మెగా పవర్ స్టార్ రామ్ చరణ్ (Ram Charan) హీరోగా, ఉప్పెన ఫేమ్ బుచ్చిబాబు దర్శకత్వంలో రూపుదిద్దుకున్న భారీ స్పోర్ట్స్ డ్రామా ‘పెద్ది’ (Peddi) బాక్సాఫీస్ వద్ద సరికొత్త చరిత్ర సృష్టిస్తోంది. జూన్ 4న ప్రపంచవ్యాప్తంగా భారీ అంచనాల మధ్య విడుదలైన ఈ చిత్రం, మొదటి రోజు నుంచే థియేటర్లలో రికార్డు స్థాయి వసూళ్లతో దూసుకుపోతోంది. 

టాలీవుడ్‌లోనే కాకుండా మొత్తం సౌత్ ఇండియన్ సినిమా హిస్టరీలోనే 2026 సంవత్సరానికి గాను అత్యధిక వసూళ్లు సాధించిన చిత్రంగా 'పెద్ది' అగ్రస్థానంలో నిలిచింది. మన శంకర వరప్రసాద్ గారు, కరుప్పు వంటి సినిమాలను దాటుకొని 'పెద్ది' ఈ ఘనత సాధించడం విశేషం.

మెగా పవర్ స్టార్ రామ్ చరణ్ కెరీర్‌లోనే ఇది ఒక మైలురాయిగా నిలిచిపోతుందని సినిమా చూసిన ప్రేక్షకులు, అభిమానులు ప్రశంసల వర్షం కురిపిస్తున్నారు. దాదాపు ₹350 కోట్ల భారీ బడ్జెట్‌తో అత్యంత ప్రతిష్టాత్మకంగా తెరకెక్కిన ఈ చిత్రం, నిర్మాతలు ప్రకటించిన దాని ప్రకారం కేవలం మొదటి వారంలోనే ప్రపంచవ్యాప్తంగా ₹345 కోట్ల గ్రాస్ వసూళ్లను సాధించింది. 

ఈ చిత్రంలో రామ్ చరణ్ మేకోవర్, ఆయన నటన ఇప్పటివరకు చేసిన సినిమాలన్నింటికంటే ఎంతో విభిన్నంగా, ఎమోషనల్‌గా సాగింది. ఒక స్పోర్ట్స్ బ్యాక్‌డ్రాప్ కథలో చరణ్ చూపించిన ట్రాన్స్‌ఫార్మేషన్ థియేటర్లలో ప్రేక్షకులకు గూస్‌బంప్స్ తెప్పిస్తోంది. ఆస్కార్ అవార్డ్ విజేత ఏఆర్ రెహమాన్ అందించిన బ్యాక్‌గ్రౌండ్ స్కోర్ మరియు సాంగ్స్ ఈ సినిమాను మరో స్థాయికి తీసుకెళ్లాయి. ప్రతి సన్నివేశాన్ని తన సంగీతంతో రెహమాన్ నెక్స్ట్ లెవెల్‌కు ఎలివేట్ చేశారు.

ఈ సినిమాలో రామ్ చరణ్‌తో పాటు బాలీవుడ్ బ్యూటీ జాన్వీ కపూర్ కథానాయికగా నటించగా, కన్నడ సూపర్ స్టార్ శివ రాజ్‌కుమార్ ఒక కీలక పాత్రలో మెరిసారు. ఇక అప్పలసూరి పాత్రతో జగపతి బాబు ప్రశంసలు అందుకుంటున్నారు. ఈ భారీ తారాగణం సినిమాకు అదనపు ఆకర్షణగా నిలిచింది. 

ప్రాంతీయ మార్కెట్లలో ఇప్పటికే ఉన్న పాత రికార్డులన్నింటినీ బద్దలు కొడుతూ ‘పెద్ది’ సినిమా దూసుకుపోతుండగా, ఫ్యామిలీ ఆడియన్స్ నుంచి వస్తున్న రెస్పాన్స్ సినిమాకు అతిపెద్ద ప్లస్ పాయింట్‌గా మారింది. రెండో వారంలో కూడా ఈ కలెక్షన్ల జోరు ఇలాగే కొనసాగేలా కనిపిస్తోంది. ట్రేడ్ విశ్లేషకుల అంచనాల ప్రకారం ఈ చిత్రం సులభంగా ₹400 కోట్ల క్లబ్‌ను దాటి సరికొత్త రికార్డులను సృష్టించబోతోంది. బాక్సాఫీస్ వద్ద 'పెద్ది' సృష్టిస్తున్న ఈ ప్రభంజనం రాబోయే రోజుల్లో ఇంకెన్ని రికార్డులను తిరగరాస్తుందో చూడాలి.