English | Telugu
సికిందర్ గా సూర్య అంజాన్
Updated : Apr 23, 2014
సూర్య, సమంత జంటగా నటిస్తున్న తాజా తమిళ చిత్రం "అంజాన్". ఈ చిత్రాన్ని తెలుగులో "సికిందర్" పేరుతో డబ్బింగ్ చేసి విడుదల చేయనున్నారు. లింగుస్వామి దర్శకత్వంలో తెరకెక్కుతున్న ఈ చిత్ర తెలుగు డబ్బింగ్ హక్కులను ప్రముఖ తెలుగు నిర్మాత లగడపాటి శ్రీధర్ సొంతం చేసుకున్నారు. ఈ సందర్భంగా శ్రీధర్ మాట్లాడుతూ... "కథకు తగ్గట్లుగానే ఈ చిత్ర తెలుగు వర్షన్ కు "సికిందర్" అనే టైటిల్ పెట్టారు. ఇందులో సూర్య డబుల్ రోల్ లో కనిపించబోతున్నాడు. తెలుగులో సూర్యకు మంచి మార్కెట్ ఉంది. ఈ చిత్రాన్ని భారీ థియేటర్ లలో విడుదల చేయబోతున్నట్లు" తెలిపారు. ఈ చిత్రాన్ని తెలుగు, తమిళ భాషల్లో ఒకేసారి ఆగస్టు 15న విడుదల చేయడానికి సన్నాహాలు చేస్తున్నారు. యువన్ శంకర్ రాజా సంగీతం అందిస్తున్నాడు.