NTR Dragon: ఎన్టీఆర్ 'డ్రాగన్' సీక్రెట్ లీక్.. అసలు కథ ఇదే!
జూనియర్ ఎన్టీఆర్ (Jr NTR) పుట్టినరోజు కానుకగా మోస్ట్ అవేటెడ్ పాన్ ఇండియా ప్రాజెక్ట్ 'NTRNeel' అధికారిక టైటిల్ను ప్రకటిస్తూ విడుదల చేసిన 'డ్రాగన్' (Dragon) ఫస్ట్ గ్లింప్స్ ప్రస్తుతం ఇంటర్నెట్ను షేక్ చేస్తోంది. దర్శకుడు ప్రశాంత్ నీల్, తారక్ను మునుపెన్నడూ చూడని అత్యంత పవర్ఫుల్, డార్కెస్ట్ అవతారంలో ప్రెసెంట్ చేశారు. దాదాపు 4 నిమిషాల పైగా నిడివితో వచ్చిన ఈ గ్లింప్స్ వీడియో కేవలం టీజర్ మాత్రమే కాదు, ప్రశాంత్ నీల్ సృష్టించిన ఒక సరికొత్త రక్తపాత సామ్రాజ్యాన్ని ప్రేక్షకులకు పరిచయం చేసింది. ఈ కథ 1967 నాటి అంతర్జాతీయ ఓపియం (నల్లమందు) వ్యాపారం, స్మగ్లింగ్ నేపథ్యంతో సాగే పీరియాడిక్ యాక్షన్ డ్రామాగా తెరకెక్కుతోంది. స్వాతంత్య్రం వచ్చిన తర్వాత కూడా భారతదేశ సరిహద్దుల్లో డ్రగ్స్ మాఫియాను శాసించిన అఫ్గాన్ ట్రేడింగ్ కంపెనీ, గోల్డెన్ ట్రేడింగ్ కంపెనీల మధ్య జరిగే సుప్రీమసీ వార్ను ఈ గ్లింప్స్లో అద్భుతంగా చూపించారు. అయితే 'డ్రాగన్' గ్లింప్స్ వచ్చిన తర్వాత 'Chasing the Dragon' గురించి తెగ చర్చ జరుగుతోంది. 'Chasing the Dragon'... వినడానికి ఏదో హాలీవుడ్ ఫాంటసీ సినిమా పేరులా ఉంది కదూ? కానీ దీని వెనుక ఉన్నది ఒక భయంకరమైన, నెత్తుటి డ్రగ్ హిస్టరీ! ఈ డ్రాగన్ వెనుక ఉన్న అసలు విలన్ 'Opium Poppy' అంటే నల్లమందు గసగసాల మొక్క. దీని కాయల నుండి వచ్చే తెల్లటి జిగురుతోనే అఫిమ్, మార్ఫిన్, చివరకు ప్రపంచాన్ని వణికించే మోస్ట్ డేంజరస్ డ్రగ్ 'హెరాయిన్ (Heroin)' తయారుచేస్తారు. అయితే, ఈ హెరాయిన్ లేదా నల్లమందును కాల్చి, ఆ పొగను పీల్చే ఒక చైనీస్ ట్రెడిషనల్ పద్ధతి ఉంది. అల్యూమినియం ఫాయిల్ మీద ఆ డ్రగ్ పౌడర్ వేసి కింద మంట పెడితే... అది కరిగి ద్రవ రూపంలోకి మారి, ఒక చైనీస్ డ్రాగన్లా మెలికలు తిరుగుతూ పైకి పాకుతుంది. ఆ వచ్చే తెల్లటి పొగను ఒక పైప్ ద్వారా పీలుస్తారు. ఆ పొగ పైకి వెళ్తుంటే... డ్రగ్ అడిక్ట్స్ దాన్ని వదలకుండా పీల్చడానికి ఆ పొగ వెనుక పరిగెడతారు. అందుకే ఈ ప్రాసెస్కు 'Chasing the Dragon' (డ్రాగన్ను వేటాడటం) అనే పేరు వచ్చింది. అందుకే ఈ సినిమాకు 'డ్రాగన్' అనే టైటిల్ పెట్టారని అర్థమవుతోంది. అంతర్జాతీయ క్రైమ్ వరల్డ్లో 'డ్రాగన్' అనేది అపరిమితమైన పవర్, డిస్ట్రాక్షన్ (విధ్వంసం)కు చిహ్నంగా భావిస్తారు. ఈ డ్రగ్ తీసుకునేటప్పుడు మెదడుకు వచ్చే ఆ ఊహాజనిత కిక్ కోసం అడిక్ట్స్ ఎంతటి దారుణమైన క్రైమ్ చేయడానికైనా వెనకాడరు. ఒక్కసారి ఆ డ్రాగన్ ట్రాప్లో పడ్డారా ఇక జీవితం ముగిసిపోయినట్లే. ఇలాంటి మైండ్ బ్లోయింగ్ అండ్ డార్క్ కాన్సెప్ట్స్తో సినిమాలు వచ్చినప్పుడు థియేటర్లలో ఆడియన్స్ సీట్ల అంచున కూర్చోవడం ఖాయం. ఒక చిన్న మొక్క ప్రపంచాన్ని శాసించే అంతర్జాతీయ మాఫియాగా ఎలా మారింది అనేది నిజంగానే ఒక పవర్ఫుల్ సినిమా స్క్రిప్ట్కు పర్ఫెక్ట్ మెటీరియల్. ప్రశాంత్ నీల్ తన సినిమాల్లో కేజీఎఫ్ కోసం కోలార్ గోల్డ్ ఫీల్డ్స్, సలార్ కోసం ఖాన్సార్ వంటి డార్క్ వరల్డ్లను సృష్టించినట్లే, ఎన్టీఆర్ 'డ్రాగన్' సినిమాలో ఈ ఓపియం పాపీ చేసింగ్ ది డ్రాగన్ నెట్వర్క్ను హీరో ఎలా చేదించాడు, ఆ పాయిజనస్ సామ్రాజ్యాన్ని ఎలా కూల్చాడు అనేది చూపించబోతున్నట్లు సినీ వర్గాల్లో గట్టిగా టాక్ నడుస్తోంది. ఇందులో జూనియర్ ఎన్టీఆర్ అఫ్గాన్ ట్రేడింగ్ కంపెనీకి చెందిన చీఫ్ అస్సాసిన్ 'లూగర్' (Luger) పాత్రలో కనిపించబోతున్నారు. ఎన్టీఆర్ రగ్గడ్ అండ్ వయోలెంట్ లుక్ గ్లింప్స్ మొత్తానికి హైలైట్ గా నిలిచింది. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ భారీ పాన్-ఇండియా విజువల్ వండర్ జూన్ 11, 2027న ప్రపంచవ్యాప్తంగా థియేటర్లలోకి రానుంది.
May 23, 2026 4:37PM
Rukmini Vasanth: వైరల్ బికినీ ఫోటోలపై నోరు విప్పిన రుక్మిణి వసంత్!
తక్కువ కాలంలోనే సౌత్ ఇండియా ప్రేక్షకుల గుండెల్లో ప్రత్యేక స్థానం సంపాదించుకుంది కన్నడ బ్యూటీ రుక్మిణి వసంత్ (Rukmini Vasanth). ముఖ్యంగా 'సప్త సాగరదాచే ఎల్లో' సినిమాలో ప్రియ అనే సాంప్రదాయబద్ధమైన పాత్రలో ఆమె చూపించిన హావభావాలు, పలికించిన పద్ధతికి తెలుగు, తమిళ, కన్నడ ప్రేక్షకులు ఫిదా అయిపోయారు. ప్రస్తుతం మోస్ట్ అవేటెడ్ పాన్-ఇండియా ప్రాజెక్ట్స్ అయిన 'టాక్సిక్', 'డ్రాగన్' సినిమాల్లో నటిస్తూ కెరీర్ పరంగా ఎంతో బిజీగా గడుపుతోంది. అయితే, తాజాగా ఈ ముద్దుగుమ్మకు సంబంధించిన కొన్ని షాకింగ్ విజువల్స్ సోషల్ మీడియాలో వైరల్గా మారడం తీవ్ర సంచలనం సృష్టించింది. రీసెంట్ గా సోషల్ మీడియా ప్లాట్ఫామ్స్లో రుక్మిణి వసంత్ బికినీ ధరించినట్లు ఉన్న కొన్ని ఫోటోలు, చిన్న చిన్న వీడియో క్లిప్పింగ్స్ విపరీతంగా షేర్ అయ్యాయి. నిన్నటివరకు హోమ్లీ లుక్లో చూసిన తమ అభిమాన కథానాయికను ఇలాంటి బోల్డ్ అవతారంలో చూసేసరికి నెటిజన్లు ఒక్కసారిగా షాక్ అయ్యారు. కొందరు ఆమె గ్లామర్ లుక్ను అభినందిస్తూ కామెంట్లు పెట్టగా, మెజారిటీ నెటిజన్లు మాత్రం ఈ ఫోటోల విశ్వసనీయతపై అనుమానాలు వ్యక్తం చేశారు. ఇంటర్నెట్లో ఈ రచ్చ కాస్తా ముదరడంతో, ఎట్టకేలకు ఈ వివాదంపై స్వయంగా రుక్మిణి వసంత్ క్లారిటీ ఇచ్చారు. ఆ వైరల్ అవుతున్న బికినీ ఫోటోలు పూర్తిగా ఫేక్ అని, అవి ఆర్టిఫిషియల్ ఇంటెలిజెన్స్ (AI)ను ఉపయోగించి సృష్టించిన మార్ఫింగ్ ఫోటోలని ఆమె స్పష్టం చేశారు. తన ప్రమేయం లేకుండా, తన వ్యక్తిగత గోప్యతకు భంగం కలిగిస్తూ కొందరు ఆకతాయిలు కావాలనే ఇలాంటి దుశ్చర్యకు పాల్పడ్డారని ఆమె ఆగ్రహం వ్యక్తం చేశారు. ఈ కంటెంట్ తనను ఎంతగానో మానసిక వేదనకు గురిచేసిందని, దీనిపై తన లీగల్ టీమ్ ఇప్పటికే అప్రమత్తమైందని తెలిపారు. ఈ దారుణానికి ఒడిగట్టిన వారిపై కఠిన చర్యలు తీసుకునేందుకు సైబర్ క్రైమ్ పోలీసులకు ఫిర్యాదు చేసినట్లు ఆమె వెల్లడించారు. సినిమా స్టార్స్ను లక్ష్యంగా చేసుకుని పెరుగుతున్న ఈ ఏఐ డీప్ఫేక్ (AI Deepfake) సంస్కృతిపై తీవ్ర విమర్శలు వ్యక్తమవుతున్నాయి. ఈ ఏఐ మార్ఫింగ్ ముఠాల పట్ల సైబర్ పోలీసులు కఠినంగా వ్యవహరించాలని, సెలబ్రిటీల ప్రైవసీని కాపాడేందుకు కొత్త చట్టాలు తీసుకురావాలని పరిశ్రమ వర్గాల నుండి డిమాండ్లు వ్యక్తమవుతున్నాయి. https://x.com/rukminitweets/status/2058069100765810878
May 23, 2026 1:23PM
Dragon: డ్రాగన్ మాస్టర్ ప్లాన్ లీక్!.. ప్రశాంత్ నీల్ మామూలోడు కాదు భయ్యా
మాన్ ఆఫ్ మాసెస్ ఎన్టీఆర్(Ntr)వన్ మాన్ షో డ్రాగన్(Dragon)గ్లింప్స్ విడుదలైన ఇరవై నాలుగు గంటల్లోనే 64 మిలియన్ల వ్యూస్ సాధించి సరికొత్త రికార్డు సృష్టించింది. ఈ హై వోల్టేజ్ యాక్షన్ ఎంటర్టైనర్ గురించి ఫిలింనగర్ వర్గాల నుండి ఒక తాజా సెన్సేషనల్ అప్డేట్ బయటకు వచ్చింది. ఈ క్రేజీ ప్రాజెక్ట్ను కేవలం ఒక్క భాగంతో ముగించకుండా, ఏకంగా రెండు భాగాలుగా ప్రేక్షకుల ముందుకు తీసుకురావడానికి ప్రశాంత్ నీల్ ప్లాన్ చేస్తున్నాడనే వార్తలు వస్తున్నాయి ప్రశాంత్ నీల్ సిద్ధం చేసిన సుదీర్ఘమైన, ఎమోషనల్ మైండ్ బ్లోయింగ్ కథ ఒక్క భాగంలో సరిపోదని భావించిన చిత్ర యూనిట్, దీనిని రెండు భాగాలుగా విస్తరించాలని నిర్ణయించింది. బాహుబలి, కేజీఎఫ్, సలార్, పుష్ప చిత్రాల తరహాలోనే ఈ సినిమా కూడా రెండు భాగాల ఫ్రాంచైజీగా రాబోతుండటం ఎన్టీఆర్ అభిమానులకి అసలైన పూనకాలు తెప్పిస్తోంది. ఇంకో విషయం ఏంటంటే సలార్ లా లేటు ఉండకుండా డ్రాగన్ మొదటి భాగం తెరకెక్కిస్తున్నప్పుడే రెండో భాగం కూడా తెరకెక్కిస్తున్నాడనే వార్తలు కూడా వస్తున్నాయి. Also read: Naga chaitanya: తమిళ మాస్ డైరెక్టర్తో చైతు క్రేజీ ప్రాజెక్ట్! ఫ్యాన్స్ రియాక్షన్ వింటే షాక్ అవుతారు డ్రాగన్ ని ఎన్టీఆర్ కెరీర్ లోనే అత్యంత భారీ వ్యయంతో మైత్రి మూవీ మేకర్స్ , ఎన్టీఆర్ ఆర్ట్స్ సంయుక్తంగా నిర్మిస్తున్నాయి. ఎన్టీఆర్ సరసన రుక్మిణి వసంత్ జత కడుతుంది.
May 22, 2026 4:59PM
రుక్మిణి వసంత్ బికీనీ వీడియో.. సోషల్ మీడియాను షేక్ చేస్తున్న 'డ్రాగన్' బ్యూటీ బోల్డ్ లుక్!
జూనియర్ ఎన్టీఆర్, ప్రశాంత్ నీల్ కాంబినేషన్ లో వస్తున్న బిగ్ ప్రాజెక్ట్ 'డ్రాగన్' (Dragon) సినిమాలో రుక్మిణి వసంత్ (Rukmini Vasanth) హీరోయిన్ గా నటిస్తున్న సంగతి తెలిసిందే. ఇటీవల విడుదలైన గ్లింప్స్ ఆమె లుక్, డైలాగ్ డెలివరీ ఆకట్టుకుంది. ఇక ఇప్పుడు ఈ క్యూట్ బ్యూటీ సోషల్ మీడియాలో ఒక రేంజ్లో ట్రెండ్ అవుతోంది. వెండితెరపై ఎంతో పద్ధతిగా, హోమ్లీ లుక్లో కనిపించి కుర్రకారు గుండెల్లో స్థానం సంపాదించుకున్న ఈ 29 ఏళ్ల బెంగళూరు భామ.. తాజాగా ఊహించని విధంగా అత్యంత గ్లామరస్ అవతారంలో దర్శనమిచ్చి అందరికీ పెద్ద షాక్ ఇచ్చింది. పూల్సైడ్ బ్యాక్డ్రాప్లో గ్రీన్ కలర్ బికీనీ ధరించి కెమెరాలు, షూటింగ్ సిబ్బంది మధ్య ఆమె ఉన్న ఒక స్పెషల్ వీడియో ప్రస్తుతం ఇంటర్నెట్ను షేక్ చేస్తోంది. సోషల్ మీడియాలో అప్లోడ్ అయిన కొద్ది నిమిషాల్లోనే ఈ వీడియో వేలాది వ్యూస్, లైకులను సాధించి విపరీతంగా వైరల్ అవుతోంది. రుక్మిణి వసంత్ కెరీర్లోనే ఇలాంటి ఒక అల్ట్రా బోల్డ్ బికీనీ లుక్లో కనిపించడం ఇదే మొదటిసారి కావడంతో, నెటిజన్లు ఈ వీడియోను తెగ షేర్ చేస్తున్నారు. ఈ గ్రీన్ బికీనీ వీడియో చూసిన అభిమానులు రుక్మిణి వసంత్ గ్లామర్ అప్పీల్పై ప్రశంసల వర్షం కురిపిస్తున్నారు. ఎప్పుడూ చీరకట్టులో, సాంప్రదాయబద్ధమైన పాత్రల్లో చూసిన తమ అభిమాన నటిని ఈ రేంజ్ హాట్ అవతారంలో చూసేసరికి ఫ్యాన్స్ ఫిదా అయిపోతున్నారు. అయితే, ఈ వీడియోపై ఇండస్ట్రీ వర్గాల్లో, సోషల్ మీడియాలో భిన్నమైన చర్చలు కూడా నడుస్తున్నాయి. ఈ రోజుల్లో ఆర్టిఫిషియల్ ఇంటెలిజెన్స్ (AI) టెక్నాలజీ విపరీతంగా పెరిగిపోవడంతో, ఇది ఎవరైనా సృష్టించిన ఏఐ డీప్ఫేక్ వీడియో కావచ్చు అని కొందరు అనుమానం వ్యక్తం చేస్తున్నారు. మరికొందరు నెటిజన్లు మాత్రం రుక్మిణికి చీరకట్టు, ట్రెడిషనల్ లుక్సే ఎంతో అందంగా ఉంటాయని.. ఇలాంటి బోల్డ్ లుక్స్ ఆమెకు సెట్ కావు అంటూ అభిప్రాయపడుతున్నారు.
May 22, 2026 4:37PM
‘పెద్ది’, ‘డ్రాగన్’ ఎఫెక్ట్.. ‘ది ప్యారడైజ్’ ప్రమోషన్స్లో నేచురల్ స్టార్ సరికొత్త ప్లాన్!
టాలీవుడ్ నేచురల్ స్టార్ నాని ప్రస్తుతం ఫుల్ స్వింగ్లో ఉన్నారు. వైవిధ్యమైన కథలను ఎంచుకుంటూ బాక్సాఫీస్ వద్ద తనదైన ముద్ర వేస్తున్న ఈ హీరో, ఇప్పుడు తన కెరీర్లోనే అత్యంత భారీ బడ్జెట్ మూవీగా రూపొందుతున్న ‘ది ప్యారడైజ్’ చిత్రంతో ప్రేక్షకులను అలరించడానికి సిద్ధమవుతున్నారు. ఒక పక్కా రా యాక్షన్ డ్రామాగా తెరకెక్కుతున్న ఈ సినిమాపై టాలీవుడ్లో భారీ అంచనాలు నెలకొన్నాయి. ఈ చిత్రంలో కలెక్షన్ కింగ్ మోహన్ బాబు పవర్ఫుల్ విలన్ పాత్రలో నటిస్తుండటం విశేషం. ఇప్పటికే ఈ చిత్రం నుంచి విడుదలైన ‘ఆయా షేర్’ సాంగ్ చార్ట్బస్టర్గా నిలిచి సినిమాపై హైప్ను నెక్ట్స్ లెవెల్కు తీసుకెళ్లింది. మేకర్స్ ముందుగా ప్రకటించినట్లుగానే ఈ ఏడాది ఆగస్టు 21న సినిమాను థియేటర్లలోకి తెచ్చేందుకు శరవేగంగా పనులు పూర్తి చేస్తున్నారు. అయితే, తాజాగా టాలీవుడ్ సర్కిల్స్ నుంచి వినిపిస్తున్న సమాచారం ప్రకారం.. ఈ సినిమా ప్రమోషన్స్ విషయంలో చిత్ర యూనిట్ చాలా అప్రమత్తంగా వ్యవహరిస్తోంది. ఇటీవల కాలంలో చిత్ర పరిశ్రమలో చోటుచేసుకున్న కొన్ని పరిణామాలు ‘ది ప్యారడైజ్’ టీమ్ను ఆలోచనలో పడేసినట్లు తెలుస్తోంది. ముఖ్యంగా అంతకుముందు ఎన్నో అంచనాలతో వచ్చిన ‘పెద్ది’ సినిమా ట్రైలర్ ఆశించిన స్థాయిలో ఆకట్టుకోలేక మిశ్రమ స్పందన తెచ్చుకుంది. అలాగే ‘డ్రాగన్’ గ్లింప్స్ విషయంలోనూ సోషల్ మీడియాలో నెగెటివ్ కామెంట్స్ వచ్చాయి. బ్యాక్డ్రాప్ పరంగా వచ్చిన కొన్ని పోలికలు అభిమానులను కాస్త నిరాశపరిచాయి. ఆయా సినిమాల ప్రమోషనల్ కంటెంట్ వల్ల జరిగిన చిన్నపాటి పొరపాట్లను నాని టీమ్ నిశితంగా గమనిస్తోంది. ఒక్క పాట హిట్ అయినంత మాత్రాన సంబరపడిపోకుండా, రాబోయే ప్రమోషనల్ మెటీరియల్ను ఎంతో జాగ్రత్తగా ప్లాన్ చేయాలని చిత్ర బృందం భావిస్తోంది. మన సౌత్ ప్రేక్షకులతో పాటు నార్త్ ఆడియన్స్ను కూడా మెప్పించేలా కంటెంట్ను సిద్ధం చేస్తున్నారు. ఏమాత్రం తేడా కొట్టినా సోషల్ మీడియా యుగంలో అంచనాలు తలకిందులయ్యే ప్రమాదం ఉందని గ్రహించిన మేకర్స్, ఇప్పుడు ప్రతి అడుగు ఆచితూచి వేస్తున్నారు. మ్యూజిక్ సెన్సేషన్ అనిరుధ్ రవిచందర్ ఈ చిత్రానికి అదిరిపోయే సంగీతాన్ని అందిస్తుండటంతో మిగిలిన సాంగ్స్ కూడా నెక్ట్స్ లెవెల్లో ఉంటాయని ఫ్యాన్స్ భావిస్తున్నారు. త్వరలోనే ఈ మూవీ నుంచి టీజర్, ఆ తర్వాత ట్రైలర్ను రిలీజ్ చేసేందుకు సన్నాహాలు చేస్తున్నారు. ప్రస్తుతం సోషల్ మీడియాలో నాని ఫ్యాన్స్ ఈ సినిమా అప్డేట్స్ కోసం ఎంతో ఆసక్తిగా ఎదురుచూస్తున్నారు. మరి ఈ జాగ్రత్తలన్నీ తీసుకుని రాబోతున్న నాని ‘ది ప్యారడైజ్’ థియేటర్లలో ఎలాంటి ప్రకంపనలు సృష్టిస్తుందో చూడాలి.
May 21, 2026 4:57PM
Tollywood Trending: టాలీవుడ్ ట్రెండింగ్ లో ఈ రోజు హెడ్ లైన్స్..
1. ఒకే ఫ్రేమ్లో 'మెగా బ్రదర్స్'.. మెగాస్టార్ చిరంజీవి, డైరెక్టర్ బాబి కాంబినేషన్లో తెరకెక్కబోయే ప్రతిష్టాత్మక చిత్రం 'మెగా 158 ' పూజా కార్యక్రమాలు హైదరాబాద్లో ఘనంగా జరిగాయి. ఈ మూవీ లాంచ్ కు ఆంధ్రప్రదేశ్ డిప్యూటీ సీఎం, పవర్ స్టార్ పవన్ కళ్యాణ్ ముఖ్య అతిథిగా విచ్చేశారు. చాలాకాలం తర్వాత చిరంజీవి, పవన్ కళ్యాణ్, మెగా బ్రదర్ నాగబాబు.. ఈ ముగ్గురు అన్నదమ్ములు ఒకే వేదికపై, ఒకే ఫ్రేమ్లో నవ్వుతూ కనిపించడంతో మెగా అభిమానుల ఆనందానికి అవధులు లేకుండా పోయాయి. ప్రస్తుతం ఈ అపురూప దృశ్యానికి సంబంధించిన ఫోటోలు, వీడియోలు సోషల్ మీడియాను షేక్ చేస్తున్నాయి. 2. 'దృశ్యం 3' మూవీ రివ్యూ! ప్రేక్షకులు ఎంతో ఆసక్తిగా ఎదురుచూసిన క్రేజీ థ్రిల్లర్ ఫ్రాంచైజీ 'దృశ్యం 3' థియేటర్లలోకి వచ్చి డివైడ్ టాక్ను సొంతం చేసుకుంది. డైరెక్టర్ అక్కడక్కడా కొన్ని టెన్షన్ సీన్స్తో సినిమా మూడ్ను బిల్డ్ చేయడంలో సక్సెస్ అయినప్పటికీ.. ఓవరాల్గా కథనం ఫ్లాట్గా, చాలా సాధారణంగా సాగిందని ప్రేక్షకులు అభిప్రాయపడుతున్నారు. క్లైమాక్స్ సీక్వెన్స్ కొంతవరకు పర్వాలేదనిపించినా.. మిగతా సినిమా అంతా సాగతీతగా, రొటీన్గా అనిపిస్తుందని నెటిజన్లు పెదవి విరుస్తున్నారు. 3. చరిత్ర సృష్టించిన ఎన్టీఆర్! ఎన్టీఆర్, ప్రశాంత్ నీల్ కాంబోలో తెరకెక్కుతున్న హై-వోల్టేజ్ యాక్షన్ ఎంటర్టైనర్ 'డ్రాగన్' సరికొత్త రికార్డులతో యూట్యూబ్ను షేక్ చేస్తోంది. రీసెంట్గా రిలీజైన ఈ మూవీ ఫస్ట్ గ్లింప్స్ యూట్యూబ్ లో విడుదలైన 24 గంటల్లోనే అత్యధిక వ్యూస్, లైక్స్తో సరికొత్త రికార్డులను సృష్టించింది. 64 మిలియన్లకు పైగా వ్యూస్ తో.. ఇండియన్ సినిమా హిస్టరీలోనే 24 గంటల్లో అత్యధిక వ్యూస్ సాధించిన గ్లింప్స్ గా 'డ్రాగన్' నిలిచింది. 4. 'స్పిరిట్' క్రేజీ అప్డేట్! ప్రభాస్ హీరోగా సందీప్ రెడ్డి వంగా దర్శకత్వంలో తెరకెక్కుతున్న హై-వోల్టేజ్ యాక్షన్ డ్రామా 'స్పిరిట్' సరికొత్త షెడ్యూల్ మే 23 నుంచి ప్రారంభం కానుంది. ఈ క్రేజీ షెడ్యూల్లో హీరో ప్రభాస్తో పాటు బాలీవుడ్ బ్యూటీ త్రిప్తి డిమ్రి కూడా జాయిన్ కాబోతున్నారు. ఈ షెడ్యూల్లోనే ప్రభాస్, త్రిప్తి డిమ్రి కాంబినేషన్లో వచ్చే కొన్ని కీలకమైన సీన్స్ను మేకర్స్ చిత్రీకరించనున్నట్లు తెలుస్తోంది. 5. 'ఉప్పెన' కంటే 100 రెట్లు షాకింగ్ ట్విస్ట్! రామ్ చరణ్ హీరోగా బుచ్చిబాబు దర్శకత్వంలో తెరకెక్కుతున్న ప్రతిష్టాత్మక చిత్రం 'పెద్ది' జూన్ 4న గ్రాండ్ రిలీజ్కు సిద్ధమవుతోంది. ఈ క్రమంలో ప్రమోషన్స్లో భాగంగా రామ్ చరణ్ సినిమాపై ఒక సంచలన లీక్ ఇచ్చారు. ఈ చిత్రంలోని "ఢిల్లీ ఎపిసోడ్" తనకు అత్యంత ఇష్టమైన భాగమని, అక్కడే కథను మలుపు తిప్పే అతిపెద్ద ట్విస్ట్ రివీల్ అవుతుందని చరణ్ పేర్కొన్నారు. అంతేకాదు, బుచ్చిబాబు మొదటి సినిమా 'ఉప్పెన' క్లైమాక్స్ ట్విస్ట్ కంటే ఈ ట్విస్ట్ 100 రెట్లు ఎక్కువ షాకింగ్గా, ఊహకందని విధంగా ఉంటుందని చరణ్ చెప్పారు. 6. 'వారణాసి' సాంగ్ కోసం స్పెషల్ సెట్! మహేష్ బాబు, రాజమౌళి కాంబినేషన్లో గ్లోబల్ రేంజ్లో తెరకెక్కుతున్న ప్రతిష్టాత్మక చిత్రం 'వారణాసి' సరికొత్త షెడ్యూల్ హైదరాబాద్లో శరవేగంగా జరుగుతోంది. ప్రస్తుతం కాటేదాన్ (Katedan) ప్రాంతంలో ఈ సినిమాకు సంబంధించిన ఒక భారీ సాంగ్ షూటింగ్ నడుస్తోంది. మహేష్ బాబుపై చిత్రీకరిస్తున్న ఈ క్రేజీ సాంగ్ కోసం మేకర్స్ అక్కడ ఒక ప్రత్యేకమైన సెట్ను రూపొందించినట్లు తెలుస్తోంది. 7. రియల్ హీరో అనిపించుకున్న రామ్ పోతినేని! ఎలాంటి హంగు ఆర్భాటాలు, మీడియా హడావుడి లేకుండా రామ్ పోతినేని నేరుగా ఓ వీరాభిమాని ఇంటికి వెళ్లి అందరినీ ఆశ్చర్యపరిచారు. గత 18 ఏళ్లుగా 'ఫ్రెడ్రిచ్ అటాక్సియా' అనే అరుదైన నరాల బలహీనత వ్యాధితో పోరాడుతున్న ఓ యువతి.. తనను ఒక్కసారైనా చూడాలని కోరుకుంటున్న విషయం తెలిసి రామ్ వెంటనే స్పందించారు. ఎలాంటి ప్రచారం ఆశించకుండా ఆ అమ్మాయి ఇంటికి వెళ్లి, ఆమె పక్కనే కూర్చుని ఆప్యాయంగా పలకరించి కొండంత ధైర్యాన్ని ఇచ్చారు. 8. అప్పుడే ఓటీటీలోకి 'వీరభద్రుడు' రీసెంట్గా రిలీజై బాక్సాఫీస్ వద్ద సాలిడ్ కలెక్షన్లతో దూసుకుపోతున్న సూర్య లేటెస్ట్ ఫాంటసీ యాక్షన్ ఎంటర్టైనర్ 'వీరభద్రుడు' అప్పుడే డిజిటల్ స్ట్రీమింగ్కు సిద్ధమవుతోంది. ఈ మూవీ డిజిటల్ స్ట్రీమింగ్ హక్కులను 'నెట్ఫ్లిక్స్' భారీ మొత్తానికి సొంతం చేసుకున్నట్లు సమాచారం. ఈ క్రేజీ డీల్ కోసం నెట్ఫ్లిక్స్ సంస్థ దాదాపు రూ. 35 కోట్ల భారీ మొత్తాన్ని వెచ్చించినట్లు తెలుస్తోంది. సాధారణంగా ఉండే నాలుగు వారాల విండో రూల్ ప్రకారం ఈ చిత్రం జూన్ రెండో వారంలో ఓటీటీలోకి వచ్చే అవకాశం ఉంది. 9. 'కుర్చీ తాత' కన్నుమూత! ‘కుర్చీ మడతపెట్టి’ అనే ఒకే ఒక్క డైలాగ్తో సోషల్ మీడియా స్టార్గా ఎదిగిన 'కుర్చీ తాత' అలియాస్ మహ్మద్ పాషా కన్నుమూశారు. హైదరాబాద్లోని కృష్ణకాంత్ పార్కులో వాకింగ్ చేస్తుండగా ఆయన అకస్మాత్తుగా కుప్పకూలిపోయారు. తీవ్ర వడదెబ్బ కారణంగా ఆయన కన్నుమూసినట్లు సమాచారం. 10. SRH ఓనర్ తో అనిరుధ్ పెళ్లి? స్టార్ మ్యూజిక్ డైరెక్టర్ అనిరుధ్, సన్ గ్రూప్ వారసురాలు కావ్య మారన్ త్వరలోనే పెళ్లి పీటలు ఎక్కబోతున్నారంటూ సోషల్ మీడియాలో మళ్ళీ వార్తలొస్తున్నాయి. ఈ ఏడాది చివర్లో వీరి వివాహం జరగనుందని, త్వరలోనే అధికారిక ప్రకటన వస్తుందంటూ నెట్టింట పెద్ద ఎత్తున ప్రచారం జరుగుతోంది. గతంలో ఈ రూమర్స్పై అనిరుధ్ స్పందిస్తూ.. ఫేక్ అని క్లారిటీ ఇచ్చారు. అయితే తాజాగా మరోసారి ఈ వార్తలు ట్రెండ్ అవుతుండటం ఆసక్తికరంగా మారింది.
May 21, 2026 3:21PM
Dragon Glimpse: ఒక్క గ్లింప్స్తో సీన్ రివర్స్.. రాజమౌళి స్థానాన్ని కొట్టేసిన ప్రశాంత్ నీల్!
టాలీవుడ్ లో ఒక సరికొత్త సమీకరణం సోషల్ మీడియా వేదికగా హాట్ టాపిక్గా మారింది. మ్యాన్ ఆఫ్ మాసెస్ జూనియర్ ఎన్టీఆర్ (Jr NTR) పుట్టినరోజు కానుకగా విడుదలైన 'డ్రాగన్' (Dragon) ఫస్ట్ గ్లింప్స్ సోషల్ మీడియాను పూర్తిగా షేక్ చేస్తోంది. కేవలం ఒకే ఒక్క గ్లింప్స్ వీడియోతో డైరెక్టర్ ప్రశాంత్ నీల్, నందమూరి అభిమానుల గుండెల్లో అత్యంత ప్రత్యేకమైన స్థానాన్ని సంపాదించుకున్నారు. ఎంతలా అంటే, ఇప్పటివరకు ఎన్టీఆర్ అభిమానులకు అత్యంత ఇష్టమైన దర్శకుడిగా అగ్రస్థానంలో ఉన్న ఎస్.ఎస్. రాజమౌళిని కూడా ప్రశాంత్ నీల్ అధిగమించాడనే చర్చ గట్టిగా వినిపిస్తోంది. (Dragon Glimpse) 'సింహాద్రి', 'యమదొంగ', 'RRR' వంటి చిత్రాలతో తారక్ను వెండితెరపై అత్యద్భుతంగా ఆవిష్కరించిన రాజమౌళి అంటే నందమూరి ఫ్యాన్స్కు ఎప్పుడూ ఒక ప్రత్యేకమైన అభిమానం ఉంటుంది. ఫేవరెట్ డైరెక్టర్ ఎవరంటే రాజమౌళి అనే చెబుతారు. అయితే, మే 19 అర్ధరాత్రి 11 గంటల 52 నిమిషాలకు విడుదలైన 'డ్రాగన్' గ్లింప్స్ తర్వాత సీన్ పూర్తిగా మారిపోయింది. దర్శకుడు ప్రశాంత్ నీల్ క్రియేట్ చేసిన 4 నిమిషాల 28 సెకన్ల గ్లింప్స్ లో ఎన్టీఆర్ను చూపించిన విధానం అభిమానులకు పూనకాలు తెప్పించింది. 1967 నాటి అంతర్జాతీయ నల్లమందు (Opium) వ్యాపార నేపథ్యం, ఆఫ్ఘన్ ట్రేడింగ్ కంపెనీ అస్సాసిన్ ఇన్ చీఫ్ ‘లూగర్’ పాత్రలో ఎన్టీఆర్ రగ్గడ్, వయలెంట్ లుక్ ఫ్యాన్స్ ఆకలిని పూర్తిగా తీర్చేసింది. శవాల దిబ్బపై నిలబడి ఎన్టీఆర్ మార్క్ యాక్షన్తో సాగిన విజువల్స్ చూశాక, తారక్ మాస్ ఇమేజ్ను ప్రశాంత్ నీల్ నెక్స్ట్ లెవెల్కు తీసుకువెళ్లాడని అభిమానులు ఫిక్స్ అయ్యారు. రాజమౌళి సినిమాల్లో ఎన్టీఆర్ నటన, ఎమోషన్స్ పీక్స్లో ఉంటే.. ప్రశాంత్ నీల్ సినిమాలో అంతకుమించిన మోస్ట్ వయలెంట్ అండ్ ఇంటెన్స్ ఎలివేషన్స్ ఉన్నాయని నెటిజన్లు కామెంట్లు చేస్తున్నారు. ఈ ఒక్క వీడియోతో ఎన్టీఆర్ అభిమానుల ఆల్టైమ్ ఫేవరెట్ దర్శకుడిగా ప్రశాంత్ నీల్ టాప్ ప్లేస్కు చేరుకున్నాడు.
May 21, 2026 2:21PM
Jr NTR: గీతా ఆర్ట్స్ బ్యానర్లో జూనియర్ ఎన్టీఆర్ భారీ ప్రాజెక్ట్?
మ్యాన్ ఆఫ్ మాసెస్ జూనియర్ ఎన్టీఆర్ (Jr NTR) పుట్టినరోజు (మే 20) సందర్భంగా నందమూరి అభిమానులకు ఊహించని సర్ప్రైజ్ లభించింది. ప్రముఖ నిర్మాణ సంస్థ గీతా ఆర్ట్స్ (Geetha Arts) అధికారిక ట్విట్టర్ (ఎక్స్) ఖాతా ద్వారా తారక్కు శుభాకాంక్షలు తెలుపుతూ ఒక పవర్ఫుల్ స్పెషల్ మ్యాషప్ వీడియో ఎడిట్ను సోషల్ మీడియా వేదికగా విడుదల చేసింది. ఈ ప్రత్యేక వీడియో ఇప్పుడు సోషల్ మీడియాను పూర్తిగా షేక్ చేస్తోంది. ఎన్టీఆర్ సినీ కెరీర్లోని ఐకానిక్ మాస్ సీన్స్, పవర్ఫుల్ డైలాగ్స్, మైండ్ బ్లోయింగ్ డ్యాన్స్ స్టెప్పులను కలగలిపి గీతా ఆర్ట్స్ ఈ ట్రిబ్యూట్ వీడియోను అత్యంత గ్రాండ్గా డిజైన్ చేసింది. ఈ పుట్టినరోజు వేళ ఎన్టీఆర్ ఫ్యాన్స్కు ఇప్పటికే ప్రశాంత్ నీల్ దర్శకత్వంలో వస్తున్న 'డ్రాగన్' (Dragon) చిత్రం నుండి అదిరిపోయే గ్లింప్స్ విడుదలై పండగ వాతావరణాన్ని తెచ్చింది. దీనికి తోడు గీతా ఆర్ట్స్ నుండి వచ్చిన ఈ క్రేజీ వీడియో నందమూరి అభిమానుల జోష్ను నెక్స్ట్ లెవెల్కు తీసుకువెళ్లింది. సాధారణంగా ఒక టాప్ ప్రొడక్షన్ హౌస్ మరో హీరో పుట్టినరోజున ఇంత భారీ ఎత్తున స్పెషల్ ఎడిట్ వీడియోను విడుదల చేయడం ఇండస్ట్రీలో చాలా అరుదుగా జరుగుతుంది. దీంతో ఈ వీడియో కేవలం పుట్టినరోజు శుభాకాంక్షలకే పరిమితం కాలేదు, దీని వెనుక ఒక పెద్ద సినిమా ప్లాన్ ఉందనే చర్చకు తెరలేపింది. గీతా ఆర్ట్స్ బ్యానర్లో యంగ్ టైగర్ ఎన్టీఆర్ త్వరలోనే ఒక భారీ ప్రాజెక్ట్ చేయబోతున్నాడా? అంటూ సోషల్ మీడియాలో సరికొత్త చర్చలు, ఊహాగానాలు జోరందుకున్నాయి. అయితే గీతా ఆర్ట్స్ టాలీవుడ్ టాప్ స్టార్స్ కి ట్రిబ్యూట్ ఇస్తూ, పుట్టినరోజు సందర్భంగా ప్రత్యేక వీడియోలు చేస్తోంది. అందులో భాగంగానే ఎన్టీఆర్ వీడియో చేసిందని, అంటే తప్ప ప్రస్తుతానికి వీరి కాంబినేషన్ లో ఎటువంటి ప్రాజెక్ట్ లేదని ఇండస్ట్రీ వర్గాల సమాచారం. https://x.com/GeethaArts/status/2056941112254968186
May 21, 2026 12:14PM
Dragon: డ్రాగన్ గ్లింప్స్ సరికొత్త రికార్డు.. ఇండియాలోనే నంబర్ వన్గా ఎన్టీఆర్!
భారతీయ సినీ పరిశ్రమలో మాస్ యాక్షన్ సినిమాలకు సరికొత్త కేరాఫ్ అడ్రస్గా మారిన మ్యాన్ ఆఫ్ మాసెస్ జూనియర్ ఎన్టీఆర్ (Jr NTR), తాజాగా తన రాబోయే సంచలనాత్మక చిత్రం 'డ్రాగన్' (Dragon) గ్లింప్స్తో సరికొత్త చరిత్ర సృష్టించారు. టాలెంట్, మాస్ అప్పీల్ కలగలిసిన తారక్ నటనకు, సెన్సేషనల్ డైరెక్టర్ ప్రశాంత్ నీల్ మేకింగ్ తోడవడంతో ఈ సినిమా అనౌన్స్మెంట్ గ్లింప్స్ యూట్యూబ్లో ఒక ప్రభంజనాన్ని సృష్టించింది. విడుదలైన క్షణం నుంచే సోషల్ మీడియా ప్లాట్ఫారమ్లలో ఈ వీడియో సంచలనం రేపింది. అభిమానుల అంచనాలకు మించి, ఊహించని రీతిలో సరికొత్త రికార్డులను తిరగరాస్తూ దూసుకుపోతోంది. (Dragon Glimpse) కేవలం 24 గంటల వ్యవధిలోనే ఈ 'డ్రాగన్' గ్లింప్స్ ఏకంగా 64 మిలియన్లకు పైగా (64M+ Views) వ్యూస్ సాధించి, భారతదేశంలోనే అత్యధికంగా వీక్షించబడిన గ్లింప్స్గా (India's Most Viewed Glimpse in 24 Hours) సరికొత్త రికార్డు నెలకొల్పింది. ఈ అద్భుతమైన ఘనతతో భారతీయ సినిమా చరిత్రలో సరికొత్త అధ్యాయాన్ని లిఖించింది. మైత్రీ మూవీ మేకర్స్, నందమూరి తారక రామారావు ఆర్ట్స్ పతాకాలపై ఎంతో ప్రతిష్టాత్మకంగా నిర్మిస్తున్న ఈ భారీ యాక్షన్ ఎంటర్టైనర్కు కేవలం గ్లింప్స్ తోనే ఇంతటి క్రేజ్ రావడం ఇండస్ట్రీ వర్గాలను సైతం ఆశ్చర్యానికి గురిచేస్తోంది. ఒక్క రోజులో 64 మిలియన్ల వ్యూస్ మార్క్ను దాటడం అనేది ఎన్టీఆర్ గ్లోబల్ క్రేజ్కు, ప్రశాంత్ నీల్ బ్రాండ్ వాల్యూకు నిదర్శనం. సోషల్ మీడియాలో #DragonGlimpse అనే హాష్ ట్యాగ్ ఇండియాలోనే టాప్ ట్రెండింగ్లో నిలిచింది. రికార్డుల వేట ఇప్పుడే మొదలైందని, రాబోయే రోజుల్లో టీజర్, ట్రైలర్లతో ఈ చిత్రం మరిన్ని పెద్ద రికార్డులను బద్దలు కొట్టడం ఖాయమని సినిమా విశ్లేషకులు అంచనా వేస్తున్నారు. బాక్సాఫీస్ వద్ద ఈ 'డ్రాగన్' సృష్టించబోయే విధ్వంసానికి ఈ గ్లింప్స్ రికార్డులు కేవలం ఒక చిన్న శాంపిల్ మాత్రమే అని నందమూరి అభిమానులు సోషల్ మీడియాలో పండగ చేసుకుంటున్నారు.
May 21, 2026 9:23AM
NTR Dragon: ఎన్టీఆర్ హెల్త్ ఇష్యూపై ప్రశాంత్ నీల్ రియాక్షన్.. అలా అయ్యేసరికి అందరూ నన్ను తిట్టారు!
మ్యాన్ ఆఫ్ మాసెస్ జూనియర్ ఎన్టీఆర్ (Jr NTR), సెన్సేషనల్ డైరెక్టర్ ప్రశాంత్ నీల్ (Prashanth Neel) కాంబోలో తెరకెక్కుతున్న అత్యంత ప్రతిష్టాత్మకమైన చిత్రం 'డ్రాగన్' (Dragon). ఇటీవలే విడుదలైన ఈ సినిమా ఫస్ట్ గ్లింప్స్ యూట్యూబ్లో రికార్డుల సునామీ సృష్టించిన సంగతి తెలిసిందే. అయితే గత కొంతకాలంగా ఎన్టీఆర్ లుక్ చూసి అభిమానులతో పాటు సినీ వర్గాల్లోనూ తీవ్రమైన చర్చ నడుస్తోంది. తారక్ మునుపెన్నడూ లేని విధంగా చాలా సన్నగా, బక్కచిక్కిపోయి కనిపించడంతో ఆయన ఆరోగ్యంపై రకరకాల పుకార్లు వచ్చాయి. తాజాగా ఈ వార్తలపై దర్శకుడు ప్రశాంత్ నీల్ ఒక ఇంటర్వ్యూలో స్పందిస్తూ అసలు నిజాలను వెల్లడించారు. ఎన్టీఆర్ ఇంతటి కఠినమైన మేకోవర్ ట్రై చేయడానికి గల అసలు కారణాన్ని వివరిస్తూ అందరికీ క్లారిటీ ఇచ్చారు. సినిమా షూటింగ్ ప్రారంభం కాబోతున్న తరుణంలో, కథలో ఎన్టీఆర్ పోషించే క్యారెక్టర్ కోసం కొంచెం బరువు తగ్గితే బాగుంటుందని తాను కేవలం ఒక చిన్న సలహా మాత్రమే ఇచ్చానని ప్రశాంత్ నీల్ పేర్కొన్నారు. అయితే తారక్ మాత్రం ఆ పాత్రపై ఉన్న పట్టుదలతో కేవలం నాలుగు నెలల వ్యవధిలోనే ఏకంగా 15 కిలోల బరువు తగ్గిపోయారని (Lost 15 Kgs in 4 Months) వెల్లడించారు. ఎన్టీఆర్ అలా అకస్మాత్తుగా సన్నబడటంతో ఆయన చుట్టూ ఉన్నవారంతా తీవ్రంగా ఆందోళన చెందారని చెప్పారు. ముఖ్యంగా తారక్ భార్య లక్ష్మీ ప్రణతి, ఆయన తల్లి షాలిని, సన్నిహితులు, స్నేహితులతో పాటు ప్రశాంత్ నీల్ సొంత టీమ్ మెంబర్స్ కూడా ఈ విషయంలో నీల్పైనే తీవ్రంగా మండిపడ్డారని, అందరూ తననే తిట్టారని ఆయన నవ్వుతూ గుర్తు చేసుకున్నారు. ఎన్టీఆర్ మరీ బలహీనంగా మారిపోవడంతో, తాను కూడా చాలాసార్లు బరువు తగ్గడం ఇక చాలని, ఆపేయమని స్వయంగా కోరినట్లు ప్రశాంత్ నీల్ తెలిపారు. కానీ తారక్ మాత్రం తన పాత్ర పర్ఫెక్షన్ కోసం ఎవరి మాట వినకుండా కష్టపడ్డారని కొనియాడారు. ఈ సినిమాలో ఎన్టీఆర్ అఫ్గాన్ డ్రగ్ మాఫియా కంపెనీలో పనిచేసే ఒక భీకరమైన నరహంతకుడి (Assassin) పాత్రలో కనిపించబోతున్నారు. అటువంటి వైల్డ్ క్యారెక్టర్కు ఈ తరహా లీన్ లుక్ ఎంతో సహాయపడుతుందని తారక్ భావించారట. ఎన్టీఆర్ ఆరోగ్యం బాలేదని లేదా వ్యక్తిగతంగా ఏదైనా సమస్య ఉందని వస్తున్న వార్తలన్నీ ముమ్మాటికీ అబద్ధాలని, కేవలం సినిమా పాత్ర కోసం ఆయన పడిన తపన, కష్టం మాత్రమే ఇదని డైరెక్టర్ స్పష్టం చేశారు. ఇంతటి అంకితభావం, పట్టుదల ఉన్న నటుడిని తాను ఎక్కడా చూడలేదని ప్రశాంత్ నీల్ ప్రశంసల వర్షం కురిపించారు. మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ భారీ యాక్షన్ ఎంటర్టైనర్లో రుక్మిణి వసంత హీరోయిన్గా నటిస్తుండగా, అనిల్ కపూర్, ఖుష్బూ, అశుతోష్ రాణా వంటి భారీ తారాగణం నటిస్తోంది. రవి బస్రూర్ సంగీతం అందిస్తున్న ఈ చిత్రం వచ్చే ఏడాది జూన్ 11న ప్రపంచవ్యాప్తంగా థియేటర్లలోకి రాబోతోంది.
May 21, 2026 9:11AM
INTERESTING NEWS
.WEBP)
.WEBP)
Customer Service
For support : teluguone.teluguone@gmail.com | For Queries : support@teluguone.com