కాళేశ్వరంపై కేంద్రం ఆరోపణాస్త్రాలు దేనికి సంకేతం

Publish Date:Aug 19, 2022

Advertisement

తెలంగాణ సర్కార్ అత్యంత ప్రతిష్ఘాత్మకంగా, రాష్ట్రానికే తలమానికంగా అభివర్ణించిన వాయు వేగంతో పూర్తి చేసిన కాళేశ్వరం ప్రాజెక్టుపై ఇప్పుడు వివాదాల ముసురు కమ్ముకుంటోంది. ఇటీవలి భారీ వరదల్లో ఆ ప్రాజెక్టు పంప్ హౌజ్ లు మునిగిపోవడమే ఇందుకు కారణంగా చెప్పాలి.

అయితే కనీవినీ ఎరుగని రీతిలో సంభవించిన భారీ వరదల వల్లే ఈ పరిస్థితి ఏర్పడిందని తెరాస సర్కార్ చెబుతున్నప్పటికీ విపక్షాల నుంచి మాత్రం కమిషన్ల కక్కూర్తి కారణంగానే ఈ పరిస్థితి తలెత్తిందని అంటున్నారు. కాళేశ్వరం ప్రాజెక్టు కేసీఆర్ కు ఏటీఎంగా మారిందని అంటున్నారు.  డిజైన్ మార్పు పేరుతో ప్రాజెక్టు నిర్మాణ వ్యయాన్ని విపరీతంగా పెంచేసి అంతులేని అవినీతికి పాల్పడడం వల్లనే కాళేశ్వరం ప్రాజెక్టు ఈ దుస్థితికి చేరుకుందని కాంగ్రెస్, బీజేపీలు విమర్శిస్తున్నాయి. అయితే ఇప్పటి వరకూ కాళేశ్వరం ప్రాజెక్టు విషయంలో వెల్లువెత్తిన విమర్శలన్నీ ఒకెత్తు.. తాజాగా కేంద్ర జలశక్తి మంత్రి షెకావత్ విమర్శలు మరో ఎత్తు అని పరిశీలకులు విశ్లేషిస్తున్నారు.

జలశక్తి మంత్రి షెకావత్ కాళేశ్వరం ప్రాజెక్టును దండుగమారి ప్రాజెక్టుగా అభివర్ణించడం, భారీ ఎత్తున అవినీతి జరిగిందనీ, నిర్మాణం నాసిరకంగా ఉందనీ అందుకే ఒక్క వరదకే దాని పని ఎత్తిపోయిందని షెకావత్ విమర్శించారు. స్వయంగా కేంద్ర జలశక్తి మంత్రే కాళేశ్వరం ప్రాజెక్టు నిర్మాణం నాసిరకమని, భారీ ఎత్తున అవినీతి జరిగిందనీ ఆరోపించడంతో.. ఇక ఈ ప్రాజెక్టుపై కేంద్రం విచారణకు ఉపక్రమించే అవకాశాలు మెండుగా ఉన్నాయి. టీఆర్ఎస్, మంత్రి హరీష్ రావు ఎంత తీవ్రంగా షెకావత్ ఆరోపణలను ఖండించినా.. షెకావత్ విమర్శల సీరియస్ నెస్ ఇసుమంతైనా తగ్గలేదు.

చాలా కాలంగా కేసీఆర్ కుటుంబ అవినీతిపై ఆరోపణలకు గుప్పిస్తూ.. ఆయన జైలుకు వెళ్లడం ఖాయమంటూ చెబుతూ వస్తున్న బీజేపీ రాష్ట్ర అధ్యక్షుడు బండి సంజయ్ తన ఆరోపణలకు ఇప్పుడు మరింత పదును పెట్టే అవకాశం ఉంది. అలాగే టీఆర్ఎస్ కాళేశ్వరం ప్రాజెక్టు నిర్మాణానికి అనుమతులు, అప్పులు ఇచ్చిన కేంద్రం ఇప్పుడు రాజకీయ కారణాలతో విమర్శల బురద జల్లుతోందని మంత్రి హరీష్ రావు విమర్శించారు. ఇప్పుడు బురద జల్లుతున్న కేంద్రమే.. గతంలో పలు సందర్భాలలో కాళేశ్వరం ప్రాజెక్టును పొగడ్తలతో ముంచెత్తిన విషయాన్ని ఆయన గుర్తు చేస్తున్నారు. ఇప్పుడు కాళేశ్వరం అవినీతిపై షెకావత్ విమర్శల తరువాత ఈ విషయంలో కేంద్రం వెనక్కు తగ్గే అవకాశాలు ఇంకెంత మాత్రమూ లేవని అంటున్నారు.

తన ఆరోపణలను జస్టిఫై చేసుకోవడానికైనా కాళేశ్వరంపై దర్యాప్తునకు కేంద్రం ఆదేశించక తప్పని పరిస్థితులు నెలకొని ఉన్నాయి. కాళేశ్వరం ప్రాజెక్టులోని లోపాలు, నాసిరకం నిర్మాణం కారణంగా ప్రాజెక్టుకు వాటిల్లిన నష్టం, నిరర్ధక వ్యయం తదితర అంశాలపై కేంద్రం త్వరలోనే ఒక ప్రకటన చేసే అవకాశం ఉందని పరిశీలకులు అంటున్నారు.అలాగే ప్రాజెక్టులో చోటు చేసుకున్న అవినీతి ఆరోపణలకు జస్టిఫికేషన్ కోసం ఈడీ దాడులు జరిగే అవకాశాలను కూడా కొట్టి పారేయలేమని అంటున్నారు.
 

By
en-us Political News

  
తాను అసెంబ్లీకి పోటీ చేస్తున్న పిఠాపురం నియోజకవర్గం నుంచే పవన్ తన వారాహి విజయభేరి ప్రచార పర్వానికి శ్రీకారం చుట్టనున్నారు.
లోక్ సభ ఎన్నికలకు సమయం దగ్గరపడుతున్న తరుణంలో ప్రధాన పార్టీలు అభ్యర్థుల వేటలో తలమునకలై ఉన్నాయి. ఇప్పటికే పలు స్థానాలకు అభ్యర్థులను ప్రకటించేసిన ప్రధాన పార్టీలు కాంగ్రెస్, బబీజేపీ, బీఆర్ఎస్ లు ఇప్పుడు ఆ ప్రకటించిన అభ్యర్థుల విషయంలో మార్పులు చేర్పులపై మల్లగుల్లాలు పడుతున్నాయి.
మాజీ మంత్రి తాడికొండ రాజయ్య యూటర్న్ తీసుకున్నారు. తెలంగాణ అసెంబ్లీ ఎన్నికలకు ముందు పార్టకి రాజీనామా చేసిన తాడికొండ రాజయ్య తన రాజీనామా లేఖను ఉపసంహరించుకున్నారు.
తెలుగుదేశం పార్టీ అభ్యర్థుల తుది జాబితాను ప్రకటించింది. పెండింగ్‌లో ఉన్న 9 అసెంబ్లీ, 4 పార్లమెంట్ స్థానాలకు అభ్యర్థులను ప్రకటించేసింది. ఇప్పటి వరకూ గంటా పోటీ ఎక్కడ నుంచి అన్న సందిగ్ధతకు తెరదించేసింది.
తెలుగుదేశం పార్టీ ఆవిర్భవించి మార్చి 29కి సరిగ్గా 42 ఏళ్లు. 1982లో ఇదే రోజున ఎన్టీ రామారావు తెలుగుదేశం పార్టీ పేరును ప్రకటించారు. అప్పటి నుండి, టీడీపీ తెలుగు ప్రజలపై చెరగని ముద్ర వేసింది. అంతే కాదు జాతీయ రాజకీయాల్లో కూడా కీలక పాత్ర పోషించింది. పార్టీ చరిత్రలో గత ఏడాది కాలం చాలా కీలకం. ఆంధ్రప్రదేశ్‌లో కక్ష పూరిత రాజకీయాలు పీక్స్ కు చేరడం చూశాం.
భారత రాష్ట్ర సమితి ప్రస్తుత దుస్థితికి ఆ పార్టీ 2018 ఎన్నికలలో (అప్పుడు పార్టీ పేరు టీఆర్ఎస్) ముందస్తుకు వెళ్లడమే కారణమా? అంటే పరిశీలకులు ఔననే అంటున్నారు. పదేళ్ల కిందట ఉమ్మడి ఆంధ్ర ప్రదేశ్ రాష్ట్ర విభజన జరిగింది.
చెట్టు పడిపోతే కోతులు తలో వైపుకు చెదిరిపోతాయి. ఇది చైనా సామెత. ఈదురు గాలులు వీచి చెట్టు పడిపోయే  స్థితిలో కూడా కోతులు చెదిరిపోవడానికి ప్రయత్నిస్థాయి. ఎపిలో త్రికూటమి పోటీతో వైసీపీ చెట్టు కూలిపోవడం ఖాయమని తేలిపోయింది
హైదరాబాద్ బీజేపీ లోక్ సభ అభ్యర్థి మాధవీలతకు సొంత పార్టీ నుంచే మద్దతు కరవైంది. నాలుగు దశాబ్దాలుగా హైదరాబాద్ పార్లమెంటు నియోజకవర్గంలో తిరుగులేని ఆధిక్యత ప్రదర్శిస్తూ, ఆ నియోజకవర్గం నుంచి గెలుస్తూ వస్తున్న ఎంఐఎంకు చెక్ పెట్టాలన్న ఉద్దేశంతో బీజీపీ హై కమాండ్ ఉందన్న సంగతి తెలిసిందే.
రాజ‌కీయాల్లో అత్యంత సౌమ్యుడిగా పేరున్న వైఎస్ వివేకానంద రెడ్డి హ‌త్య‌ వైసీపీ అధినేత‌, సీఎం జ‌గ‌న్మోహ‌న్ రెడ్డికి గత ఎన్నికలలో బాగా క‌లిసొచ్చింది. గ‌త ఎన్నిక‌ల స‌మ‌యంలో దుండ‌గులు వివేకానంద రెడ్డిని గొడ్డ‌లితో అత్యంత దారుణంగా హ‌త్య చేశారు. స‌రిగ్గా ఎన్నిక‌ల స‌మ‌యంలో ఈ ఘ‌ట‌న చోటు చేసుకోవ‌టంతో, వివేకాను హ‌త్య‌చేయించింది అప్ప‌టి సీఎం చంద్ర‌బాబు నాయుడేన‌ని విస్తృతం ప్ర‌చారం చేసింది జ‌గ‌న్ బ్యాచ్.
పోలీసులకు మనం ఏదైనా ఫిర్యాదు ఇస్తే దాన్ని నమోదు చేసుకుంటారు. దాన్ని ఫస్ట్ ఇన్ఫర్మేషన్ రిపోర్ట్ (ఎఫ్‌ఐఆర్) అంటారు. ఇది నేరం ఎక్కడ జరిగితే ఆ ప్రాంతానికి సంబంధించిన పోలీస్ స్టేషన్లో మాత్రమే ఇవ్వాలి. కానీ జీరో ఎఫ్‌ఐఆర్ అంటే నేరం ఎక్కడ జరిగిందన్నదాంతో సంబంధం లేకుండా, దగ్గర్లో లేదా అందుబాటులో లేదా తెలిసిన పోలీస్ స్టేషన్లో ఫిర్యాదు చేయవచ్చు. తరువాత ఆ స్టేషన్ వారే ఆ కేసును సంబంధిత పోలీస్ స్టేషన్‌కి బదిలీ చేస్తారు.
తెలుగువారి ఆత్మగౌరవాన్ని నిలబెట్టడమే లక్ష్యంగా నందమూరి తారకరామారావు స్థాపించిన తెలుగుదేశం పార్టీ ఆవిర్భవించి శుక్రవారం నాటికి (మార్చి 29) సరిగ్గా 42 ఏళ్లు. ఈ 42 ఏళ్లుగా ఎన్ని ఆటుపోట్లు ఎదుర్కొన్నా.. తెలుగువాడి, వేడికి అండగా, దండగా, దక్షతగా నిలిచిన పార్టీ తెలుగుదేశం.
ఫోన్ ట్యాపింగ్ కేసులో మాజీ డీసీసీ రాధాకిషన్ ను పోలీసులు అరెస్టు చేసి కోర్టులో హాజరు పరిచారు. మరో వైపు ఇదే కేసులో టాస్క్ ఫోర్స్, ఎస్ఐబి సిబ్బందిని బంజారాహిల్స్ లో పోలీసులు విచారిస్తున్నారు.
అధికారంలో ఉన్న ప‌దేళ్ల పాటు తెలంగాణ రాజ‌కీయాల‌ను కంటిచూపుతో శాసించిన బీఆర్ ఎస్ అధినేత‌ కేసీఆర్‌.. అధికారం కోల్పోయిన త‌రువాత పార్టీ లీడర్లు, క్యాడ‌ర్ ను కాపాడుకోలేక చతికిల పడిపోతున్నారు. కాంగ్రెస్ అధికారంలోకి వ‌చ్చిన నాటి నుంచి ఒక్కొక్క‌రుగా బీఆర్ ఎస్ పార్టీని వీడుతుండ‌టంతో ఆ పార్టీ శ్రేణుల్లో ఆందోళ‌న వ్య‌క్త‌మ‌వుతోంది. ద్వితీయ శ్రేణి నేత‌ల నుంచి సీనియ‌ర్ల వ‌ర‌కు బీఆర్ ఎస్ కు గుడ్‌బై చెప్పేస్తున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.