అర్జెంటుగా అధ్య‌క్షులు ఎందుకు? కేసీఆర్‌లో భ‌యం జొచ్చిందా?

Publish Date:Jan 26, 2022

Advertisement

టీఆర్ఎస్ పార్టీ ఏర్పడి 20 ఏండ్లు దాటింది. తెలంగాణ రాష్ట్రం సాకార‌మై ఏడేండ్లు గ‌డుస్తోంది. తెలంగాణ‌లో త‌మ‌దే తిరుగులేని పార్టీగా చెప్పుకునే కేసీఆర్‌.. స్వ‌రాష్ట్రం వ‌చ్చాక‌ ఇంత‌వ‌ర‌కూ టీఆర్ఎస్‌ జిల్లా అధ్య‌క్షుల‌ను నియ‌మించింది లేదు. రాష్ట్ర కార్య‌వ‌ర్గ‌మే కానీ.. కాంగ్రెస్‌లో మాదిరి జిల్లాల స్థాయిలో బ‌ల‌మైన వ్య‌వ‌స్థ మాత్రం లేదు. జిల్లా అధ్య‌క్షులు అవ‌స‌ర‌మేలేద‌ని గ‌తంలో ఓ సంద‌ర్భంలో కేసీఆర్ అన్నారు కూడా. అలాంటిది.. ఇప్పుడు స‌డెన్‌గా 33 జిల్లాల‌కు టీఆర్ఎస్ అధ్య‌క్షుల‌ను నియ‌మించ‌డం ఆస‌క్తిక‌రంగా మారింది. అదికూడా రిప‌బ్లిక్ డే రోజున‌.. అంత సీక్రెట్‌గా ఆ లిస్ట్ రిలీజ్ చేయాల్సిన అవ‌స‌రం ఏమొచ్చింద‌నేది మ‌రో అనుమానం.

ఓవైపు కాంగ్రెస్, బీజేపీలు ప్ర‌గ‌తిభ‌వ‌న్‌పై దండయాత్ర చేస్తున్నాయి. రేవంత్‌రెడ్డి కేసీఆర్‌పై రంకెలేస్తున్నారు. బండి సంజ‌య్ గేరు మార్చి ఫుల్ రేజింగ్‌లో ఉన్నారు. స్టేట్ లెవెల్‌లో వీరిద్ద‌రూ కొట్లాడుతుంటే.. క్షేత్ర స్థాయిలో ఆయా పార్టీల కేడ‌ర్ దూకుడుగా ధ‌ర్నాలు, నిర‌స‌న‌లు చేస్తున్నాయి. అయితే, ప్ర‌తిప‌క్షాల దాడిని కాచుకోవ‌డంలో గులాబీ కేడ‌ర్ పూర్తిగా విఫ‌లం అవుతోంద‌నే చెప్పాలి. కేసీఆర్ ఒక్క‌డే ప్ర‌గ‌తిభ‌వ‌న్‌లోనో, తెలంగాణ భ‌వ‌న్‌లోనో ప్రెస్‌మీట్లు పెట్టి ఫైర్ అవుతున్నారు గానీ, జిల్లాల స్థాయిలో ఇటు ప్ర‌భుత్వం, అటు పార్టీ ప‌రంగా బ‌ల‌మైన వాయిస్ వినిపించే వారు క‌రువ‌వుతున్నారు. వ‌రిపై కేంద్రంతో యుద్ధాన్ని ప్ర‌క‌టించిన కేసీఆర్‌.. తానొక్క‌డే ఫైట్ చేస్తున్నారు కానీ, ఆయ‌న త‌ర‌ఫున ప్ర‌జ‌ల్లో అవేర్‌నెస్ క్రియేట్ చేసేందుకు గానీ, రైతుల‌ను జ‌త‌క‌ట్టి కేంద్రం, బీజేపీపై ఎదురుదాడి చేసేందుకు గానీ, కాంగ్రెస్ విమ‌ర్శ‌ల‌కు ధీటుగా బ‌దులిచ్చేందుకు గానీ.. గులాబీ కేడ‌ర్ ముందుకు రావ‌డం లేదు. ఆ.. మాకెందుకులే.. అంతా కేసీఆరే చూసుకుంటారులే.. అనే ఉదాసీన‌త టీఆర్ఎస్ శ్రేణుల్లో క‌నిపిస్తోంది. జిల్లా స్థాయిలో ప‌టిష్ట‌మైన పార్టీ నెట్‌వ‌ర్క్ లేక‌పోవ‌డం.. ఎవ‌రికీ జిల్లా బాధ్య‌త‌లు అప్ప‌గించ‌క‌పోవ‌డ‌మే అందుకు కార‌ణ‌మ‌ని కేసీఆర్ చాలా ఆల‌స్యంగా గుర్తించినట్టున్నారు.

మ‌రో వాద‌నా వినిపిస్తోంది. సీఎం కేసీఆర్ త్వ‌ర‌లోనే ముంద‌స్తు ఎన్నిక‌ల‌కు వెళ‌తారంటూ గ‌త కొంత‌కాలంగా ప్ర‌చారం జ‌రుగుతోంది. తాజా ప‌రిణామం అందుకు మ‌రింత బ‌లం చేకూర్చుతోంది. జిల్లా అధ్య‌క్షుల‌ను ప్ర‌క‌టించి.. క్షేత్ర స్థాయిలో పార్టీని ప‌టిష్టం చేసి.. అంతా ఓకే అనుకున్నాక‌.. ప్ర‌తిప‌క్షాల‌కు ఛాన్స్ ఇవ్వ‌కుండా.. స‌డెన్‌గా ప్ర‌భుత్వాన్ని ర‌ద్దు చేసి గ‌తంలో మాదిరి ముంద‌స్తు ఎన్నిక‌ల‌కు వెళ్లాల‌నేది కేసీఆర్ వ్యూహం అని కొంద‌రు విశ్లేషిస్తున్నారు. లాస్ట్ ట‌ర్మ్ ఎల‌క్ష‌న్స్‌లో కాస్త ఫీల్ గుడ్ ఎన్విరాన్‌మెంట్ ఉంది కాబ‌ట్టి స‌రిపోయింది. ఈసారి ప‌రిస్థితి దారుణంగా ఉంది. కేసీఆర్ పాల‌న‌పై ప్ర‌జ‌ల్లో తీవ్ర వ్య‌తిరేక‌త నెల‌కొంది. అన్నివ‌ర్గాల ప్ర‌జ‌లు ఆయ‌న‌పై ఆగ్ర‌హంతో ర‌గిలిపోతున్నారు. వ‌రి వేస్తే ఉరి అన్నందుకు రైతులు.. ఉద్యోగాలు లేనందుకు నిరుద్యోగులు.. కొత్త పింఛ‌న్లు, రేష‌న్ కార్డులు లేక పేద‌, మ‌ధ్య‌త‌ర‌గ‌తి వ‌ర్గాలు.. ద‌ళిత బంధు అంద‌రికీ ఇవ్వ‌క ద‌ళితులు.. గొర్రెల పంపిణీ లేక యాద‌వులు.. ఇలా దాదాపు అన్ని వ‌ర్గాల ప్ర‌జ‌లు కేసీఆర్ పాల‌న‌పై తీవ్ర అసంతృప్తితో ఉన్నారు. అదే స‌మ‌యంలో.. దూకుడు మీదున్న కాంగ్రెస్‌, బీజేపీల వైపు ఆశ‌గా చూస్తున్నారు. 

స‌ర్వేల‌తో ఆ విష‌యం గుర్తించిన కేసీఆర్‌.. పార్టీ యంత్రాంగంతో ప్ర‌భుత్వ అనుకూల ప్ర‌చారం చేయించి.. ప్ర‌జావ్య‌తిరేక‌తను త‌గ్గించుకోవాల‌ని చూస్తున్నారు. ప్ర‌జ‌లు రేవంత్‌రెడ్డి వైపో, బండి సంజ‌య్ వైపో చూడ‌కుండా.. నిత్యం కాంట్ర‌వ‌ర్సీల‌తో పొలిటిక‌ల్ అటెన్ష‌న్ త‌న‌వైపున‌కే తిప్పుకుంటున్నారు. విప‌క్షాల‌కు క‌ట్ట‌డి చేసి.. ధీటుగా ప్ర‌తివిమ‌ర్శ‌లు చేసేందుకే.. ఏడేళ్లుగా లేని జిల్లా పార్టీ అధ్య‌క్ష ప‌ద‌వుల‌ను హ‌డావుడిగా ప్ర‌క‌టించార‌ని అంటున్నారు. 

తెలంగాణలోని 33 జిల్లాలకు టీఆర్ఎస్‌ అధ్యక్షులను సీఎం కేసీఆర్ ప్రకటించారు. 19 మంది ఎమ్మెల్యేలకు.. ముగ్గురు ఎంపీలకు.. అలాగే ముగ్గురు జడ్పీ చైర్మన్లకు, ఇద్దరు ఎమ్మెల్సీలకు జిల్లా అధ్యక్ష పదవులు లభించాయి. ఇందులోనూ జ‌న‌గామ‌, ఖ‌మ్మం, ములుగు లాంటి జిల్లాల్లో సిట్టింగ్ ఎమ్మెల్యేల‌కు, ఆశావ‌హుల‌కు షాకులు త‌ప్ప‌లేదు. 

By
en-us Political News

  
ఆంధ్రప్రదేశ్ లో కొత్త జిల్లాల చిచ్చు ఇంకా చల్లారలేదు. తాజాగా కోనసీమ జిల్లా పేరును బీఆర్ ఆంబేడ్కర్ కోససీమ జిల్లాగా మారుస్తూ ప్రభుత్వం తీసుకున్న నిర్ణయం ఈ చిచ్చుకు అజ్యం పోసింది. కోనసీమ జిల్లా పేరు మార్పును వ్యతిరేకిస్తూ జిల్లా వ్యాప్తంగా ఆందోళనలు జరుగుతున్నాయి. జగన్ సర్కార్ రాష్ట్రంలో గతంలో ఉన్న 13 జిల్లాలను 26 జిల్లాలకు పెంచిన సంగతి తెలిసిందే.. ఉగాది నుంచి కొత్త జిల్లాల్లో పాలన ప్రారంభమైంది. అయితే కోనసీమ జిల్లాకు అంబేద్కర్ పేరు పెట్టాలని ప్రభుత్వానికి వినతులు అందాయి.. దీంతో సానుకూలంగా స్పందించి పేరు మారుస్తూ నిర్ణయం తీసుకుంది.
పూర్వ వైభవమే లక్ష్యంగా కాంగ్రెస్ పార్టీ ఇటీవల రాజస్థాన్‌లోని ఉదయ్‌పూర్‌లో మూడు రోజుల పాటు ‘చింతన్‌ శిబిర్ర్‌’ నిర్వహించింది. సుమారు 400 మందికి పైగా ప్రతినిధులు పాల్గొన్న ఈ శిబిరంలో పార్టీ అధ్యక్షురాలు సోనియా గాంధీ, మాజీ అధ్యక్షుడు రాహుల్ గాంధీ, పార్టీ భవిష్యత్ ప్రణాళికపై దిశానిర్దేశం చేశారు. తీర్మానాలు చేశారు.ఒక విధంగా చూస్తే కాంగ్రెస్ పార్టీలో చాలా కాలం తర్వాత ఒక కదలిక వచ్చిందనే అభిప్రాయం ఏర్పడింది. అయితే, చివరాఖరుకు, అలాంటి పాజిటివ్ వైబ్స్ ఏమీ కనిపించలేదనే విశ్లేషణలు వినిపించాయి.
రాష్ట్ర వ్యాప్తంగా పెను సంచలనం సృష్టించిన మాజీ మంత్రి, ఏపీ సీఎం జగన్ సొంత బాబాయ్ హత్య కేసు విచారణలో సీబీఐ చేతులెత్తేసిందా? కోర్టుకు ఆ దర్యాప్తు సంస్థ చెప్పిన విషయం వింటే ఔననే అని పించక మానదు. వైఎస్ వివేకా హత్య కేసు దర్యాప్తు ఎప్పటికి పూర్తవుతుందో చెప్పలేమని సీబీఐ కోర్టుకు విస్పష్టంగా చెప్పేసింది.
ఆంధ్ర ప్రదేదేశ్ ముఖ్యమంత్రి జగన్మోహన్ రెడ్డి దావోస్‌లో జరిగే వరల్డ్ ఎకనమిక్ ఫోరం సదస్సుకు బయలు దేరారు.. అయన కంటే ముందే తెలంగాణ ఐటీ పరిశ్రమల శాఖ మంత్రి కేటీఆర్ వయా యూకే, దావోస్’ కు పయనమయ్యారు. అయితే, ఉభయ తెలుగు రాష్ట్రాలకు చెందిన ఈ ఇద్దరు ముఖ్యనేతలు విదేశీ గడ్డమీద కలవడం యాదృచ్చికమా,లేక వ్యుహత్మకమా? జగన్ రెడ్డి, కేటీఆర్ ముందుగా అనుకునే దావోస్ ఎకనమిక్ ఫోరం వేదికను రాజకీయ చర్చలు, సంప్రదింపులకు వేదిక చేసుకున్నారా? అంటే, అదే నిజమని అంటున్నారు, రెండు పార్టీల లోగుట్టు తెలిసిన రాజకీయ విశ్లేషకులు.
అవి రైతు భరోసా కేంద్రాలు కావు రైతు దగా కేంద్రాలు అన్న విమర్శలు తొలి నుంచీ ఉన్నా వైసీపీ ఎంపీ పిల్లి సుభాష్ చంద్రబోస్ ధాన్యం రైతులు తీవ్ర దోపిడీకి గురవుతున్నారని తన వద్ద ఖచ్చితమైన ఆధారాలు ఉన్నాయని.. సీఐడీ విచారణ చేయించాలన్న సంచలన వ్యాఖ్యలతో తేనెతుట్టె మరోసారి కాదిలింది. పిల్లి సుభాష్ చంద్రబోస్ కోససీమలో రైతులు దోపిడీకి గురౌతున్నారనే అన్నారు. కానీ రాష్ట్ర వ్యాప్తంగా ఇదే పరిస్థతి నెలకొందంటూ మరో వైసీపీ ఎంపీ రఘురామకృష్ణం రాజు ఆరోపించారు. రాష్ట్రంలో రైతుల దోపిడీ అన్న పిల్లి సుభాష్ చంద్రబోస్ మాటలు అక్షర సత్యాలని తెలుగుదేశం సీనియర్ నేత సోమిరెడ్డి చంద్రమోహన్ రెడ్డి అన్నారు.
తమిళనాడు ముఖ్యమంత్రి స్టాలిన్ ను చంపేస్తామంటూ వచ్చిన బెదరింపు కాల్ పోలీసులను ఉరుకులు పరుగులు పెట్టించింది. ఆయన నివాసం వద్ద బాంబులు పెట్టామంటూ ఓ అజ్ణాత వ్యక్తి చేసిన ఫోన్ కాల్ తో పోలీసులకు చెమట్లు పట్టాయి. బాంబు స్క్వాడ్ తో ముఖ్యమంత్రి నివాసం, ఆయన కార్యాలయంలో క్షుణ్ణంగా తనిఖీలు నిర్వహించిన పోలీసులు చివరికి అది ఫేక్ కాల్ అని నిర్ధారించుకుని ఊపిరి పీల్చుకున్నారు.
కరోనా ముప్పు ఇంకా పొంచే ఉంది. మూడు వేవ్ లలో లక్షల మంది ప్రాణాలను హరించేసిన ఈ మహమ్మారి కొత్త కొత్త వేరియంట్లతో మానవాళిపై దాడి చేయడానికి సిద్ధంగా ఉంది. ఈ నేపథ్యంలోనే దేశంలోనే తొలి సారిగా ఒమిక్రాన్ వేరియంట్ బీఏ 4 కేసు తెలంగాణ రాష్ట్ర రాజధాని నగరం హైదరాబాద్ లో నమోదు అయ్యింది. దీంతో కరోనా ప్రొటోకాల్ పాటించాల్సిన అనివార్యత మరోసారి తెరమీదకు వచ్చింది.
తెలంగాణ ముఖ్యమంత్రి కేసీఆర్ ‘రాజకీయం’ ఎవరికి ఒక పట్టాన అర్థం కాదు. ఆయన ఎప్పుడు ఏ అడుగు ఎందుకు వేస్తున్నారో, అయన సన్నిహితులకే కాదు, కొన్ని కొన్ని సందర్భాలలో ఆయనకు కూడా అర్థం కాదు. అందుకే అనేక సందర్భాలలో అయన నాలుక కరుచుకోవడం జరుగుతుందని అంటారు. అయితే, ఒకటి మాత్రం నిజం, ఆయన ఇంచుమించుగా ఓ పక్షం రోజులకు పైగా, ఫార్మ్ హౌస్’కే పరిమితం అయినా, ఇప్పుడు మరో పక్షం రోజులు ‘జాతీయ’ పర్యటనకు బయలుదేరి వెళుతున్నా అందుకు జాతీయ రాజకీయాల్లో నిలదొక్కుకునేందుకు చేస్తున్న ప్రయత్నంగానే భావించవలసి ఉంటుందని, రాజకీయ పరిశీలకులు భావిస్తున్నారు.
ఏపీ ముఖ్యమంత్రి జగన్ శుక్రవారం విదేశీ పర్యటనకు బయలు దేరి వెళుతుతున్నారు. దావోస్ లో జరిగే వరల్డ్ ఎకనామిక్ ఫోరం సదస్సులో హాజరయ్యేందుకే విదేశీ పర్యటనకు వెళుతున్నారు. మొత్తం పది రోజుల పాటు ఆయన పర్యటన సాగనుంది. ఈ పర్యటన కోసం ఇప్పటికే జగన్ నాంపల్లి సీబీఐ కోర్టు అనుమతి కూడా తీసుకున్నారు.
ఆంధ్రప్రదేశ్ పర్యాటక శాఖ మంత్రిగా ఆర్కే రోజా బాధ్యతలు చేపట్టిన తర్వాత రోజా జెట్ స్పీడ్ లో దూసుకుపోతున్నారు.ప మంత్రి పదవి చేపట్టగానే.. విశాఖ శారదాపీఠాధిపతి స్వామి సర్వూపనందేంద్ర స్వామి ని దర్శించుకున్నారు. వైఎస్సార్ కాంగ్రెస్ పార్టీ గౌరవాధ్యక్షురాలు విజయమ్మను హైదరాబాద్‌లోని లోటస్ పాండ్‌లో కలిసి.. ఆశీర్వాదం తీసుకున్నారు. అయితే పార్టీ వర్గాల కథనం మాత్రం రోజాకు కేబినెట్ బెర్త్ అంత సులువుగా దక్కలేదు.
వైసీపీ ఎమ్మెల్సీ వద్ద గతంలో కారు డ్రైవర్ గా పని చేసిన సుబ్రహ్మణ్యం అనుమానాస్పద స్థితిలో మరణించాడు. వైసీపీ ఎమ్మెల్సీ అనంత బాబు వద్ద కారు డ్రైవర్ గా పని చేసిన సుబ్రహ్మణ్యం రోడ్డు ప్రమాదంలో మరణించాడంటూ అతడి మృతదేహాన్ని తన కారులో బంధువల వద్దకు తీసుకువచ్చారు.
కేసీఆర్ జాతీయ రాజకీయాలలో ప్రవేశం దిశగా దూకుడు పెంచారు. ఇందులో భాగంగా ఆయన శుక్రవారం నుంజీ దేశ వ్యాప్త పర్యటన చేపట్టనున్నారు. ఈ పర్యటనలో భాగంగా ఆయన పలు రాజకీయ సామాజిక కార్యక్రమాల్లో పాల్గొంటారు. అలాగే రాజకీయ, అర్థిక, మీడియా రంగాలకు చెందిన ప్రముఖులతో సమావేశం అవుతారు. దేశం కోసం ప్రాణాలర్పించిన అమర సైనిక కుటుంబాలకు, వ్యవసాయ చట్టాలకు వ్యతిరేకంగా కేంద్రాన్ని నిగ్గదీసి సంచలనం సృష్టించిన రైతు ఉద్యమంలో అసువులు బాసిన రైతుల కుటుంబాలను పరామర్శిస్తారు.
ఎలాగైనా సరే ప్రజల్లోకి వెళ్లి తమ ప్రభుత్వ సంక్షేమ పథకాల ‘సత్ఫలితా’లను వారికి వివరించాలని జగన్ డిస్పరేట్ గా ప్రయత్నాలు చేస్తున్నారు. ఇందు కోసం వైసీపీ అధినేత గడప గడపకూ అంటూ ప్రజాప్రతినిథులను జనంలోకి వెళ్లమని విస్పష్ట ఆదేశాలు జారీ చేసినా వారు ఖాతరు చేయకపోవడం.. వెళ్లిన కొద్ది మందీ కూడా ప్రజాగ్రహ జ్వాలలకు జడిసి కార్యక్రమాన్ని ‘మమ’ అనిపిస్తూ చాప చుట్టేయడంతో ఆ కార్యక్రమం అట్టర్ ఫ్లాప్ అయ్యింది. దీంతో ఇలా లాభం లేదనుకున్నారో ఏమో.. ఇప్పుడు సామాజిక న్యాయ యాత్ర అంటూ మంత్రుల బస్సు యాత్రకు నిర్ణయం తీసుకున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.