మండే నుంచి శీతాకాల మంటలు.. ఏపీ ఎంపీలు ఏం చేస్తారో?

Publish Date:Nov 27, 2021

Advertisement

పార్లమెంట్ శీతాకాల సమావేశాలు ఈనెల (నవంబర్) 29 న ప్రారంభమవుతాయి. సుమారు పక్షం రోజులకు పైగా జరిగే సమావేశాలు, ఒక విధంగా ప్రభుత్వానికి చెమటలు పట్టించడం ఖాయంగా కనిపిస్తోందని రాజీకీయ విశ్లేషకులు భావిస్తున్నారు. మరో వంక అధికార ప్రతిపక్షలు రెండూ కూడా అస్త్ర శస్త్రాలతో యుద్దానికి సిద్ధమవుతున్నాయి.  ప్రధానమంత్రి నరేంద్ర మోడీ ప్రభుత్వం గడచిన ఏడేళ్ళలో, తొలి సారిగా ప్రతిపక్షాల నుంచే కాకుండా ప్రజల నుంచి కూడా ప్రతిఘటన ఎదుర్కుంటున్న సమయంలో జరుగుతున్న శీతాకాల సమావేశాలు గతానికి భిన్నంగా, ప్రభుత్వానికి కొంత ఇబ్బందికరంగా ఉంటాయని కూడా రాజకీయ వర్గాల్లో చర్చ జరుగుతోంది. ఇంత వరకు ప్రతిపక్షాలు ఎన్ని ఆరోపణలు చేసినా, ప్రజలు పెద్దగా పట్టించుకోలేదు. ప్రధాన మంత్రి నరేంద్ర మోడీ ప్రజాకర్షక శక్తి ముందు రాహుల్ గాంధీ సహ ప్రతిపక్ష నేతలు ఎవరు నిలవలేక పోయారు. అలాగే, ప్రజల మద్దతు దండిగా ఉందన్న భరోసాతో, విపక్షాలను  అధికార కూటమి పెద్దగా పట్టించుకోలేదు. ఒక విధంగా ప్రతిపక్షాన్ని అధికార కూటమి బేఖాతరు చేసింది. 

కానీ  ఇప్పుడు పరిస్థితి అందుకు భిన్నంగా కనిపిస్తోంది. కొవిడ్ నేపధ్యంగా తలెత్తిన సమస్యలు, ముఖ్యంగా  ధరల పెరుగుదల, నిరుద్యోగ సమస్య, వంటి సమస్యల కారణంగా ప్రజల్లో ప్రభుత్వం పట్ల వ్యతిరేకత రోజురోజుకు పెరుగుతోంది. ప్రధాన మంత్రి నరేంద్ర మోడీ పాపులారిటీ గ్రాఫ్ కూడా నేల చూపులు చూస్తోంది. గణనీయంగా పడిపోయింది. ఈ పరిస్థితులలో ప్రభుత్వం పెట్రోల్, డీజిల్ ధరలన తగ్గించడం మొదలు కొన్ని దిద్దుబాటు చర్యలు తీసుకుంటోంది. అయితే, గతంలో ఎప్పుడు లేని విధంగా, ధరల పెరుగుదల, వ్యవసాయ ఉత్పాతులకు కనీస మద్దతు ధర (ఎంఎస్పీ)వంటి కీలక సమస్యల విషయంలో ప్రజలలో తీవ్ర వ్యతిరేకత కొనసాగుతోంది. మరో వంక  విపక్షాలు,ధరల పెరుగుదలకు వ్యతిరేకంగా సభ లోపలే కాకుండా, సభవెలుపల కూడా ఆందోళనకు సిద్దమవుతున్నాయి. 

ముఖ్యంగా కాంగ్రెస్ పార్టీ, విపక్ష కూటమి నాయకత్వం విషయంలో మమతా బెనర్జీ  తృణమూల్ కాంగ్రెస్ నుంచి వస్తున్న పోటీని ఎదుర్కునేందుకు, పెద్దన్న పాత్రను నిలుపుకునేందుకు, ప్రజాందోళనకు కూడా సిద్దమవుతోంది.ఇందులో భాగంగా     పార్లమెంట్ సమావేశాలు జరుగుతున్న సమయంలోనే, పెరుగుతున్న ధరలను నిరసిస్తూ.. కేంద్ర ప్రభుత్వాన్ని ఇరుకున పెట్టేందుకు డిసెంబర్ 12న ఢిల్లీలో భారీ బహిరంగ సభ నిర్వహించాలని కాంగ్రెస్ పార్టీ నిర్ణయించింది.ఈ ర్యాలీలో భాగంగా ధరల పెరుగుదలపై కాంగ్రెస్ అధ్యక్షురాలు సోనియా గాంధీ, రాహుల్ గాంధీ మాట్లాడతారని ఏఐసీసీ ప్రధాన కార్యదర్శి కేసీ వేణుగోపాల్ తెలిపారు.
అదలా ఉంటే పార్లమెంట్ శీతాకాల సమావేశాల ప్రారంభం రోజున వివిధ పార్టీలకు చెందిన విపక్ష నేతలు దిల్లీలో సమావేశం కానున్నారు. పార్లమెంట్లో ఏకతాటిపై ఉండటం, ప్రభుత్వాన్ని ఇరుకునపెట్టే అంశాలపై చర్చించనున్నట్లు తెలుస్తోంది. లోక్సభ, రాజ్యసభలోని వివిధ రాజకీయ పార్టీలకు చెందిన నేతలకు రాజ్యసభలో ప్రతిపక్ష నేత మల్లికార్జున్ ఖర్గే. లేఖ రాశారు. కీలకమైన అంశాలను పార్లమెంట్లో లేవనెత్తేందుకు ఈ భేటీ ఉపయోగపడుతుందని సూచించారు. 

ఇదలా ఉంటే, మూడు సాగు చట్టాల రద్దుకు సంబంధించి కేంద్రం తదుపరి ప్రక్రియను ప్రారంభించింది. సోమవారం నుంచి పార్లమెంట్ శీతకాల సమావేశాలు మొదలుకానున్న నేపథ్యంలో.. వ్యవసాయ మంత్రి నరేంద్ర సింగ్ తోమర్ ఆ చట్టాల రద్దు బిల్లును ప్రవేశపెట్టనున్నారు. ఆ రోజున  బీజేపీ  ఎంపీలందరూ లోక్‌సభకు హాజరుకావాలని ఆ పార్టీ విప్ జారీ చేసింది. ఈ మేరకు సంబంధిత వర్గాలు మీడియాకు వెల్లడించాయి. రాజ్యసభ ఎంపీలకు దీనిపై ఇప్పటికే విప్‌ జారీ అయ్యింది.
ఈసారి సమావేశాల్లో పార్లమెంట్ ఆమోదానికి 26 బిల్లులు ఎదురుచూస్తున్నాయి. అందులో వ్యవసాయ చట్టాల రద్దు బిల్లు కూడా ఒకటి. దాంతో పాటు వివాదాస్పద క్రిప్టో కరెన్సీ బిల్లు, అలాగే ప్రభుత్వ రంగ బ్యాంకుల్లో ప్రభుత్వం వాటాను 51 శాతం నుంచి 26 శాతానికి తగ్గించేందుకు ఉద్దేశించిన బిల్లు కూడా ఉందని ఆ వర్గాలు వెల్లడించాయి.కేంద్రం గత ఏడాది వర్షాకాల సమావేశాల్లో మూడు వ్యవసాయ చట్టాలను తీసుకువచ్చింది. వాటిపై పంజాబ్, హరియాణా, యూపీలోని కొన్ని ప్రాంతాల రైతుల నుంచి వ్యతిరేకత వ్యక్తమైంది. వారు చేపట్టిన నిరసనల్లో కొన్ని అవాంఛనీయ ఘటనలు కూడా చోటు చేసుకున్నాయి. వాటన్నింటిని పరిగణనలోకి తీసుకున్న కేంద్రం.. కొద్ది రోజుల క్రితం సాగు చట్టాలను రద్దు చేస్తున్నట్లు ప్రకటించిన సంగతి తెలిసిందే.

అయితే, చట్టాల రద్దుతో సంతృప్తి చెందని సంఘాలు ఎం ఎస్ పీచట్టం, కేసుల ఉపసంహరణ వంటి కొత్త డిమాండ్లతో ఆందోళన కొనసాగించేందుకు నిరంయించాయి. సహజంగానే రైతుల కొత్త డిమాండ్స్’కు మద్దతు ఇస్తున్న ప్రతిపక్షాలు వాటి అమలుకు పట్టు పట్టే అవకాశం లేకపోలేదని విశ్లేషకులు భావిస్తున్నారు. అందుకే, ముందస్తు చర్యల్లో భాగంగా కేంద్ర ప్రభుత్వం రైతు సమస్యలపై చర్చించేందుకు ఒక కమిటీని ఏర్పాటు చేయనున్నట్లు ప్రకటించింది. దానికింద పంటల వైవిధ్యీకరణ, జీరో బడ్జెట్ ఫార్మింగ్, కనీస మద్దతు ధర వంటి పలు సమస్యలపై చర్చించనున్నారు. ఈ కమిటీలో రైతు సంఘాలకు చెందిన ప్రతినిధులు కూడా భాగమవుతారని వ్యవసాయ శాఖ మంత్రి నరేంద్ర సింగ్‌ తోమర్‌ వెల్లడించారు. అలాగే కేంద్ర ప్రభుత్వం ఇప్పటికే వ్యవసాయ చట్టాలను రద్దు చేసిన తర్వాత కూడా రైతులు నిరసనలు కొనసాగించడంలో ఎలాంటి అర్థం లేదు. వారంతా తమ ఆందోళనను విరమించుకొని ఇంటికి వెళ్లాలని కోరుతున్నానని తోమర్ మీడియాతో వెల్లడించారు. మరోపక్క నిరసనల్లో భాగంగా రైతులపై పెట్టిన కేసులు రాష్ట్రాల పరిధిలో ఉన్నాయని మంత్రి అన్నారు. వాటి ఉపసంహరణపై రాష్ట్రాలదే నిర్ణయమన్నారు. అయితే పార్లమెంట్ శీతాకాల సమావేశాలు మొదటి రోజునుంచే సభలో ఉష్ణోగ్రతలు భాగ్గుమందం ఖాయమని పరిశీలకులు భావిస్తున్నారు.

By
en-us Political News

  
కమలనాథులు తనకు తగిన గుర్తింపు ఇవ్వడంలేదంటూ ఆ పార్టీ నాయకురాలు, మాజీ ఎంపీ విజయశాంతి రగిలిపోతున్నారు. బీజేపీ రాష్ట్ర నాయకత్వం బి.జె.పి రాష్ట్ర నాయకత్వంపై విజయ శాంతి తీవ్ర అసంతృప్తితో ఉన్నారు. ఫ్రైర్ బ్రాండ్ అయిన తనను పార్టీ సరిగా వినియోగించుకోవడం లేదని ఆగ్రహం వ్యక్తం చేస్తున్నారు.
దేశంలో అన్ని వ‌ర్గాల‌వారిని ఏకం చేయ‌డ‌మే ల‌క్ష్యంగా కాంగ్రెస్ పార్టీ భార‌త్ జోడో యాత్ర‌ను త‌లపెట్టిం ది.
తెలుగు రాష్ట్రాలకు విద్యుత్ గండం పొంచి ఉంది. విద్యుత్ బకాయిల కారణంగా కేంద్రం 11 రాష్ట్రాలకు విద్యుత్ విక్రయాన్ని నిలిపివేయాల్సిందిగా ఆదేశించింది. ఆ 11 రాష్ట్రాలలో ఆంధ్రప్రదేశ్, తెలంగాణ కూడా3 ఉన్నాయి.
భగవద్దీతను అవమానిస్తే భౌతిక దాడులు తప్పవని బండి సంజయ్ హెచ్చరించారు. తన ప్రజా సంగ్రామ యాత్రలో భాగంగా ఆయన గురువారం (ఆగస్టు 18) జనగామలో అర్చక సంఘాలు, బ్రాహ్మణ సంఘాలతో సమావేశమయ్యారు. భగవద్గీత వినిపిస్తే ఎవరైనా మరణించారా అని అనుకునే పరిస్థితి వచ్చిందని ఆయన ఆవేదన వ్యక్తం చేశారు.
ఏడుస్తున్న సెల్ఫీని పోస్ట్ చేసినందుకు వైరల్‌గా మారిన సీఈఓ తొలగించిన ఉద్యోగి ఒకరు జాబ్ ఆఫర్లతో ముంచెత్తారు.
ఇటీవల, టాటా సన్స్ ఛైర్మన్ ఎమెరిటస్ రతన్ టాటా గుడ్‌ఫెలోస్ అనే స్టార్టప్‌లో పెట్టుబ‌డులు పెట్టారు. ఇది వృద్ధులను యువకులు, చదువు కున్న గ్రాడ్యుయేట్‌లతో జతచేయడం ద్వారా అర్ధవంతమైన సహ చర్యం కోసం వారికి సహాయం చేయాలనే లక్ష్యంతో ఉంది.
హిందూపురం ఎమ్మెల్యే నందమూరి బాలకృష్ణ మాస్టారుగా మారి మాంచి లెక్చర్ ఇచ్చారు. హిందూపురంలో పర్యటిస్తున్న బాలయ్య గురువారం లేపాక్షిలో జరిగిన బాదుడే బాదుడు కార్యక్రమంలో పాల్గొన్నారు. అనంతరం కొట్నూరు ఉన్నత పాఠశాలఆవరణలో హెరిటేజ్ సంస్థ ఆధ్వర్యంలో విద్యాసంస్థలకు ఎల్ఈడీ టీవీలు పంపిణీ చేశారు.
ఇటీవ‌లి కాలంలో ఎంపీలు, ఎమ్మెల్యేలే న్యాయ‌స్థానం ప‌నులు చేసేస్తూ కేసులు మాఫీ చేయ‌డానికి వెనుకాడ‌టం లేదు. త‌మ వారిని కాపాడుకునే ల‌క్ష్యంతో ప్రభుత్వాలు జీవో జారీచేయ‌డం ప‌ట్ల హైకోర్టు తీవ్ర ఆగ్ర‌హం వ్య‌క్తం చేసింది. 
తెలంగాణా లో ఆపరేషన్ ఆకర్ష్‌ని కాషాయ దళం ముమ్మరం చేసింది. ఈ నేపథ్యంలో ఏ పార్టీ నుంచి ఎవరెవరు కాషాయ దళంలోకి వెళ్తారన్న దానిపై రకరకాల ఊహాగానాలు వినిపిస్తున్నాయి.ఆగస్టు 21న మునుగోడు సభ వేదికగా కొందరు టీఆర్ఎస్ కీలక నేతల చేరికలు ఉండేలా వ్యూహాలకు పదును పెడుతోంది తెలంగాణా కమలదళం. కేంద్ర హోంమంత్రి అమిత్ షా ఈ సభకి హాజరు అవుతున్నారు.
ఆంధ్రప్రదేశ్ ప్రజా రాజధానిగా అమరావతినే కొనసాగించాలంటూ ఆ ప్రాంత రైతులు అలుపు, సొలుపు, విసుగు, విరామం లేకుండా ఉద్యమిస్తున్న విషయం తెలిసిందే. రాజధాని ప్రాంత రైతులు, మహిళలు ఉద్యమం చేపట్టి సెప్టెంబర్ 12 నాటికి వెయ్యి రోజులు పూర్తవుతుంది. తమ ఉద్యమం వెయ్యి రోజులు పూర్తి చేసుకుంటున్న సందర్భంగా అమరావతి ప్రాంత రైతులు మరో మహా పాదయాత్రకు సిద్ధం అవుతున్నారు.
ర‌ష్యాలో అధ్య‌క్షుడు పుతిన్ మాత్రం మ‌ళ్లీ పిల్ల‌ల సంద‌డి అవ‌స‌ర‌మ‌ని భావించారు. అంటే జ‌నాభా పెరు గుద‌ల‌ను ఆశిస్తున్నారు. కోవిడ్ వ‌ల్ల  అనేక దేశాల్లో జ‌నాభా త‌గ్గి పోయింది.
రాజకీయంగా ఎత్తులు వేయడంలో బీజేపీ అందెవేసిన చెయ్యి అనడంలో సందేహం లేదు. అందులోనూ మోడీ- షా ద్వయం ఇలాంటి విషయాల్లో ప్రదర్శించే చాణక్య నీతి గురించి చెప్పనక్కర్లేదు. దక్షిణాదిలో ఒక్క కర్ణాటకలో తప్ప ఇంకెక్కడా కాలు మోపేందుకు వీలు లేక బీజేపీ నేతలు ఎత్తుల మీద ఎత్తులు వేస్తూనే ఉన్నారు. బీజేపీకి కొరకరాని కొయ్యగా మారిన దక్షిణాది రాష్ట్రాలలో ఒకటైన తమిళనాడులో బలపడాలని చూస్తోంది.
మునుగోడు ఉపఎన్నిక నేపథ్యంలో బీజేపీలో పోటీ పెరిగిపోతోంది. ఉపఎన్నిక ఇన్‌చార్జ్ అయితే అమిత్ షా వద్ద పరపతి పెరుగుతుందనే ఆలోచనతో నేతలు కసరత్తులు చేస్తున్నారు
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.