బెడ్రూమ్లో వేదని వేధిస్తున్న కైలాష్.. యష్ ఏం చేశాడు?
on Jun 30, 2022
నిరంజన్, డెబ్జాని మోడక్ జంటగా నటించిన రొమాంటిక్ ఫ్యామిలీ సీరియల్ `ఎన్నెన్నో జన్మల బంధం`. స్టార్ మాలో ప్రసారం అవుతున్న ఈ సీరియల్ ఆసక్తికర మలుపులతో సాగుతూ ఆకట్టుకుంటోంది. గత కొంత కాలంగా మహిళా ప్రేక్షకుల్ని విశేషంగా ఆకట్టుకుంటున్న ఈ సీరియల్ మంచి రేటింగ్ తో సాగుతోంది. ఇందులోని ఇతర పాత్రల్లో బెంగళూరు పద్మ, జీడిగుంట శ్రీధర్, ప్రణయ్ హనుమండ్ల, ఆనంద్, బేబీ మిన్ను నైనిక, సుమిత్ర, రాజా శ్రీధర్ తదితరలు నటిస్తున్నారు.
యష్ బిజినెస్ పనిమీద ముంబై వెళ్లిపోవడంతో ఇదే మంచి అదనుగా భావించిన కైలాష్ వావి వరుసలు మరిచిపోయి.. ఒంటరిగా బెడ్రూమ్ లో వున్న వేదని ఇబ్బంది పెట్టే ప్రయత్నం చేస్తాడు.. తన ప్రపోజల్ కు ఒప్పుకోమని ఇబ్బందికి గురిచేస్తాడు. ఇందు కోసం లవ్ సింబల్ తో వున్న గిఫ్ట్ ని కూడా ఇస్తాడు. అతని నీచపు మనస్తత్వానికి షాకైన వేద ఏడుస్తూ హాల్లోకి వస్తుంది. జరిగిన విషయాన్ని అత్త మాలినితో చెబుతుంది. కానీ తను నమ్మదు. పైగా వేదనే అనుమానిస్తుంది. కైలాష్ ఎలాంటి వాడో తనకు తెలుసని, తను ఇంటి అల్లుడు అని, అతని అధికారం ముందు తల వంచాల్సిందేనని, ఈ విషయాన్ని యష్ కు ఎట్టిపరిస్థితిలో చెప్పకూడదని వేదని హెచ్చరిస్తుంది.
ఉన్నట్టుండి అంతా తారుమారయ్యే సరికి వేద అచేతనురాలవుతుంది. అయినా సరే.. "సాటి ఆడదాని బాధని అర్థం చేసుకోండి" అని నిలదీస్తుంది. అయినా మాలిని.. వేద మాటలని వినదు.. నీది అపోహ అని కొట్టి పారేస్తుంది. ఏం చేయాలో తెలియక బెడ్రూమ్ లో యష్ ఫొటోని అద్దంలో చూస్తూ "మిస్ యు" అని రాస్తుంది వేద.. ఆ తరువాత యష్ కు జరిగిన విషయం చెప్పాలని ఫోన్ చేస్తుంది. కానీ యష్.. మాలిని పడిపోవడంతో తన వద్దే వుంటాడు.. ఫోన్ సైలెంట్ లో వున్న విషయం పట్టించుకోడు.. తరువాత ఫోన్ చెక్ చేస్తే వేద చాలా సార్లు ఫోన్ చేసినట్టుగా తెలుస్తుంది.
వెంటనే వేదకు ఫోన్ చేస్తాడు యష్.. తను విషయం చెప్పే లోపు "కైలాష్ గురించేనా?" అంటే షాకిస్తాడు. "తనకు డబ్బులు ఇప్పించావు, ఉద్యోగం ఇవ్వమన్నావు.. ఇదంతా తెలిసి మా అమ్మ నిన్ను ఆకాశానికి ఎత్తేసి వుంటుంది కదా?" అంటాడు. తనకు జరిగిన విషయం చెప్పలేక, మనసులో దాచుకోలేక వేద నరకం అనుభవిస్తూ అది యష్ కు తెలియకుండా మాట్లాడుతుంది. అయినా యష్ గమనించి "ఏం జరిగింది?" అని ఆరాతీస్తే "ఐ మిస్ యూ" అని ఏడుస్తూ ఫోన్ పెట్టేస్తుంది.. దీంతో సమ్ థింగ్ ఈజ్ గోయింగ్ రాంగ్ అని యష్ కు అర్థమవుతుంది.
కట్ చేస్తే.. వేద ఒంటరిగా బెడ్రూమ్ లో వుండటం గమనించిన కైలాష్ తన కోరిక తీర్చమని వేదని వేధించడం మొదలు పెడతాడు.. ఇదే సమయంలో యష్ ముంబై నుంచి దిరిగి ఇంటికి చేరతాడు.. హాలులో యష్.. బెడ్రూమ్ లో వేద, కైలాష్.. ఏం జరగబోతోంది?.. యష్ ఎలా రియాక్ట్ కాబోతున్నాడు? అన్నది తెలియాలంటే ఈ రోజు ఎపిసోడ్ చూడాల్సిందే.
Also Read