ఆర్పీ గుండె మీద 'నాగబాబు'!
on Jun 30, 2022
బుల్లితెర విషయాలు మాట్లాడుకోవాలంటే 'జబర్దస్త్' షోతోనే స్టార్ట్ అవుతుంది. ఎందుకంటే ఇది బుల్లితెర చరిత్రలో ఒక ట్రెండ్ సెట్టర్ షో. ఇక ఈ షోలో ఎవరికి వారే డిఫరెంట్, సంథింగ్ స్పెషల్ పర్సన్స్. అందులోనూ నాగబాబు ఇంకొంచెం స్పెషల్. ఆయనకు తెలియకుండా షోలో ఏదీ జరిగేది కాదు. నాగబాబు ఈ షోకి కానీ, కమెడియన్స్ కి కానీ ఒక పెద్ద దిక్కుగా వ్యవహరించేవారు. రోజా కూడా నాగబాబు వల్లనే ఫేమస్ అయ్యింది.
ఒకవిధంగా చెప్పాలంటే నాగబాబు ఈ షోలో వాళ్లందరికి ఒక ఆరాధ్య దైవం అన్ని చెప్పొచ్చు. ఆయన కోసం నిప్పుల్లో దూకమన్నా దూకుతారు, పచ్చబొట్లు కూడా పొడిపించుకుంటారు. చివరికి నాగబాబు 'జబర్దస్త్'కి బై బై చెప్పి 'అదిరింది' షోకి వెళ్లిపోయారు. ఇక ఆయన్ని నిత్యం ఆరాధించే చమ్మక్ చంద్ర, కిరాక్ ఆర్పీ వంటి వాళ్ళు కూడా ఆ షో నుంచి వచ్చేసారు.
ఒక్క మాటలో చెప్పాలంటే కిర్రాక్ ఆర్పీకి నాగబాబు అంటే పిచ్చి. ఆయనకు చెప్పకుండా ఒక్క పని చేయడు. చివరిగా ఆర్పీకి ఆయన మీద ఎంత ప్రేమ ఉందో ఇప్పుడు బయటపడింది. సుధీర్ ఆయన ప్రేమను ప్రపంచానికి చూపించాడు. ఇక ఈ విషయం నాగబాబుకు చెప్పకుండా చేసాడు. నాగబాబు అంటే పచ్చబొట్టు పొడిపించుకునేంత ప్రేమ అని ఆయన గుండెల మీద ఉన్న పచ్చబొట్టుని నాగబాబుకి చూపించాడు సుధీర్.
"అదేంట్రా ఎప్పుడూ చెప్పలేదు?" అంటూ నాగబాబు షాక్ అయ్యాడు. ఒక్క నిమిషం ఆర్పీ చేసిన పనికి ఎమోషన్ అయ్యాడు. "వీడి పిచ్చి ఏంటో వీడికే తెలీదు. అందుకే కిర్రాక్ ఆర్పీ అని పేరు పెట్టుకున్నాడు" అని సుధీర్ అన్నాడు. 'పార్టీ చేద్దాం పుష్ప' అనే షోలో ఇది చూడొచ్చు. ఇప్పుడు ఈ షోకి సంబంధించి ప్రోమో విడుదల అయ్యింది.