బీబీ జోడిలో జడ్జెస్ ఎవరో మనకు తెలుసు..రాధా, సదా. మరి సదా సరికొత్తగా ఒక వీడియో చేసి తన యూట్యూబ్ లో పోస్ట్ చేశారు. అదే "చిట్ చాట్ విత్ రాధా". ఇందులో సదా రాధను కొన్ని ప్రశ్నలు వేసింది.. రాధా కూడా వాటికి ఇంటరెస్టింగ్ ఆన్సర్స్ ఇచ్చింది. "మీకు ఏ హీరో డాన్స్ అంటే ఇష్టం" అని అడిగేసరికి " ఆన్సర్ చెప్పడం కష్టం..జూనియర్ ఎన్టీఆర్, బన్నీ, రామ్ చరణ్" అని చెప్పింది. "ఒకవేళ మూవీ ఇండస్ట్రీకి రాకపోయి ఉంటే టీచర్ ని అయ్యేదాన్ని..ఆ కోరిక ఇప్పుడు బీబీ జోడిలో జడ్జి రూపంలో తీరింది" అని చెప్పింది. "మీ టైములో పుష్ప మూవీ తీసి ఉంటే పర్ఫెక్ట్ హీరో ఎవరు ఉంటే బాగుంటుందని మీరు అనుకుంటారు" అనేసరికి " బన్నీ తప్ప ఆ క్యారెక్టర్ ఎవరూ చేయలేరు. 80 S లో అలా డిగ్లామర్ రోల్ లో ఎవరూ చేసేవారు కాదు. ఒకవేళ అలా చెయ్యాలి అంటే మాత్రం కమల్ హాసన్..ఆయన తప్ప ఆ ప్రయోగం మరొకరు చేయలేరు. మా టైంలో కమల్ డ్రీం బాయ్, హ్యాండ్సమ్ గై, బ్యూటిఫుల్ మ్యాన్ . స్టీరియో టైపు కాకుండా ఛాలెంజింగ్ రోల్స్ చేస్తారు." "లాస్ వేగాస్ నాకు ఇష్టమైన హాలిడే స్పాట్. ఎందుకు అంటే అక్కడికి వచ్చే వాళ్లంతా ఒకే మూడ్ తో ఎంజాయ్, ఎంజాయ్ అంటూ వస్తారు. వాళ్ళు చూస్తున్నారు, వీళ్ళు చూస్తున్నారు అని సిగ్గు పడరు.

" ఈ జనరేషన్ హీరోస్ లో ప్రభాస్ నా క్రష్..ఒకవేళ నాకు ఫేమ్ రాకపోయి ఉంటే పిల్లల్ని కానీ గుడ్ హౌస్ వైఫ్ గా సెటిల్ ఐపోయి  బిజినెస్ పెట్టుకుని నడుపుకునేదాన్ని. నాకు బిజినెస్ అంటే చాలా ఇష్టం. నాకు ఇంత పేరు రావడానికి కారణం భారతిరాజాగారు నా గాడ్ ఫాదర్ , మా అమ్మ, మా సిస్టర్ నాకు ఇన్స్పిరేషన్. టెన్త్ క్లాస్ చదివేటప్పుడు ఒక షెడ్యూల్ చేసాను..తర్వాత బ్రేక్ వచ్చింది అప్పుడు నేను స్కూల్ కి వెళ్లాల్సి ఉంది. ఐతే  నా స్కూల్ లో నన్ను ఎవరైనా గుర్తుపడతారా  అని అనుకునే టైంలో మలయాళం పేపర్ లో హీరోతో ఒక రొమాంటిక్ పోజ్ వచ్చింది. అది చూసినప్పుడు నాకు ఎంతో హ్యాపీ అనిపించింది. అప్పటికి సెలబ్రిటీ స్టేటస్ అంటే తెలీదు. కానీ ఇప్పుడు ఎంజాయ్ చేస్తున్నా. నా పేరు మార్చింది భారతి రాజా గారు. నా అసలు పేరు ఉదయ చంద్రిక..ఆ పేరు కూడా నాకు చాలా ఇష్టం. నేను సూపర్ వుమన్, గుడ్ మదర్, గుడ్ హౌస్ వైఫ్..ఇవే నా సూపర్ పవర్స్. ఇండస్ట్రీలో సరితా తప్ప నాకు ఫ్రెండ్స్ ఎవరూ లేరు. ఫోర్త్ క్లాస్ నుంచి ఇప్పటివరకు  జయ, షీలా అనే ఫ్రెండ్స్ ఉన్నారు. పెళ్లయ్యాక బొంబాయిలో రీతూ అనే ఫ్రెండ్ ఉంది. 

ఆర్ ఆర్ ఆర్ సినిమాలో నాకు రామ్ చరణ్ క్యారెక్టర్ అంటే ఇష్టం. ఎందుకంటే నాకు దేశభక్తి కొంచెం ఎక్కువ. తెలుగులో ఛాన్స్ వస్తే పాజిటివ్ రోల్ కాదు నెగటివ్ రోల్ కాదు మంచి రోల్ వస్తే చేయడానికి రెడీ ఉన్నా" అంటూ రాధ ఎన్నో విషయాలు చెప్పుకొచ్చింది.