మండే నుంచి శీతాకాల మంటలు.. ఏపీ ఎంపీలు ఏం చేస్తారో?

Publish Date:Nov 27, 2021

Advertisement

పార్లమెంట్ శీతాకాల సమావేశాలు ఈనెల (నవంబర్) 29 న ప్రారంభమవుతాయి. సుమారు పక్షం రోజులకు పైగా జరిగే సమావేశాలు, ఒక విధంగా ప్రభుత్వానికి చెమటలు పట్టించడం ఖాయంగా కనిపిస్తోందని రాజీకీయ విశ్లేషకులు భావిస్తున్నారు. మరో వంక అధికార ప్రతిపక్షలు రెండూ కూడా అస్త్ర శస్త్రాలతో యుద్దానికి సిద్ధమవుతున్నాయి.  ప్రధానమంత్రి నరేంద్ర మోడీ ప్రభుత్వం గడచిన ఏడేళ్ళలో, తొలి సారిగా ప్రతిపక్షాల నుంచే కాకుండా ప్రజల నుంచి కూడా ప్రతిఘటన ఎదుర్కుంటున్న సమయంలో జరుగుతున్న శీతాకాల సమావేశాలు గతానికి భిన్నంగా, ప్రభుత్వానికి కొంత ఇబ్బందికరంగా ఉంటాయని కూడా రాజకీయ వర్గాల్లో చర్చ జరుగుతోంది. ఇంత వరకు ప్రతిపక్షాలు ఎన్ని ఆరోపణలు చేసినా, ప్రజలు పెద్దగా పట్టించుకోలేదు. ప్రధాన మంత్రి నరేంద్ర మోడీ ప్రజాకర్షక శక్తి ముందు రాహుల్ గాంధీ సహ ప్రతిపక్ష నేతలు ఎవరు నిలవలేక పోయారు. అలాగే, ప్రజల మద్దతు దండిగా ఉందన్న భరోసాతో, విపక్షాలను  అధికార కూటమి పెద్దగా పట్టించుకోలేదు. ఒక విధంగా ప్రతిపక్షాన్ని అధికార కూటమి బేఖాతరు చేసింది. 

కానీ  ఇప్పుడు పరిస్థితి అందుకు భిన్నంగా కనిపిస్తోంది. కొవిడ్ నేపధ్యంగా తలెత్తిన సమస్యలు, ముఖ్యంగా  ధరల పెరుగుదల, నిరుద్యోగ సమస్య, వంటి సమస్యల కారణంగా ప్రజల్లో ప్రభుత్వం పట్ల వ్యతిరేకత రోజురోజుకు పెరుగుతోంది. ప్రధాన మంత్రి నరేంద్ర మోడీ పాపులారిటీ గ్రాఫ్ కూడా నేల చూపులు చూస్తోంది. గణనీయంగా పడిపోయింది. ఈ పరిస్థితులలో ప్రభుత్వం పెట్రోల్, డీజిల్ ధరలన తగ్గించడం మొదలు కొన్ని దిద్దుబాటు చర్యలు తీసుకుంటోంది. అయితే, గతంలో ఎప్పుడు లేని విధంగా, ధరల పెరుగుదల, వ్యవసాయ ఉత్పాతులకు కనీస మద్దతు ధర (ఎంఎస్పీ)వంటి కీలక సమస్యల విషయంలో ప్రజలలో తీవ్ర వ్యతిరేకత కొనసాగుతోంది. మరో వంక  విపక్షాలు,ధరల పెరుగుదలకు వ్యతిరేకంగా సభ లోపలే కాకుండా, సభవెలుపల కూడా ఆందోళనకు సిద్దమవుతున్నాయి. 

ముఖ్యంగా కాంగ్రెస్ పార్టీ, విపక్ష కూటమి నాయకత్వం విషయంలో మమతా బెనర్జీ  తృణమూల్ కాంగ్రెస్ నుంచి వస్తున్న పోటీని ఎదుర్కునేందుకు, పెద్దన్న పాత్రను నిలుపుకునేందుకు, ప్రజాందోళనకు కూడా సిద్దమవుతోంది.ఇందులో భాగంగా     పార్లమెంట్ సమావేశాలు జరుగుతున్న సమయంలోనే, పెరుగుతున్న ధరలను నిరసిస్తూ.. కేంద్ర ప్రభుత్వాన్ని ఇరుకున పెట్టేందుకు డిసెంబర్ 12న ఢిల్లీలో భారీ బహిరంగ సభ నిర్వహించాలని కాంగ్రెస్ పార్టీ నిర్ణయించింది.ఈ ర్యాలీలో భాగంగా ధరల పెరుగుదలపై కాంగ్రెస్ అధ్యక్షురాలు సోనియా గాంధీ, రాహుల్ గాంధీ మాట్లాడతారని ఏఐసీసీ ప్రధాన కార్యదర్శి కేసీ వేణుగోపాల్ తెలిపారు.
అదలా ఉంటే పార్లమెంట్ శీతాకాల సమావేశాల ప్రారంభం రోజున వివిధ పార్టీలకు చెందిన విపక్ష నేతలు దిల్లీలో సమావేశం కానున్నారు. పార్లమెంట్లో ఏకతాటిపై ఉండటం, ప్రభుత్వాన్ని ఇరుకునపెట్టే అంశాలపై చర్చించనున్నట్లు తెలుస్తోంది. లోక్సభ, రాజ్యసభలోని వివిధ రాజకీయ పార్టీలకు చెందిన నేతలకు రాజ్యసభలో ప్రతిపక్ష నేత మల్లికార్జున్ ఖర్గే. లేఖ రాశారు. కీలకమైన అంశాలను పార్లమెంట్లో లేవనెత్తేందుకు ఈ భేటీ ఉపయోగపడుతుందని సూచించారు. 

ఇదలా ఉంటే, మూడు సాగు చట్టాల రద్దుకు సంబంధించి కేంద్రం తదుపరి ప్రక్రియను ప్రారంభించింది. సోమవారం నుంచి పార్లమెంట్ శీతకాల సమావేశాలు మొదలుకానున్న నేపథ్యంలో.. వ్యవసాయ మంత్రి నరేంద్ర సింగ్ తోమర్ ఆ చట్టాల రద్దు బిల్లును ప్రవేశపెట్టనున్నారు. ఆ రోజున  బీజేపీ  ఎంపీలందరూ లోక్‌సభకు హాజరుకావాలని ఆ పార్టీ విప్ జారీ చేసింది. ఈ మేరకు సంబంధిత వర్గాలు మీడియాకు వెల్లడించాయి. రాజ్యసభ ఎంపీలకు దీనిపై ఇప్పటికే విప్‌ జారీ అయ్యింది.
ఈసారి సమావేశాల్లో పార్లమెంట్ ఆమోదానికి 26 బిల్లులు ఎదురుచూస్తున్నాయి. అందులో వ్యవసాయ చట్టాల రద్దు బిల్లు కూడా ఒకటి. దాంతో పాటు వివాదాస్పద క్రిప్టో కరెన్సీ బిల్లు, అలాగే ప్రభుత్వ రంగ బ్యాంకుల్లో ప్రభుత్వం వాటాను 51 శాతం నుంచి 26 శాతానికి తగ్గించేందుకు ఉద్దేశించిన బిల్లు కూడా ఉందని ఆ వర్గాలు వెల్లడించాయి.కేంద్రం గత ఏడాది వర్షాకాల సమావేశాల్లో మూడు వ్యవసాయ చట్టాలను తీసుకువచ్చింది. వాటిపై పంజాబ్, హరియాణా, యూపీలోని కొన్ని ప్రాంతాల రైతుల నుంచి వ్యతిరేకత వ్యక్తమైంది. వారు చేపట్టిన నిరసనల్లో కొన్ని అవాంఛనీయ ఘటనలు కూడా చోటు చేసుకున్నాయి. వాటన్నింటిని పరిగణనలోకి తీసుకున్న కేంద్రం.. కొద్ది రోజుల క్రితం సాగు చట్టాలను రద్దు చేస్తున్నట్లు ప్రకటించిన సంగతి తెలిసిందే.

అయితే, చట్టాల రద్దుతో సంతృప్తి చెందని సంఘాలు ఎం ఎస్ పీచట్టం, కేసుల ఉపసంహరణ వంటి కొత్త డిమాండ్లతో ఆందోళన కొనసాగించేందుకు నిరంయించాయి. సహజంగానే రైతుల కొత్త డిమాండ్స్’కు మద్దతు ఇస్తున్న ప్రతిపక్షాలు వాటి అమలుకు పట్టు పట్టే అవకాశం లేకపోలేదని విశ్లేషకులు భావిస్తున్నారు. అందుకే, ముందస్తు చర్యల్లో భాగంగా కేంద్ర ప్రభుత్వం రైతు సమస్యలపై చర్చించేందుకు ఒక కమిటీని ఏర్పాటు చేయనున్నట్లు ప్రకటించింది. దానికింద పంటల వైవిధ్యీకరణ, జీరో బడ్జెట్ ఫార్మింగ్, కనీస మద్దతు ధర వంటి పలు సమస్యలపై చర్చించనున్నారు. ఈ కమిటీలో రైతు సంఘాలకు చెందిన ప్రతినిధులు కూడా భాగమవుతారని వ్యవసాయ శాఖ మంత్రి నరేంద్ర సింగ్‌ తోమర్‌ వెల్లడించారు. అలాగే కేంద్ర ప్రభుత్వం ఇప్పటికే వ్యవసాయ చట్టాలను రద్దు చేసిన తర్వాత కూడా రైతులు నిరసనలు కొనసాగించడంలో ఎలాంటి అర్థం లేదు. వారంతా తమ ఆందోళనను విరమించుకొని ఇంటికి వెళ్లాలని కోరుతున్నానని తోమర్ మీడియాతో వెల్లడించారు. మరోపక్క నిరసనల్లో భాగంగా రైతులపై పెట్టిన కేసులు రాష్ట్రాల పరిధిలో ఉన్నాయని మంత్రి అన్నారు. వాటి ఉపసంహరణపై రాష్ట్రాలదే నిర్ణయమన్నారు. అయితే పార్లమెంట్ శీతాకాల సమావేశాలు మొదటి రోజునుంచే సభలో ఉష్ణోగ్రతలు భాగ్గుమందం ఖాయమని పరిశీలకులు భావిస్తున్నారు.

By
en-us Political News

  
చ‌దివింది నాలుగో త‌ర‌గ‌తి. చేసేది వ‌జ్రాల వ్యాపారం. 50 దేశాల‌కు పైగా ఎక్స్‌పోర్ట్స్‌. ఏటా 6వేల కోట్ల ట‌ర్నోవ‌ర్‌. ఎంత సంపాదించామ‌న్న‌ది కాదన్న‌య్యా.. స‌మాజానికి ఎంతోకొంత తిరిగిచ్చేశామ‌న్న‌దే ముఖ్యం అనే మ‌న‌స్త‌త్వం. అందుకే, త‌న కంపెనీలో ప‌ని చేసే ఉద్యోగుల‌కు కార్లు, ఫ్లాట్లు, విల్లాలు, ఫిక్స్‌డ్ డిపాజిట్లు గిఫ్ట్‌లుగా ఇస్తుంటారు. పేద‌ల‌కు పెళ్లిల్లు, విద్యార్థుల‌కు ఆర్థిక సాయం కూడా చేస్తుంటారు. అందుకే, గుజరాత్‌కు చెందిన సావ్జీ ఢోలాకియాకు ఈఏడాది ప‌ద్మ‌శ్రీ పుర‌ష్కారం వ‌రించింది. 
ప్రజలు... నమ్మి ఓటు వేసి ఎమ్మెల్యేగా గెలిపిస్తే.. ఏం చేయాలి.. వారి ఆశలకు అనుగుణంగా పనిచేయాలి. అదే ఎమ్మెల్యే పదవితో పాటు మంత్రి పదవి ప్లస్ ఉప ముఖ్యమంత్రి పదవి కూడా వస్తే.. ఏం చేయాలి.. రాష్ట్రానికి ఏం చేసినా.. చేయకపోయినా... కనీసం నియోజకవర్గ ప్రజలకైనా అంతో... ఇంతో... ఎంతో కొంత చేయాలి... చేసి తీరాలి. ఇది కనీస ధర్మం. 
జమ్మూకశ్మీర్‌లోని శ్రీనగర్‌. పూర్తిగా ముస్లిం ఆధిప‌త్యం ఉన్న ప్రాంతం. వాళ్ల‌లో అధిక సంఖ్యాకులు పాక్ అభిమానులే. మ‌న దేశంలో ఉంటూ జై పాకిస్తాన్ అంటూ నిన‌దించే బ్యాచ్‌. అలాంటి శ్రీన‌గ‌ర్‌లో లాల్‌చౌక్ మ‌రింత డేంజ‌ర‌స్‌. దేశ వ్య‌తిరేక నిర‌స‌న‌లు, ధ‌ర్నాల‌కు సెంట‌ర్ పాయింట్‌. అందుకే, అక్క‌డి ప్ర‌ఖ్యాత ఘంటా ఘ‌ర్ (క్లాక్ ట‌వ‌ర్‌)పై ఎప్పుడూ పాకిస్తాన్ జెండానే ఎగురుతూ ఉండేది. స్వాతంత్రం వ‌చ్చి 75 ఏళ్లు అవుతున్నా.. ఇప్ప‌టికీ అక్క‌డ పాక్ అనుకూల డామినేష‌నే. త్రివ‌ర్ణ‌ప‌తాకం ఎగిరిందేలే. 
దేశమంతా 73వ గణతంత్ర దినోత్సవాలను జరుపుకుంది. ప్రజలు ప్రముఖులు స్వాతంత్ర సమర యోధులకు, రాజ్యాంగ నిర్మాతలకు, దేశం కోసం ప్రాణత్యాగం చేసిన అమర వీరులకు నివాళులు అర్పించారు. తెలంగాణ రాష్ట్రంలోనూ గణతంత్ర వేడుకలు జరిగాయి.కానీ, ఏదో వెలితి కొట్టొచ్చినట్లు కనిపించింది. 
ఏపీలో కొత్త జిల్లాలు వ‌స్తున్నాయి. అవి వ‌స్తాయో లేదో డౌట్‌గానే ఉన్నా.. ప్ర‌భుత్వ గెజిట్ నోటిఫికేష‌న్ మాత్రం విడుద‌లైపోయింది. ఉన్న‌ట్టుండి ఇప్పుడే కొత్త జిల్లాలు ఎందుకండి? అని అమాయ‌కంగా ప్ర‌శ్నించ‌కండి. పీఆర్సీ తేనెతెట్టును క‌దిలించి.. ఉద్యోగులతో శాప‌నార్థాలు పెట్టించుకుంటున్న జ‌గ‌న‌న్న‌.. ప్ర‌జ‌ల దృష్టిని అటునుంచి మ‌ర‌ల్చ‌డానికే ఈ కొత్త జిల్లాల య‌వ్వారం తెర‌మీద‌కు తీసుకొచ్చార‌ని అంటున్నారు. స‌రే.. తెచ్చిందేదో తెచ్చేశారు.. ఇక‌, ఆ జిల్లాల పేర్ల‌తో జ‌గ‌నన్న జ‌బ‌ర్ద‌స్త్ పొలిటిక‌ల్ గేమ్ ఆడుతున్నారని అంటున్నారు.
టీఆర్ఎస్ పార్టీ ఏర్పడి 20 ఏండ్లు దాటింది. తెలంగాణ రాష్ట్రం సాకార‌మై ఏడేండ్లు గ‌డుస్తోంది. తెలంగాణ‌లో త‌మ‌దే తిరుగులేని పార్టీగా చెప్పుకునే కేసీఆర్‌.. స్వ‌రాష్ట్రం వ‌చ్చాక‌ ఇంత‌వ‌ర‌కూ టీఆర్ఎస్‌ జిల్లా అధ్య‌క్షుల‌ను నియ‌మించింది లేదు. రాష్ట్ర కార్య‌వ‌ర్గ‌మే కానీ.. కాంగ్రెస్‌లో మాదిరి జిల్లాల స్థాయిలో బ‌ల‌మైన వ్య‌వ‌స్థ మాత్రం లేదు. జిల్లా అధ్య‌క్షులు అవ‌స‌ర‌మేలేద‌ని గ‌తంలో ఓ సంద‌ర్భంలో కేసీఆర్ అన్నారు కూడా. అలాంటిది.. ఇప్పుడు స‌డెన్‌గా 33 జిల్లాల‌కు టీఆర్ఎస్ అధ్య‌క్షుల‌ను నియ‌మించ‌డం ఆస‌క్తిక‌రంగా మారింది. అదికూడా రిప‌బ్లిక్ డే రోజున‌.. అంత సీక్రెట్‌గా ఆ లిస్ట్ రిలీజ్ చేయాల్సిన అవ‌స‌రం ఏమొచ్చింద‌నేది మ‌రో అనుమానం.
పుష్ప ఫీవ‌ర్ ఇప్పుడు అంద‌రినీ వెంటాడుతోంది. పుష్ప మేన‌రిజం, స్టెప్పులకు అంతా ఫిదా అయిపోయారు. క్రికెట‌ర్ల‌కూ ఆ ఫీవ‌ర్ ప‌ట్టుకుంది. విదేశీ ఆట‌గాళ్లు సైతం పుష్ప‌ను ఫాలో అవుతుండ‌టం ఆస‌క్తిక‌రం. 
దేశ రాజధాని ఢిల్లీలో 73వ గణతంత్ర వేడుకలు ఘ‌నంగా జ‌రిగాయి. దేశ ప్రథమ పౌరుడు, రాష్ట్రపతి రామ్‌నాథ్‌ కోవింద్‌, ప్రధానమంత్రి నరేంద్రమోదీ జాతీయ ప‌తాకానికి వందనం చేసి వేడుకలు ప్రారంభించారు. విశిష్ట సేవలందించిన వారికి రాష్ట్రపతి పురస్కారాలు ప్రదానం చేశారు. 
కొవాగ్జిన్ తయారీ సంస్థ‌ భారత్ బయోటెక్‌కు సీఎండీ కృష్ణ ఎల్లా, జేఎండీ సుచిత్ర ఎల్లా. ఔషధ రంగంలో విశేష కృషి చేసిన వారిద్దరినీ సంయుక్తంగా పద్మవిభూషణ్ వరించింది. కేంద్ర ప్రభుత్వం పద్మ విభూషణ్ ప్రకటించడంతో వారిద్దరి కృషికి ప్రశంసలు దక్కినట్లయింది.
అయ్యేది కాదు.. పొయ్యేది కాదు, అయినా ఆంధ్రప్రదేశ్ ప్రభుత్వం తేనే తుట్టెను కదిల్చింది. ఇప్పటికిప్పుడు కొత్త జిల్లాలను ఏర్పాటు చేయకపొతే కొంపలేవో మునిగి పోతునట్లు, ప్రస్తుతమున్న 13 జిల్లాలను 26 జిల్లాలుగా విభజించేందుకు రాష్ట్ర మంత్రివర్గం ఆగమేఘాల మీద  ‘ఆన్లైన్’ లో ఆమోదం తెలిపింది. అయితే, ఇది అయ్యేది కాదు. ఎందుకంటే, కేంద్ర ప్రభుత్వం దేశవ్యాప్తంగా జనాభా గణనకు 2020 జనవరిలో నోటిఫికేషన్‌ జారీ చేసింది. జనాభా లెక్కల ప్రక్రియ ముగిసే వరకు గ్రామాలు, పట్టణాల భౌగోళిక సరిహద్దులు మార్చకూడదంటూ ఫ్రీజింగ్‌ (నిషేధ) ఉత్తర్వులు ఇచ్చింది. కేంద్రం జరీ చేసినప్రీజింగ్ ఉత్తర్వుల మేరకు రాష్ట్ర రెవెన్యూ శాఖ కూడా ‘ఫ్రీజింగ్’ మోమో జారీ చేసింది. దీంతోనే జిల్లాల ఏర్పాటు ప్రక్రి య అధికారికంగా నిలిచిపోయింది. 
ద‌ర్శ‌నం మొగుల‌య్య. ఇక నుంచి ప‌ద్మ‌శ్రీ మొగుల‌య్య‌. ఈ కిన్నెర క‌ళాకారుడికి దేశ అత్యున్న‌త పుర‌ష్కారాల్లో ఒక్క‌టైన ప‌ద్మ‌శ్రీ వ‌రించ‌డం తెలుగువారంద‌రికీ, జాన‌ప‌ద క‌ళాకారులంద‌రికీ గర్వ‌కార‌ణం. 12 మెట్ల కిన్నెర‌ను త‌న జీవిత‌మంతా వాయిస్తూ వ‌స్తున్నా.. 52 దేశాల ప్ర‌తినిధుల ముందు ప్ర‌ద‌ర్శ‌న‌ల‌ను ఇచ్చినా రాని గుర్తింపు.. ఒకే ఒక్క పాట‌తో వ‌చ్చింది. ప‌వ‌న్ క‌ల్యాణ్ మూవీ భీమ్లా నాయ‌క్‌లో టైటింగ్ సాంగ్‌ను త‌న‌దైన స్టైట్‌లో పాడి.. ఓవ‌ర్‌నైట్ అంత‌కుముందు వ‌ర‌కూ రాని పాపులారిటీ సొంతం చేసుకున్నారు. "సెభాష్‌.. ఆడాగాదు.. ఈడాగాదు.. అమీరోళ్ల మేడాగాదు.. గుర్రం నీళ్లా గుట్టా కాదు.. బెమ్మాజెముడు చెట్టున్నాది" అంటూ సెన్షేష‌న‌ల్ సాంగ్ పాడి అంద‌రికీ సుప‌రిచితులుగా మారారు మొగుల‌య్య‌. ఆ మొగుల‌య్య‌కు ఇప్పుడు భారత ప్ర‌భుత్వం ప‌ద్మ‌శ్రీ పురష్కారం అందించి ఆయ‌న్ను మ‌రింత గౌర‌వించ‌డం విశేషం.
గ‌ణ‌తంత్ర దినోత్స‌వ వేళ ప‌ద్మ పుర‌ష్కారాలు ప్ర‌క‌టించింది కేంద్రం. నలుగురికి పద్మవిభూషణ్‌, 17 మందికి పద్మభూషణ్‌, 107 మందికి పద్మశ్రీ పురస్కారాలు ప్రకటించింది. 
ఎన్నికల వేళ, ఉత్తర ప్రదేశ్’లో కాంగ్రెస్ పార్టీకి మరో ఎదురుదెబ్బ తగిలింది. మూడున్నర దశాబ్దాలకు పైగా  కాంగ్రెస్ పార్టీతో కలిసి ప్రయాణం చేసిన, కేంద్ర మాజీ మంత్రి ఆర్పీ సింగ్ పార్టీకి రాజీనామా చేశారు. బీజేపీ తీర్థం పుచ్చుకున్నారు. కాంగ్రెస్ పార్టీ, సింగ్ పేరును స్టార్ క్యాంపెయినర్ జాబితాలో చేర్చిన కొద్ది గంటల్లోనే ఆయన పార్టీకి రాజీనామా చేశారు. కాంగ్రెస్ పార్టీకి ఇక భవిష్యత్ లేదని, ముందున్న కాంగ్రెస్ పార్టీకి ఇప్పటి కాంగ్రెస్’కు పొంతనే లేదని అందుకే కాంగ్రెస్ పార్టీని వదిలినట్లు చెప్పారు. ఆయన తమ రాజీనామా లేఖను పార్టీ అధ్యక్షురాలు  సోనియాగాంధీకి పంపించారు. ఈ విషయాన్ని ఆయనే స్వయంగా తన ట్విటర్ ద్వారా వెల్లడించారు. భారత గణతంత్ర దినోత్సవం జరుపుకుంటున్న వేళ తన రాజకీయ ప్రయాణం కొత్త మలుపు తీసుకుందని, ఇక్కడి నుంచి కొత్త ప్రస్థానం సాగుతుందని  సింగ్ ట్విట్ చేశారు. ఎన్నికల సమయంలో ఆర్పీఎన్ సింగ్ పార్టీని వీడడం కాంగ్రెస్ పార్టీకి గట్టి దెబ్బేనని రాజకీయ విశ్లేషకులు అభిప్రాయపడుతున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.