స్టార్ మా టీవీలో ప్రసారమవుతున్న సీరియల్ 'బ్రహ్మముడి (Brahmamudi)'. ఈ సీరియల్ శనివారం నాటి ఎపిసోడ్-1141 లో..  రాజు, ఇందు కలిసి సిరిని ఇంటికి తీసుకొస్తాడు. సిరిని చూసిన రేఖ వెంటనే రచ్చ చేస్తూ.. ఈ అమ్మాయిని కూడా ఇంట్లోకి తీసుకొచ్చారా.. అసలు ఈమె ఎవరని ప్రశ్నిస్తుంది. అపర్ణకు ఏం జరుగుతుందో అర్థం కాక ఇందును అడగడంతో రేఖ కల్పించుకుని‌‌.. ఆంటీ.. ఈమె రాజు మొదటి భార్య సిరి. ఇన్నాళ్లూ హాస్పిటల్‌లో కోమాలో ఉందని చెప్తుంది. అది విన్న అపర్ణ షాక్‌ అవుతూ.‌ ఇందూ.. రేఖ చెప్పేది నిజమేనా అని అడుగుతుంది. అవును నానమ్మ.. ఈమె సిరినే. కోమాలో నుంచి బయటకు వచ్చింది కానీ తన గతం ఏదీ గుర్తు లేదు. ఇప్పుడు చిన్నపిల్లలా ప్రవర్తిస్తోందని వివరిస్తుంది. అంటే సిరి ఇక నుంచి మన ఇంట్లోనే ఉంటుందా అని భ్రమరాన్ని శేషు అడగగా.. అదే కదా అసలు సమస్య అని భ్రమరం అంటుంది. రాజు తన మొదటి భార్యను ఇంట్లోనే పెట్టుకున్నాడంటూ రేఖతో కలిసి మాటలు పెంచుతుంది. ఇద్దరు పెళ్లాల భర్త అంటూ రేపు అందరూ మన కుటుంబం గురించి మాట్లాడుకుంటారని భ్రమరం అనడంతో సిరి భయపడి ఏడవడం మొదలుపెడుతుంది. వెంటనే ఇందు ఆమెను దగ్గరకు తీసుకుని ఓదారుస్తూ.. నువ్వు భయపడకు సిరి.. ఎవరు ఏం మాట్లాడినా నేను నీకు తోడుగా ఉంటానని చెప్తుంది. చివరికి రాజుతో ఇందు.. సిరిని మన గదిలోకి తీసుకెళ్లమని చెప్పడంతో అపర్ణ మరింత ఆందోళన చెందుతుంది.

ఇందు నిర్ణయంపై అపర్ణ కోప్పడుతుంది. ఆ అమ్మాయిని ఇంటికి తీసుకురావాల్సిన అవసరం ఏమొచ్చింది.. రాజుకు ఆమెతో ఎలాంటి సంబంధం లేకపోతే ఇన్నాళ్లూ ఆమెకు ట్రీట్‌మెంట్ ఎందుకు చేయించాడు.. ఇప్పుడు ఇంటికి ఎందుకు తీసుకొచ్చాడని అపర్ణ ప్రశ్నిస్తుంది. నానమ్మ.. మనకు పూర్తిగా నిజం తెలియదు. సిరికి ఇప్పుడు ఏమీ గుర్తు లేదు. ఇలాంటి పరిస్థితిలో ఆమెను ఒంటరిగా ఎలా వదిలేస్తానని ఇందు అంటుంది. రేఖ కూడా ఇదే అవకాశంగా తీసుకుని.. అంటే సిరిని రాజు భార్యగా అంగీకరించినట్టే కదా.. మరి ఇందు పరిస్థితి ఏంటంటూ అపర్ణను రెచ్చగొడుతుంది. అపర్ణ మాత్రం.. ఇందూ.. నీ జీవితం నాశనం కాకూడదంటే సిరిని ఇంట్లోంచి పంపించేయాలని గట్టిగా చెప్తుంది. కానీ ఇందు మాత్రం.. సారీ నానమ్మ.. సిరి ఈ పరిస్థితిలో ఉన్నప్పుడు నేను ఆమెను ఎక్కడికీ పంపలేనని తేల్చి చెప్తుంది. మరోవైపు గదిలో సిరి బొమ్మలు కావాలని అడగడంతో రాజు వాటిని తీసుకొస్తానని చెప్తాడు. అయితే సిరి ఇప్పుడే కావాలని ఏడవడంతో ఇందు వెంటనే బొమ్మలు తీసుకొచ్చి ఇస్తుంది. బొమ్మలు చూసిన సిరి సంతోషంగా ఆడుకుంటుంది. రాజు ఇందును చూసి.. నువ్వు నాకు ఇంత సాయం చేస్తున్నావు.. నీకు ఎలా థాంక్స్ చెప్పాలో కూడా తెలియడం లేదు. ఇక నీ దగ్గర నుంచి డబ్బులు తీసుకోనని అంటాడు. ఇంతలో సిరి రాజును “మొగుడా” అని పిలవడంతో రాజు ఇబ్బందిపడతాడు. సిరి.. నన్ను అలా పిలవకు.. రాజు అని పిలువు అని చెప్పినా సిరి మాత్రం.. నాకు రాజు నచ్చలేదు.. మొగుడే నచ్చాడంటూ మళ్లీ అదే మాట అంటుంది. చివరికి మొగుడా.. నాకు జ్యూస్ కావాలి అని అడగడంతో ఇందు జ్యూస్ తీసుకురావడానికి బయటకు వెళ్తుంది. ఈ పరిస్థితిని చూసిన అపర్ణకు మాత్రం తన మనవరాలి భవిష్యత్తుపై భయం మరింత పెరుగుతుంది.

ఇక మరోవైపు భూషణ్, రేఖ, భ్రమరం కలిసి రాజును ఇంటి నుంచి ఎలా బయటకు పంపించాలా అని ప్లాన్ వేస్తారు. మనం ఎంత ప్రయత్నించినా రాజు మనకంటే ఒక అడుగు ముందే ఉంటున్నాడని భ్రమరం  అంటుంది. ఆస్తి మనకు దక్కకుండా ఇంట్లోకి వచ్చాడు.. ఇందును పెళ్లి చేసుకున్నాడు.. కంపెనీని తన చేతుల్లోకి తీసుకున్నాడు.. ఇప్పుడు తన మొదటి భార్యను కూడా ఇంట్లోకి తీసుకొచ్చాడంటూ భూషణ్ కోపంగా మాట్లాడతాడు. ఈసారి రాజు చేసిన పని మనకే ఉపయోగపడుతుంది. సిరిని ఇంటికి తీసుకొచ్చిన విషయాన్ని అడ్డుపెట్టుకుని రాజును బయటకు పంపించవచ్చని చెప్తుంది. కానీ మనం ఎలా చేస్తామని భ్రమరం అడగగా మనతో కాదు.. అపర్ణ ఆంటీతో చేయించాలి. సిరి వల్ల ఇందు జీవితం నాశనం అవుతుందని ఆమెను నమ్మిస్తే, అపర్ణే రాజును ఇంటి నుంచి పంపించడానికి ముందుకొస్తుందని  రేఖ తన ప్లాన్ వివరిస్తుంది. మరోవైపు రాజు పక్కన సిరి పడుకోవడం చూసిన అపర్ణ మరింత సీరియస్ అవుతుంది. ఇక రేఖ , భ్రమరం కలిసి అపర్ణని రెచ్చగొట్టి రాజుని ఇంటి నుంచి బయటకు పంపించేలా చేయాలని నిర్ణయించుకుంటారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.

 

 

 

[Brahmamudi today episode 1141, Star Maa Brahmamudi September 20 episode, Brahmamudi Raju first wife Siri entry, Brahmamudi Indu supports Siri twist, Brahmamudi Aparna angry on Raju]