ఢీ 15 ఛాంపియన్ షిప్ బ్యాటిల్ షో ప్రతీ వారం ఫుల్ ఎంటర్టైన్ చేస్తోంది. ఇక ఈ వారం ఉగాది పండగ రోజు ప్రసారం కాబోతున్న ఈ ఎపిసోడ్ ప్రోమో రీసెంట్ గా రిలీజ్ అయింది. ఇందులో లిఖిత్ అనే కుర్రాడు "జలజలపాతం నువ్వు" సాంగ్ కి  బాగా డాన్స్ చేసాడు. దానికి శేఖర్ మాస్టర్ ఫిదా ఐపోయి "లిఖిత ఎప్పుడైనా ఎవరినైనా లవ్ చేసావా" అని అడిగేసరికి "శ్రద్దా మేడంని లవ్ చేశా అని చెప్పాడు". నేను సముద్రాన్ని చూద్దామనుకుంటే మీరు సునామీనే చూపించారు" అని చెప్పింది శ్రద్దా. "టీం బి వాళ్ళ పెర్ఫార్మెన్స్ చూసి టీం ఏ వాళ్ళు  బాగా చేయాలనీ కోరుకుంటున్నా" అని పండు అనేసరికి "శోభితా ఏమిటిది..ఏ టీం వాళ్ళను అంటున్నాడు" అని శేఖర్ మాస్టర్ అనడంతో  శోభిత ఫుల్ సీరియస్ లుక్ ఇచ్చింది పండు వైపు.

పండు ఆమె లుక్ కి భయపడి "శోభిత అక్కడ లేదు ఇక్కడ ఉంది" అంటూ తాను వేసుకున్న టీ షర్ట్ వెనక ఉన్న ఒక జపాన్ అమ్మాయి బొమ్మ చూపించి ఫన్ క్రియేట్ చేసాడు. ఇక వీకెండ్ టైటిల్ విన్నర్ డాన్స్ మాస్టర్ రాజు వచ్చి డాన్స్ ఇరగదీసాడు. ఈ ఉగాది సందర్భంగా మన ఢీ షో తరపున ఒక కొరియోగ్రాఫర్ కొత్త పోస్టర్ రిలీజ్ చేద్దామనుకుంటున్న అని చెప్పాడు ప్రదీప్. తరువాత పోస్టర్ ప్లీజ్ అని పండు ఫోటోని స్క్రీన్ మీద వేయించాడు. "పండు ఇంత గొప్పదా" అనే బ్యాక్ గ్రౌండ్ మ్యూజిక్ వస్తుంటే పండు ఆ పోస్టర్ ని వేయొద్దని అరిచాడు. ఇప్పుడు ఫస్ట్ లుక్ చూసాం సెకండ్ లుక్ చూద్దాం అనేసరికి ఇంకో పోస్టర్ వచ్చింది. అందులో మందు గ్లాస్ పట్టుకుని కూర్చున్న పోజ్ కనిపించింది. "పర్లేదు వీడియోనే చూపించండి నాకేమన్నా భయమనుకున్నారా" అని పండు ఆ పోస్టర్స్ చూసి రేచిపోయేసరికి టీజర్ చూపించాడు ప్రదీప్. దాంతో అందరూ నవ్వేశారు . ఫైనల్ గా ఉప్పెన మూవీలో "జలజల" సాంగ్ కి శ్రద్దా దాస్ , శేఖర్ మాస్టర్ మంచి రొమాంటిక్ స్టెప్స్ తో డాన్స్ చేశారు. వాళ్ళను అలా చూసిన హైపర్ ఆది నెత్తి మీద తెల్ల క్లాత్ కప్పుకుని అంతా ఐపోయింది అన్న లెక్కలో బాధపడుతూ కూర్చున్నాడు.