శ్రీ మహా గణపతి సహస్రనామ స్తోత్రమ్

మునిరువాచ
కథం నామ్నాం సహస్రం తం గణేశ ఉపదిష్టవాన్ |
శివదం తన్మమాచక్ష్వ లోకానుగ్రహతత్పర || 1 ||

బ్రహ్మోవాచ
దేవః పూర్వం పురారాతిః పురత్రయజయోద్యమే |
అనర్చనాద్గణేశస్య జాతో విఘ్నాకులః కిల || 2 ||

మనసా స వినిర్ధార్య దదృశే విఘ్నకారణమ్ |
మహాగణపతిం భక్త్యా సమభ్యర్చ్య యథావిధి || 3 ||

విఘ్నప్రశమనోపాయమపృచ్ఛదపరిశ్రమమ్ |
సంతుష్టః పూజయా శంభోర్మహాగణపతిః స్వయమ్ || 4 ||

సర్వవిఘ్నప్రశమనం సర్వకామఫలప్రదమ్ |
తతస్తస్మై స్వయం నామ్నాం సహస్రమిదమబ్రవీత్ || 5 ||
 

More...