English | Telugu
''టీమ్ లీడర్ స్థాయికి సుధీర్ అర్హుడేనా..?''
Updated : Jul 6, 2021
'జబర్దస్త్' షోతో సుడిగాలి సుధీర్ టీమ్ ఎంత పాపులర్ అయిందో అందరికీ తెలిసిందే. ఈ టీమ్ ప్రధాన పాత్రధారులుగా ఏకంగా త్రీ మంకీస్ అనే సినిమా కూడా వచ్చింది. బుల్లితెరపై ఈ ముగ్గురు (సుడిగాలి సుధీర్, గెటప్ శీను, ఆటో రామ్ ప్రసాద్) కాంబినేషన్ కు మంచి క్రేజ్ ఉంది. 'జబర్దస్త్' షోలో ఈ టీమ్ కి తిరుగులేదు. అయితే అప్పడప్పుడు ఈ టీమ్ విషయంలో కొన్ని నెగెటివ్ కామెంట్స్ వినిపిస్తుంటాయి.
గెటప్ శ్రీను, రామ్ ప్రసాద్ల కారణంగానే టీమ్ నడుస్తుందని.. ఇందులో సుధీర్ టాలెంట్ పెద్దగా ఉండడం లేదని అంటున్నారు. డిఫరెంట్ గెటప్స్ తో, మేనరిజమ్స్తో శ్రీను, పంచ్లతో రామ్ ప్రసాద్ ఆకట్టుకుంటుంటే.. సుధీర్ క్రెడిట్ కొట్టేస్తున్నాడనే ఫీలింగ్ కొందరిలో ఉంది. కానీ బుల్లితెరపై సుధీర్కు ఎలాంటి ఫాలోయింగ్ ఉందో చాలమందికి తెలిసిందే. ఇదిలా ఉండగా.. రీసెంట్ గా టీమ్ లీడర్ పదవికి సుధీర్ అర్హుడేనా అంటూ ఓ నెటిజన్ గెటప్ శీనుకి అడిగాడు.
దీనికి అతడు చెప్పిన సమాధానం ఆకట్టుకుంటుంది. ''మీ దృష్టిలో సుడిగాలి సుధీర్ టీమ్ లీడర్ స్థాయికి అర్హుడేనా..?' అని ఓ నెటిజన్ గెటప్ శీనుని అడగగా.. దానికి అతడు.. వంద శాతం అంటూ సుధీర్కు ఆ సమర్ధత ఉందనే అర్ధం వచ్చేట్లుగా ఎమోజీలను షేర్ చేశాడు. ఇక సుధీర్ గురించి ఒక్క మాటలో చెప్పమని మరో నెటిజన్ అడగగా.. 'జాన్ జిగిరీ' అంటూ బదులిచ్చాడు శ్రీను. నిజమే.. ఈ ముగ్గురూ జాన్ జిగిరీలే!!