Top Stories

శోభనం రాత్రి షాకిచ్చిన పెళ్ళికూతురు...రూ.90 లక్షలు ఇస్తేనే అంటూ కండిషన్!

విశాఖ యువతి ఆత్మహత్య కేసులో ట్విస్ట్... ఆరుగురు స్నేహితులు అరెస్ట్!

ఏపీలో 38, తెలంగాణలో 26 లోక్‌సభ స్థానాలు : అమిత్ షా

ఫేస్ రికగ్నిషన్ హాజరుపై పకడ్బందీ చర్యలు : మంత్రి లోకేష్

రిటైర్డ్ ఆర్మీ జవాన్ ధైర్యాన్ని ప్రశంసించిన సీపీ సజ్జనార్

డీలిమిటేషన్‌తో దక్షిణాది రాష్ట్రాలకు శాపంగా మారబోతోందా?

హార్ట్ అటాక్ రాబోయే ముందు మన శరీరం ఇచ్చే ముందస్తు హెచ్చరికలు ఏమిటి!

లోక్‌సభలో ముందుకు 3 కీలక బిల్లులు...డీలిమిటేషన్ బిల్లుపై ప్రతిష్టంభన!

శోభనం రాత్రి షాకిచ్చిన పెళ్ళికూతురు...రూ.90 లక్షలు ఇస్తేనే అంటూ కండిషన్!

పెళ్ళి అంటే నూరేళ్ళ పంట.. రెండు కుటుంబాల కలయిక. కానీ ఉత్తరప్రదేశ్‌లోని ఆగ్రాలో జరిగిన ఒక వివాహం మాత్రం ఊహించని మలుపు తిరిగింది. పెళ్ళి పీటల మీద మురిసిపోయిన వధువు, మొదటి రాత్రే తన అసలు స్వరూపాన్ని బయటపెట్టింది. తనకు ఏకంగా రూ. 90 లక్షల నగదు ఇస్తేనే శారీరక సంబంధానికి అంగీకరిస్తానని భర్త ముందు వింత కండిషన్ పెట్టి అందరినీ విస్తుపోయేలా చేసింది. వివరాల్లోకి వెళ్తే.. ఆగ్రాలోని జగదీష్‌పురా పరిధిలో ఈ వింత ఘటన చోటుచేసుకుంది. వివాహం ముగిసిన తర్వాత తొలి రాత్రి సమయంలో వధువు తన భర్తను భారీ మొత్తంలో నగదు డిమాండ్ చేసింది. దీనికి వరుడు నిరాకరించడంతో ఇద్దరి మధ్య తీవ్రస్థాయిలో వాగ్వాదం జరిగింది. ఈ క్రమంలోనే వధువు తన పుట్టింటి వారికి సమాచారం అందించడంతో, వారు అబ్బాయి ఇంటికి చేరుకుని నానా హంగామా సృష్టించారు. వధువు కుటుంబ సభ్యులు వరుడి ఇంటిపై దాడి చేసి అక్కడున్న సామాగ్రిని ధ్వంసం చేశారు. ఇంతటితో ఆగకుండా, వరుడి కుటుంబాన్ని గదిలో పెట్టి బయట నుంచి తాళం వేశారు. గ్యాస్ పైప్‌లైన్‌ను పగులగొట్టి, గ్యాస్ లీక్ చేయడం ద్వారా ఇంటిని పేల్చివేసి అందరినీ సజీవ దహనం చేయాలని ప్రయత్నించినట్లు బాధితులు ఆరోపిస్తున్నారు. చుట్టుపక్కల వారు గమనించి సకాలంలో స్పందించడంతో పెద్ద ప్రమాదం తప్పింది. ఘర్షణ అనంతరం వధువు తన వెంట తెచ్చుకున్న బ్యాగులతో పాటు, అత్తగారింట్లోని విలువైన బంగారు ఆభరణాలు, నగదును తీసుకుని తన కుటుంబ సభ్యులతో కలిసి పరారైంది. ఈ దాడిలో వరుడి కుటుంబ సభ్యులు తీవ్రంగా గాయపడ్డారు. కేవలం డబ్బులు దండుకోవడమే లక్ష్యంగా ఈ పెళ్ళి చేసుకున్నట్లు వధువు తన నోటితోనే చెప్పిందని బాధితులు పోలీసులకు వెల్లడించారు. ప్రారంభంలో పోలీసులు కేసు నమోదుకు నిరాకరించినప్పటికీ, బాధితులు కోర్టును ఆశ్రయించడంతో జగదీష్‌పురా పోలీసులు రంగంలోకి దిగారు. వధువు, ఆమె తండ్రి మరియు ఇతరులపై వివిధ సెక్షన్ల కింద కేసులు నమోదు చేశారు. ఈ పెళ్ళి కుదిర్చిన మధ్యవర్తి పాత్రపై కూడా అనుమానాలు వ్యక్తమవుతున్నాయి. ప్రస్తుతం పోలీసులు పరారీలో ఉన్న వధువు కోసం గాలిస్తున్నారు. ఇది కేవలం డబ్బు కోసం జరిగిన మోసమా లేక దీని వెనుక ఏదైనా పాత గొడవలు ఉన్నాయా అనే కోణంలో దర్యాప్తు సాగుతోంది. అమాయక యువకులను పెళ్ళి పేరుతో బురిడీ కొట్టించే ముఠాల పట్ల ప్రజలు అప్రమత్తంగా ఉండాలని నిపుణులు సూచిస్తున్నారు.

Publish Date: Apr 16, 2026 10:55PM

విశాఖ యువతి ఆత్మహత్య కేసులో ట్విస్ట్... ఆరుగురు స్నేహితులు అరెస్ట్!

విశాఖ నగరంలోని సాగర్ నగర్ సమీపంలో గల ఒక హోటల్‌లో యువతి శాంతి కుమారి అనుమానాస్పద స్థితిలో ప్రాణాలు కోల్పోయిన ఘటన రాష్ట్రవ్యాప్తంగా సంచలనం రేపింది. ఈ విషాద ఘటనకు సంబంధించి ఆరిలోవ పోలీసులు దర్యాప్తును వేగవంతం చేసి, మృతురాలి ఆరుగురు స్నేహితులను అదుపులోకి తీసుకున్నారు. పార్టీ పేరుతో హోటల్‌కు పిలిపించి తన కుమార్తెను వారే వేధించి చంపారని బాధితురాలి తల్లి ఇచ్చిన ఫిర్యాదు మేరకు ఈ అరెస్టులు జరిగాయి. పోలీసుల ప్రాథమిక విచారణ ప్రకారం, శాంతి కుమారి మంగళవారం రాత్రి తన స్నేహితులతో కలిసి విశాలాక్షినగర్‌లోని ‘హోటల్ బీ స్క్వేర్’లో జరిగిన ఒక పుట్టినరోజు వేడుకకు హాజరయ్యారు. వేడుకల సమయంలో స్నేహితుల మధ్య తీవ్ర స్థాయిలో వాగ్వాదం జరిగినట్లు సమాచారం. ఈ గొడవ ముదిరి ఇద్దరు స్నేహితులు ఆమెపై భౌతికంగా దాడి చేసినట్లు పోలీసుల దర్యాప్తులో వెల్లడైంది. స్నేహితుల నుంచి ఎదురైన అవమానాన్ని తట్టుకోలేక శాంతి కుమారి తీవ్ర మనస్తాపానికి గురైంది. హోటల్‌లోని మరో గదిలోకి వెళ్లి లోపల గడియ పెట్టుకున్న ఆమె, ఎంత పిలిచినా బయటకు రాలేదు. అనుమానం వచ్చిన స్నేహితులు తలుపులు పగలగొట్టి లోపలికి వెళ్లి చూడగా, ఆమె అపస్మారక స్థితిలో పడి ఉంది. వెంటనే ఆమెను ఆసుపత్రికి తరలించినప్పటికీ, అప్పటికే శాంతి కుమారి మరణించినట్లు వైద్యులు ధృవీకరించారు. ఈ మరణం వెనుక లోతైన కుట్ర ఉందని మృతురాలి కుటుంబ సభ్యులు ఆరోపిస్తున్నారు. శాంతి శరీరపై గాయాల గుర్తులు ఉన్నాయని, ఆమెది ఆత్మహత్య కాదు.. పక్కా ప్రణాళికతో చేసిన హత్యేనని ఆమె తల్లి రమ్య మీడియా ముందు వాపోయారు. తన కుమార్తెను చిత్రహింసలకు గురిచేసి ప్రాణాలు తీసిన నిందితులను కఠినంగా శిక్షించాలని ఆమె డిమాండ్ చేశారు. ప్రస్తుతం ఆరుగురు నిందితులను అదుపులోకి తీసుకున్న పోలీసులు, వారిని వివిధ కోణాల్లో ప్రశ్నిస్తున్నారు. గదిలో జరిగిన గొడవకు గల కారణాలు, అక్కడ జరిగిన పరిణామాలపై క్షుణ్ణంగా దర్యాప్తు చేస్తున్నారు. సంఘటనా స్థలంలోని సీసీటీవీ దృశ్యాలను, ఫోన్ కాల్ డేటాను కూడా పోలీసులు పరిశీలిస్తున్నారు. ఈ కేసులో పోస్ట్‌మార్టం నివేదిక అత్యంత కీలకం కానుంది. శాంతి కుమారిని ఎవరైనా కొట్టి చంపారా లేదా అవమానం భరించలేక ఆమె ఆత్మహత్య చేసుకుందా అనే విషయాలు త్వరలోనే స్పష్టమవుతాయని పోలీసులు తెలిపారు. మహిళల భద్రతపై ఆందోళన వ్యక్తం చేస్తున్న స్థానికులు, నిందితులకు కఠిన శిక్ష పడేలా చూడాలని కోరుతున్నారు.

Publish Date: Apr 16, 2026 10:44PM

ఏపీలో 38, తెలంగాణలో 26 లోక్‌సభ స్థానాలు : అమిత్ షా

దేశవ్యాప్తంగా లోక్‌సభ నియోజకవర్గాల పునర్విభజన (డీలిమిటేషన్)పై గత కొంతకాలంగా నెలకొన్న ఉత్కంఠకు కేంద్ర ప్రభుత్వం తెరదించింది. నియోజకవర్గాల పునర్విభజన వల్ల దక్షిణాది రాష్ట్రాలకు ఎలాంటి అన్యాయం జరగదని, పైగా లోక్‌సభలో తెలుగు రాష్ట్రాల ప్రాతినిధ్యం భారీగా పెరుగుతుందని కేంద్ర హోంమంత్రి అమిత్ షా స్పష్టం చేశారు. పార్లమెంట్‌లో జరిగిన చర్చలో భాగంగా ఆయన మాట్లాడుతూ.. ఏపీ, తెలంగాణతో పాటు ఇతర దక్షిణాది రాష్ట్రాల్లో పెరగబోయే సీట్ల లెక్కలను వెల్లడించారు. కేంద్రం లెక్కల ప్రకారం.. రాబోయే డీలిమిటేషన్ ప్రక్రియ పూర్తి కాగానే ఆంధ్రప్రదేశ్‌లో ప్రస్తుతం ఉన్న 25 లోక్‌సభ స్థానాల సంఖ్య 38కి చేరుకోనుంది. అలాగే తెలంగాణలో ఉన్న 17 స్థానాలు 26కి పెరగనున్నాయి. జనాభా ప్రాతిపదికన సీట్ల విభజన జరిగితే ఉత్తరాది ఆధిపత్యం పెరుగుతుందన్న ఆందోళనల నేపథ్యంలో, దక్షిణాది రాష్ట్రాల సీట్లు కూడా దామాషా పద్ధతిలో వృద్ధి చెందుతాయని షా వివరించారు. మహిళా రిజర్వేషన్ బిల్లుపై చర్చ సందర్భంగా అమిత్ షా ఈ అంశాన్ని ప్రత్యేకంగా ప్రస్తావించారు. మొత్తం లోక్‌సభ స్థానాల సంఖ్యను 850 వరకు పెంచే ఆలోచనలో ప్రభుత్వం ఉందని, తద్వారా దక్షిణాది వాటా తగ్గకుండా జాగ్రత్తలు తీసుకుంటామని తెలిపారు. కర్ణాటకలో 42, తమిళనాడులో 59, కేరళలో 30 స్థానాలు పెరిగే అవకాశం ఉందని ఆయన పేర్కొన్నారు. అయితే, ఈ డీలిమిటేషన్ అంశంపై రాజకీయంగా భిన్నాభిప్రాయాలు వ్యక్తమవుతున్నాయి. జనాభా నియంత్రణను పాటించిన దక్షిణాది రాష్ట్రాలకు శిక్ష వేయకూడదని తెలంగాణ సీఎం రేవంత్ రెడ్డి అభిప్రాయపడ్డారు. కేవలం జనాభాను మాత్రమే కాకుండా ఆర్థిక వృద్ధిని కూడా ప్రాతిపదికగా తీసుకోవాలని ఆయన సూచించారు. మరోవైపు తమిళనాడు సీఎం స్టాలిన్ ఈ అంశంపై న్యాయపోరాటానికి సిద్ధమని ప్రకటించడం చర్చనీయాంశమైంది. ప్రతిపక్షాలు ప్రజలను తప్పుదోవ పట్టిస్తున్నాయని మండిపడ్డ అమిత్ షా, ఈ ప్రక్రియ వల్ల ప్రజాస్వామ్య బలం పెరుగుతుందని సమర్థించుకున్నారు. కేంద్రమంత్రి కిషన్ రెడ్డి కూడా ఈ గణాంకాలను సోషల్ మీడియా వేదికగా పంచుకుంటూ.. ఇది తెలుగు ప్రజల గొంతుక పార్లమెంట్‌లో మరింత బలంగా వినిపించేందుకు దోహదపడుతుందని పేర్కొన్నారు. మొత్తానికి 2026 తర్వాత జరిగే పునర్విభజన ప్రక్రియ తెలుగు రాష్ట్రాల రాజకీయ ముఖచిత్రాన్ని మార్చేయనుంది. నియోజకవర్గాల పరిధి తగ్గడం, కొత్త నాయకత్వం ఉద్భవించడం వంటి మార్పులు తథ్యమని విశ్లేషకులు భావిస్తున్నారు. ఈ పరిణామాల నేపథ్యంలో కేంద్రం దక్షిణాది నేతల అభ్యంతరాలను ఏ విధంగా పరిగణనలోకి తీసుకుంటుందనేది వేచి చూడాలి.

Publish Date: Apr 16, 2026 10:32PM

ఫేస్ రికగ్నిషన్ హాజరుపై పకడ్బందీ చర్యలు : మంత్రి లోకేష్

రాష్ట్రంలోని ఉన్నత విద్యా సంస్థల్లో మరింత పారదర్శకత కోసం వచ్చే విద్యా సంవత్సరం నుంచి అమలుచేయనున్న ఫేస్ రికగ్నిషన్ అటెండెన్స్ విషయంలో పకడ్బందీ చర్యలు చేపట్టాలని విద్య, ఐటీ శాఖల మంత్రి నారా లోకేష్ అధికారులను ఆదేశించారు. ఉండవల్లి నివాసంలో ఉన్నత విద్య అధికారులతో మంత్రి సమీక్ష నిర్వహించారు. ప్రభుత్వ, ఎయిడెడ్, ప్రైవేటు అన్ ఎయిడెడ్ డిగ్రీ, ఇంజనీరింగ్ తదితర ఉన్నత విద్యా సంస్థల వివరాలతో పాటు సిబ్బంది, విద్యార్థుల ముఖ ఆధారిత గుర్తింపు కోసం ఇప్పటివరకు చేపట్టిన చర్యలపై మంత్రి ఆరా తీశారు. నాణ్యమైన విద్యా బోధనకు ముఖ ఆధారిత హాజరు ఉపయుక్తంగా ఉంటుందని ఈ సందర్భంగా మంత్రి తెలిపారు. ఈ సమావేశంలో రాష్ట్ర విద్యాశాఖ కార్యదర్శి కోన శశిధర్, ఉన్నత విద్య కమిషనర్ నారాయణ భరత్ గుప్తా తదితరులు పాల్గొన్నారు.

Publish Date: Apr 16, 2026 10:17PM

రిటైర్డ్ ఆర్మీ జవాన్ ధైర్యాన్ని ప్రశంసించిన సీపీ సజ్జనార్

హైదరాబాద్‌లో ఓ రిటైర్డ్ సైనికుడి ధైర్యసాహసం చైన్ స్నాచర్‌ను పోలీసులకు పట్టించింది. ఈరోజు హైదరాబాద్ పోలీస్ కమిషనర్ సజ్జనార్ స్వయంగా ధైర్య సాహసాలు ప్రదర్శించిన రిటైర్డ్ ఆర్మీ జవాన్ చీర్ల రాముడిని సన్మానించారు. బషీర్‌బాగ్‌లోని పాత కమిషనరేట్ కార్యాలయంలో గురువారం ఆయనను ఆహ్వానించి శాలువా కప్పి నగదు బహుమతిని అందజేశారు. ఈ ఘటన ఈ నెల 14న అంబర్పేట్ పోలీస్ స్టేషన్ పరిధిలోని అంబర్‌పేట్ ఇరానీ హోటల్ బస్టాప్ వద్ద జరిగింది. బస్సు దిగుతున్న రాముడి మెడలోని బంగారు గొలుసును అపహరించేందుకు నిందితుడు అకస్మాత్తుగా ప్రయత్నించగా, తన వయసును కూడా లెక్కచేయ కుండా రాముడు ఒక్క క్షణం కూడా వెనుకాడకుండా నిందితుడిని గట్టిగా పట్టుకుని డయల్ 100కు సమాచారం ఇచ్చారు. సమాచారం అందుకున్న వెంటనే అంబర్‌పేట్ పెట్రోల్ సిబ్బంది ఘటన స్థలానికి చేరుకుని నిందితుడిని అదుపులోకి తీసుకున్నారు. పోలీసుల విచారణలో నిందితుడు మల్లేపల్లికి చెందిన ఆటో డ్రైవర్ అబ్దుల్ మన్నన్ గా గుర్తించారు. ఇతనిపై తెలంగాణ వ్యాప్తంగా 31 పాత కేసులు ఉన్నట్టు బయటపడింది. హబీబ్‌నగర్ పోలీస్ స్టేషన్‌లో సస్పెక్ట్ షీట్ ఉండగా, మంగళ్‌హాట్ పోలీస్ స్టేషన్ కేసులో మోస్ట్ వాంటెడ్‌గా ఉన్నాడు.అతని అరెస్ట్ చేసి రిమాండ్‌కు తరలించారు., అతని అనుచరులు కోటేష్ మరియు మల్లేష్ పరారీలో ఉన్నారు. ఈ సందర్భంగా సీపీ మాట్లాడుతూ “సైనికుడు ఎప్పుడూ సైనికుడే” అన్న మాటను రాముడు తన కార్యాచరణతో నిజం చేశారని పేర్కొన్నారు. భయాన్ని జయించి నేరస్తుడిని ఎదిరించిన ఆయన ధైర్యం సమాజానికి స్ఫూర్తిగా నిలుస్తుందని చెప్పారు. ప్రతి పౌరుడు యూనిఫామ్ లేని పోలీస్‌లా వ్యవహరిస్తే నేరాలను నియంత్రించడం సులభమవు తుందని పిలుపునిచ్చారు.

Publish Date: Apr 16, 2026 10:10PM

డీలిమిటేషన్‌తో దక్షిణాది రాష్ట్రాలకు శాపంగా మారబోతోందా?

తెలుగువన్ ‘వాస్తవ వేదికలో ప్రస్తుత జాతీయ రాజకీయ పరిస్థితులపై విస్తృత చర్చ జరిగింది. తెలుగువన్ ఎండీ కంఠంనేని రవిశంకర్ సారథ్యంలో నిర్వహించిన ఈ చర్చలో ‘జమీన్ రైతు’ సంపాదకుడు డోలేంద్ర ప్రసాద్ పాల్గొని సమకాలీన రాజకీయ అంశాలపై తమ అభిప్రాయాలను వెల్లడించారు. దేశవ్యాప్తంగా ఇప్పుడు ఒకే చర్చ.. అదే నియోజకవర్గాల పునర్విభజన. రాబోయే రోజుల్లో లోక్ సభ సీట్ల సంఖ్య పెరగబోతోందా? అలా పెరిగితే ఏపీ, తెలంగాణ వంటి దక్షిణాది రాష్ట్రాలకు లాభమా లేక భారీ నష్టమా? ప్రముఖ విశ్లేషకులు డోలేంద్ర ప్రసాద్‌తో 'వాస్తవ వేదిక' ప్రత్యేక ఇంటర్వ్యూలో వెల్లడైన కీలక అంశాలు ఇప్పుడు సోషల్ మీడియాలో వైరల్ అవుతున్నాయి. ముఖ్యంగా ఉత్తర భారతానికి పట్టం కడుతూ, దక్షిణ భారతాన్ని విస్మరిస్తున్నారన్న వాదనలు రాజకీయ వర్గాల్లో వేడి పుట్టిస్తున్నాయి చారిత్రక నేపథ్యంలో విభజన చిక్కులు నియోజకవర్గాల విభజన అనేది కేవలం జనాభా ప్రాతిపదికన జరిగితే దక్షిణాది రాష్ట్రాలు తీవ్రంగా నష్టపోతాయని డోలేంద్ర ప్రసాద్ హెచ్చరించారు. 1971 తర్వాత ఇందిరా గాంధీ హయాంలో సీట్లను స్తంభింపజేయడం వెనుక ఉన్న ఉద్దేశాలను ఆయన వివరించారు. జనాభా నియంత్రణను పాటించిన దక్షిణాది రాష్ట్రాలకు శిక్ష విధిస్తూ, జనాభాను పెంచుకున్న ఉత్తరాది రాష్ట్రాలకు ఎక్కువ సీట్లు ఇవ్వడం ప్రజాస్వామ్య విరుద్ధమనే వాదన బలంగా వినిపిస్తోందని రవిశంకర్ ప్రశ్నించారు. ఒకవేళ ఉత్తరాదికి 600 సీట్లు వచ్చి, దక్షిణాదికి కేవలం 200 చిల్లర సీట్లు వస్తే, ఢిల్లీలో దక్షిణాది ఎంపీల వాయిస్ వినిపించదని ఆయన ఆందోళన వ్యక్తం చేశారు. సీఎం రేవంత్ రెడ్డి ఫార్ములాపై చర్చ తెలంగాణ ముఖ్యమంత్రి రేవంత్ రెడ్డి ప్రతిపాదించిన 50% జనాభా, 50% జిడిపి (GDP) ప్రాతిపదికన సీట్ల కేటాయింపు ఫార్ములాపై కూడా చర్చ జరిగింది. కేవలం జనాభాను మాత్రమే కొలమానంగా తీసుకోకూడదని, ఆర్థిక అభివృద్ధిని కూడా పరిగణనలోకి తీసుకోవాలని రేవంత్ చేసిన సూచనలు ఆచరణలో సాధ్యమేనా అనే ప్రశ్నలు తలెత్తుతున్నాయి. దక్షిణాది రాష్ట్రాలు దేశ ఆర్థిక వ్యవస్థకు భారీగా తోడ్పడుతున్నా, రాజకీయ ప్రాతినిధ్యంలో మాత్రం వెనుకబడిపోతున్నదని తెలుగువన్ ఎండీ తెలిపారు. రాజకీయ వ్యూహాలు - చంద్రబాబు వర్సెస్ జగన్ ఈ పునర్విభజన ప్రక్రియలో రాజకీయ పార్టీల పాత్రపై డోలేంద్ర ప్రసాద్ ఆసక్తికర వ్యాఖ్యలు చేశారు. 2009లో జరిగిన విభజన సమయంలో దివంగత నేత వైఎస్ రాజశేఖర్ రెడ్డి తన చాతుర్యంతో వ్యవహరించారని గుర్తు చేశారు. ప్రస్తుతం ఏపీ రాజకీయాల విషయానికొస్తే, ఈ డీలిమిటేషన్ ప్రక్రియ జగన్ మోహన్ రెడ్డికి కలిసి వచ్చే అవకాశం ఉందని, సాఫ్ట్‌వేర్ అల్గారిథమ్స్ ద్వారా లెక్కలు వేస్తే అది వైసీపీకే మేలు చేస్తుందని విశ్లేషించారు. అయితే సీఎం చంద్రబాబు నాయుడు నేరుగా రంగంలోకి దిగితే ఈ ప్రమాదాన్ని అడ్డుకోవచ్చని, కానీ లోకేష్ టీమ్ కేవలం అంకెలకు పరిమితమైతే నష్టం తప్పదని అభిప్రాయపడ్డారు. ప్రజా స్పందన మరియు రియల్ టైమ్ రియాక్షన్స్ ఈ చర్చపై సామాన్యుల నుంచి మిశ్రమ స్పందన వస్తోంది. "మేము జనాభాను నియంత్రిస్తే మా సీట్లు తగ్గించడం ఏంటి?" అని నెటిజన్లు ప్రశ్నిస్తున్నారు. దక్షిణాది రాష్ట్రాల హక్కుల కోసం అందరూ ఏకం కావాలని సోషల్ మీడియాలో పోస్టులు వెల్లువెత్తుతున్నాయి. ముఖ్యంగా ప్రాంతీయ వివక్ష అనే పదం మళ్ళీ తెరపైకి రావడం బీజేపీకి దక్షిణ భారత్‌లో సవాలుగా మారేలా కనిపిస్తోంది. మోడీ-అమిత్ షా ద్వయం దక్షిణాదిపై వివక్ష చూపుతోందన్న విమర్శలపై కమలనాథులు ఎలా స్పందిస్తారో చూడాలి. ముగింపు మొత్తానికి నియోజకవర్గాల పునర్విభజన అనేది కేవలం ఎన్నికల ప్రక్రియ మాత్రమే కాదు, ఇది దేశ భవిష్యత్తును, సమాఖ్య స్ఫూర్తిని ప్రభావితం చేసే అంశం. దక్షిణాది రాష్ట్రాల ప్రతినిధులు ఢిల్లీలో తమ ఉనికిని కాపాడుకుంటారా లేదా అనేది రాబోయే రోజుల్లో తేలనుంది. ఇలాంటి ఆసక్తికర అంశాలపై కంఠంనేని రవిశంకర్, డోలేంద్ర ప్రసాద్‌ల మధ్య జరిగిన పూర్తి స్థాయి చర్చను తెలుగువన్ యూట్యూబ్ ఛానల్‌లో తప్పక వీక్షించండి

Publish Date: Apr 16, 2026 9:29PM

MOVIE NEWS

Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.

TeluguOne Services

» TOne Home
» Movie News
» Movies
» Photos
» Grandalayam

» Short Films
» Bhakti
» Videos
» KidsOne
» TORi (Radio)

» Sahityam
» Recipes
» Astrology
» Comedy
» Vanitha

» NRI Corner
» Greetings
» Health
» Charity
» News

TeluguOne For Your Business
» Ad Tariff
About TeluguOne
» About TeluguOne
KEYWORDS: TELUGU NEWS

Disclaimer: All content on this website—including text, images, videos, graphics, and audio—is the property of ObjectOne Information Systems Ltd. or its associates. Unauthorized reproduction, distribution, modification, or publication of any material is strictly prohibited without prior written consent..