టమాటో బాత్

కావాల్సిన పదార్ధాలు:

బొంబాయి రవ్వ - ఒక కప్పు

టమాటాలు - రెండు

క్యారెట్ తరుగు - పావు కప్పు

ఉల్లిపాయ తరుగు - అర కప్పు

బటాని - పావు కప్పు

పచ్చిమిర్చి - ఒకటి

అల్లం తరుగు - ఒక టేబుల్ స్పూన్

కరివేపాకు - ఒక రెబ్బ

కొత్తిమీర తరుగు - రెండు టేబుల్ స్పూన్స్

జీడి పప్పు - కొద్దిగా

ఆవాలు - ఒక టేబుల్ స్పూన్

సెనగపప్పు - ఒక టేబుల్ స్పూన్

మినపప్పు - ఒక టేబుల్ స్పూన్

జీలకర్ర - ఒక టేబుల్ స్పూన్

పసుపు - అర టీ స్పూన్

ఉప్పు - సరిపడా

నూనె - రెండు టేబుల్ స్పూన్స్

నెయ్యి - పావు కప్పు

నీళ్ళు - మూడు కప్పులు

తయారీ విధానం:

* బొంబాయి రవ్వని సన్నని మంట మీద మంచి సువాసన వచ్చే దాక వేపుకుని పక్కన పెట్టుకోవాలి.

* మరొక కళాయి లో ఒక స్పూన్ నెయ్యి, రెండు స్పూన్స్ నూనె వేసి అందులో జీడిపప్పు ఎర్రగా వేయించి తీసి పక్కన పెట్టుకోవాలి.

* అదే నూనె లో ఆవాలు, జీలకర్ర, మినపప్పు, సెనగపప్పు,కరివేపాకు, అల్లం తరుగు వేసి ఎర్రగా వేగాక ఉల్లిపాయ ముక్కలు, పచ్చిమిర్చి వేసి 2 నిమిషాల పాటు వేపుకోవాలి.

* ఆ తరవాత టమాటో ముక్కలు వేసి 2 నిమిషాలు వేయించుకున్న తర్వాత అందులో క్యారెట్ తరుగు, బటాని, పుసుపు, ఉప్పు వేసి వాటిని 80% కుక్ చేసుకోవాలి.

* ఇప్పుడు అందులో నీళ్ళు పోసి వాటిని బాగా మరగనివ్వాలి. నీళ్ళు మరిగాక అందులో రవ్వ వేసి బాగా కలిపి మూత పెట్టి 3 నిమిషాలు ఉడికించుకోవాలి.

* ఆఖరులో కొత్తిమీర, జీడిపప్పు, మిగిలిన నెయ్యి వేసి బాగా కలిపి దించేయడమే.