సొరకాయ పప్పు

కావాల్సిన పదార్ధాలు:

సొరకాయ ముక్కలు - మూడు కప్పులు

టమాటో ముక్కలు - ఒక కప్పు

ఉల్లిపాయ తరుగు - అర కప్పు

నానబెట్టిన కంది పప్పు - ముప్పావు కప్పు

పసుపు - పావు టేబుల్ స్పూన్

పచ్చిమిర్చి చీలికలు - రెండు

నీళ్లు - మూడు కప్పులు

ఉప్పు - తగినంత

నిమ్మరసం - ఒక టేబుల్ స్పూన్

కొత్తిమీర తరుగు - పావు కప్పు

తాలింపు కోసం:

నూనె - రెండు టేబుల్ స్పూన్స్

ఆవాలు - ఒక టేబుల్ స్పూన్

జీలకర్ర - ఒక టేబుల్ స్పూన్

ఇంగువ - చిటికెడు

చల్ల మిరపకాయలు - రెండు

కరివేపాకు - రెండు రెబ్బలు

దంచిన వెల్లులి - రెండు రెబ్బలు

తయారీ విధానం:

* కుక్కర్లో ఉప్పు నిమ్మరసం కొత్తిమీర తరుగు తప్ప మిగిలిన పదార్దాలు అన్నీ వేసి మూడు విజిల్స్ వచ్చే దాకా మెత్తగా ఉడికించుకోవాలి. * ఉడికిన పప్పుని మెత్తగా మెదుపుకోవాలి. * నూనె వేసి తాలింపు పదార్దాలు అన్నీవేసి ఎర్రగా వేపి పప్పులో కలుపుకోవాలి. * తాలింపు కలుపుకున్న పప్పులో ఉప్పు నిమ్మరసం కొత్తిమీర తరుగు వేసి కలిపి దింపేసుకోవాలి.