.లు)లు రాశిగండాంతములు.
గండాంత దోషాపవాదం:
చంద్రుడు బలంగా ఉంటే తిథి గండాంత దోషం పరిహారమవుతుంది. గురువు బలంగా ఉంటే లగ్న గండాంత దోషం పరిహారం. అభిజిన్ముహూర్తంలో తిథి, లగ్న, నక్షత్ర గండాంత దోషాలు మూడు పరిహారమవుతాయి.
“గండాంత దోష మఖిలం ముహుర్తోకభిజిదాహ్వయః
హంతి యద్వాన్మ్రగ వ్యాధః పక్షి సంఘాది వాఖిలమ్"