సింహం సింహం ఇజ్ నరసింహం.... అంటూ సూర్య హీరోగా వచ్చిన "యముడు" చిత్రం తెలుగు, తమిళ భాషలలో ఘన విజయం సాధించింది. అయితే ఇప్పుడు అదే చిత్రానికి సీక్వెల్ గా తెలుగులో "సింగం" అనే చిత్రం వస్తుంది. ఇటీవలే ఈ చిత్రానికి సంబంధించిన ట్రైలర్స్, ఫోటోలు విడుదలయ్యింది. అయితే వీటిని చూసిన సూర్య అభిమానులకు అంతగా కొత్తగా ఏం అనిపించట్లేదంట.
ఈ ట్రైలర్స్ లో అదే ఫోటోలు, అదే గెటప్, అదే టైపులో డైలాగ్స్ ఉండటం, అదే విధంగా దేవి శ్రీ ప్రసాద్ బ్యాక్ గ్రౌండ్ మ్యూజిక్ ఏ మాత్రం మార్చకుండా అలాగే మళ్ళీ చేసినట్లుగా అనిపించేసరికి జనాలకు అంతగా నచ్చట్లేదు. దాంతో ఈ సినిమాపై ప్రేక్షకులు కాస్త నిరాశగానే ఉన్నట్లు తెలుస్తుంది. మరి "యముడు" చిత్రానికి సీక్వెల్ గా వస్తున్న ఈ చిత్రం హిట్టవుతుందో లేక ఫట్టవుతుందో త్వరలోనే చూడాలి.
