గడప గడపకూ ఫ్లాప్..ఇక మంత్రుల బస్సుయాత్ర

Publish Date:May 19, 2022

Advertisement

ఎలాగైనా సరే ప్రజల్లోకి వెళ్లి తమ ప్రభుత్వ సంక్షేమ పథకాల ‘సత్ఫలితా’లను వారికి వివరించాలని జగన్ డిస్పరేట్ గా ప్రయత్నాలు చేస్తున్నారు. ఇందు కోసం వైసీపీ అధినేత గడప గడపకూ అంటూ ప్రజాప్రతినిథులను జనంలోకి వెళ్లమని విస్పష్ట ఆదేశాలు జారీ చేసినా వారు ఖాతరు చేయకపోవడం.. వెళ్లిన కొద్ది మందీ కూడా ప్రజాగ్రహ జ్వాలలకు జడిసి కార్యక్రమాన్ని ‘మమ’ అనిపిస్తూ చాప చుట్టేయడంతో ఆ కార్యక్రమం అట్టర్ ఫ్లాప్ అయ్యింది.

దీంతో ఇలా లాభం లేదనుకున్నారో ఏమో.. ఇప్పుడు సామాజిక న్యాయ యాత్ర అంటూ మంత్రుల బస్సు యాత్రకు నిర్ణయం తీసుకున్నారు. నాలుగు బస్సులలో ఎస్పీ, ఎస్టీ, బీసీ, మైనారిటీ మంత్రులను జనంలోకి పంపించే కార్యక్రమానికి శ్రీకారం చుట్టారు. ఈ బస్సు యాత్ర ఈ నెల 26 నుంచి ప్రారంభం కానుంది. నాలుగు బస్సులలో నాలుగు రోజుల పాటు ఈ ‘ సామాజిక న్యాయ యాత్ర’ సాగనుంది. పదవులలో బలహీన వర్గాలకే పెద్ద పీట వేశామని చాటుకోవడంతో పాటు సంక్షేమ పథకాల ప్రచారం కూడా ఈ యాత్ర ప్రధాన ఉద్దేశం.   గడప గడపకు తిరిగిన ప్రజాప్రతినిథులు ప్రజల ప్రశ్నల శర పరంపరను తట్టు కోలేక ఉక్కిరి బిక్కిరై.. వెనుదిరుగుతుంటే.. ఏం చేయాలో దిక్కుతోచని జగన్ ఎట్టి పరిస్థితుల్లోనూ గడప గడపకూ వెళ్లాల్సిందే అని ఆదేశించారు. ఆ ఆదేశాలను మెజారిటీ ప్రజా ప్రతినిథులు బేఖాతరు చేయడమే కాకుండా జనంలోకి వెళ్లడానికి ససేమిరా అంటుండటంతో..   ప్రజల వద్దకు నేరుగా వెళ్లడం కంటే మంత్రులను బస్సుల్లో పంపితే వారు జనానికి దూరంగా,  బస్సులపై నుంచే మంత్రులు తమ తమ శాఖలకు సంబంధించిన పథకాల గురించి వివరించే అవకాశం లభిస్తుందన్నది జగన్ యోచన చేశారని పార్టీ వర్గాల కథనం.

 సామాజిక న్యాయ యాత్ర పేర జగన్ తలపెట్టిన ఈ మంత్రుల బస్సు యాత్రలో ఎస్సీ, ఎస్టీ, బీసీ, మైనారిటీ వర్గాలకు చెందిన 17 మంది మంత్రులు నాలుగు బస్సులలో పాల్గొంటారు. ఈ బస్సు యాత్ర రూట్‌ మ్యా్‌పపై   ప్రభు త్వ సలహాదారు సజ్జల రామకృష్ణారెడ్డి, రాజ్యసభ సభ్యుడు విజయసాయిరెడ్డి, మంత్రి ధర్మా న ప్రసాదరావులు సమీక్ష జరిపి ఖరారు చేశారు.  శ్రీకాకుళం, అనంతపురం, రాజమండ్రి, నరసరావుపేట నియోజకవర్గాల్లో బస్సుయాత్ర చేపట్టి.. బహిరంగ సభలు నిర్వహిస్తారు. 

26న శ్రీకాకుళం  27న రాజమండ్రి, 28న నరసరావుపేట, 29న అనంతపురంలో బస్సుయాత్ర, బహిరంగ సభలు జరుగుతాయి.   ఈ నెల 10 జగన్ ప్రతిష్టాత్మకంగా భావించి ఈ నెల10 నుంచి ప్రారంభించిన గడపగడపకూ కార్యక్రమంలో  మంత్రులు, ప్రజాప్రతినిధులపై జనం నిరసనలతో తిరగబడిన నేపథ్యంలో   ప్రత్యామ్నాయంగా బస్సు యాత్రను తెరపైకి తెచ్చారు.

దానిని కూడా సెలక్టివ్ గా కేవలం నాలుగు నియోజకవర్గాలకే పరిమితం చేయడం ప్రభుత్వం ప్రజాగ్రహానికి ఎంతగా బెదరిపోతున్నదో చెప్పడానికి నిదర్శనంగా రాజకీయ వర్గాలు అభివర్ణిస్తున్నాయి. మొత్తం మీద నాలుగు నియోజకవర్గాలతోనే బస్సు యాత్రను ముగించాలన్ననిర్ణయమే.. మిగిలిన నియోజకవర్గాలలో జనాల ఆగ్రహాన్ని ఫేస్ చేయడం మంత్రులకైనా సాధ్యం కాని పరిస్థితులు నెలకొన్నాయని ప్రబుత్వం భావించడమేనన్న విశ్లేషణలకు పరిశీలకులు పదును పెట్టారు.   నాలుగు నియోజకవర్గాలకే పరిమితమైన ఈ బస్సు యాత్రలలో వైసీపీ ప్రభుత్వ హయాంలో బలహీనవర్గాలకు ఇస్తున్న ప్రాధాన్యం, అందుతున్న పథకాలను మంత్రులు ప్రజలకు  వివరిస్తారు.  బస్సులపై నుంచి ప్రసంగాలతో ప్రజాగ్రహజ్వాలలకు దూరంగా ఉండొచ్చన్నది జగన్ ప్లాన్ అని పార్టీ వర్గాలే చెబుతున్నాయి.

By
en-us Political News

  
బీఎస్పీకి రాజీనామా చేసి బీఆర్ఎస్ గూటికి చేరి లోక్ సభ ఎన్నికలలో ఆ పార్టీ అభ్యర్థిగా బరిలోకి దిగిన బీఎస్పీ మాజీ చీఫ్ ఆర్ఎస్ ప్రవీణ్ కుమార్ కు బహుజనుల సెగ గట్టిగా తగిలింది.
ఉమ్మడి ఆంధ్రప్రదేశ్ రాష్ట్ర విభజన సమయంలో హైదరాబాద్ మహానగరాన్ని రెండు తెలుగు రాష్ట్రాలకూ పదేళ్ల పాటు ఉమ్మడి రాజధానిగా నిర్ధారించిన సంగతి తెలిసిందే. రాష్ట్ర పునర్విభజన చట్టం ప్రకారం తెలంగాణ, ఆంధ్రప్రదేశ్‌ రాష్ట్రాలకు హైదరాబాద్‌ పదేళ్లపాటు ఉమ్మడి రాజధానిగా ఉంటుంది.
స్వాతంత్ర సమరయోధులు, నిస్వార్థ సేవకుల స్తూపాలను ఏర్పాటు చేయడం వాటిని ప్రజాప్రతినిధులు ఆవిష్కరించడం సర్వసాధారణం. అయితే అడవి దొంగగా, గంధపు చెక్కల స్మగ్లర్​గా పేరుగాంచిన వీరప్పన్ స్మారక స్థూపాన్ని వైసీపీకి చెందిన ఎమ్మెల్సీ ఆవిష్కరించడం ఇటీవల  చర్చనీయాంశంగా మారింది.
స్పీకర్ తమ్మినేని ఇప్పుడు నిద్రలేని రాత్రుళ్లు గడుపుతున్నారు. ఈ విషయాన్ని స్వయంగా వైసీపీ క్యాడరే చెబుతున్నారు. ఆయన ఆముదాల వలస నుంచి వైసీపీ అభ్యర్థిగా పోటీ చేస్తున్నారు.
ఎన్నికలలో పోటీ చేసేందుకు పార్టీ టికెట్ దక్కలేదన్న మనస్తాపంతో సిట్టింగ్ ఎంపీ ఆత్మహత్య చేసుకున్న సంఘటన దేశ వ్యాప్తంగా సంచలనం సృష్టించింది.
ఛత్తీస్‌గఢ్‌లో మావోలు, పోలీసుల మధ్య జరిగిన భారీ ఎన్‌కౌంటర్లో ఆరుగురు మావోయిస్టులు మరణించారు.
నేను ఒక్క‌ చెడ్డ‌ప‌ని కూడా చెయ్య‌లేదు..! అన్నీ మంచి ప‌నులే చేశా..!! నేను నిజాయితీ ప‌రుడ్ని. ప్ర‌తిప‌క్ష నేత చంద్ర‌బాబే అన్నీ దుర్మార్గ‌పు ప‌నులు చేస్తున్నాడు.. నా చెల్లెళ్ల‌ను నాపై ఉసిగొల్పుతున్నాడు.. ఇవీ.. ఏపీ సీఎం జ‌గ‌న్మోహ‌న్ రెడ్డి ఆర్తనాదాలు. తాను క‌లియుగ హ‌రిశ్చంద్రుడిని అని చెప్ప‌డం మిన‌హా, ప్ర‌జ‌ల ముందు ప‌డాల్సిన క‌థ‌ల‌న్నీ ప‌డేశాడు జ‌గ‌న్మోహ‌న్ రెడ్డి.
క్రికెట్ మజా అంటే ఏమిటో బుధవారం రాత్రి హైదారబాద్ ఉప్పల్ స్టేడియం వేదికగా సన్ రైజర్స్ హైదరాబాద్, ముంబై ఇండియన్స్ జట్ల మధ్య జరిగిన మ్యాచ్ చూపించింది.
జగన్ ధైర్యంగా జనంలోకి వచ్చి ఐదేళ్లయ్యింది. గత ఎన్నికలకు ముందు పాదయాత్ర తరువాత ఆయన జనం ముఖం చూడటం మానేశారు. తన అధికారాన్ని ప్రత్యర్థులు, వ్యతిరేకులపై కక్ష సాధించుకోవడానికీ, సంక్షేమ పథకాల పేర లబ్ధిదారులకు అరకొరగా సొమ్ముల పందేరానికి అప్పుల వేటకీ పరిమితమైపోయారు.
తిరుమలలో శ్రీవారి భక్తుల రద్దీ సాధారణంగా ఉంది. గురువారం (మార్చి 28) ఉదయం శ్రీవారి దర్శనం కోసం 9 కంపార్ట్ మెంట్లలో భక్తులు వేచి ఉన్నారు.
తాము అధికారంలోకి వస్తే వచ్చే ఐదేళ్లలో 25 లక్షల ఉద్యోగాలు ఇస్తామని తెలుగుదేశం అధినేత చంద్రబాబునాయుడు హామీ ఇచ్చారు
మేమంతా సిద్ధం అంటూ ఏపీ ముఖ్యమంత్రి జగన్ ఎన్నికల ప్రచార బస్సు యాత్రను ఇడుపుల పాయలోని తన తండ్రి సమాధి వద్ద నివాళులర్పించి ప్రారంభించారు. బుధవారం (మార్చి 27)న ఆయన తన ఎన్నికల ప్రచార బస్సు యాత్రకు ఇడుపుల పాయ నుంచి శ్రీకారం చుట్టారు. ఆ సందర్భంగా ఇడుపులు పాయలో జగన్ ను తల్లి విజయమ్మ ఆశీర్వదించారు.
చేసిన తప్పు కప్పిపుచ్చుకోవడానికి ఎంత బుకాయించినా నిజం నోటి వెంట తన్నుకు రాక తప్పదు. బీఆర్ఎస్ కార్యనిర్వాహక అధ్యక్షుడు, మాజీ మంత్రి కేటీఆర్ విషయంలోనూ అదే జరిగింది. ఫోన్ ట్యాపింగ్ నిజమేనంటూ కేటీఆర్ తన నోటి వెంటే చెప్పేశారు. వెంటనే నాలుక కరుచుకుని ఏమో నాకు తెలియదు అంటూ సర్దుకున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.