రవ్వ వడలు

కావలసిన పదార్థాలు

బొంబాయి రవ్వ                                    - 1 కప్పు
ఉల్లిపాయ ముక్కలు                              - అరకప్పు
తురిమిన కొత్తిమీర                                - పావుకప్పు
తురిమిన కరివేపాకు                              - 2 చెంచాలు
సన్నగా తరిగిన పచ్చిమిర్చి                     -  2  చెంచాలు
పెరుగు                                               - అరకప్పు
జీలకర్ర                                                - అర చెంచా
అల్లం తురుము                                     - పావు చెంచా
వంట సోడా                                           - చిటికెడు
ఉప్పు                                                 - తగినంత
నూనె                                                  - వేయించడానికి సరిపడా

తయారీ విధానం

ఓ బౌల్ లో రవ్వ, పెరుగు వేసి బాగా కలపాలి. తర్వాత జీలకర్ర, పచ్చిమిర్చి, అల్లం, కరివేపాకు, కొత్తిమీర, ఉల్లిపాయ ముక్కలు, ఉప్పు, సోడా వేసి గారెల పిండి మాదిరిగా కలుపుకోవాలి. అవసరం అనుకుంటే కొద్దిగా నీళ్లు కూడా చేర్చుకోవచ్చు.

ఈ మిశ్రమాన్ని అరగంట పాటు పక్కన పెట్టాలి. ఆ తరువాత స్టౌ మీద కడాయి పెట్టి నూనె వేయాలి. కాగిన తర్వాత రవ్వ మిశ్రమాన్ని కొద్దికొద్దిగా తీసుకుని, వడల్లాగా వత్తి నూనెలో వేయాలి. బాగా వేగిన తరువాత దించేసుకుని కొబ్బరి చట్నీతో కానీ పుదీనా చట్నీతో కానీ వడ్డించాలి.