బీజేపీ, వైసేపీలది సహజీవనం బంధం!

Publish Date:Jul 6, 2022

Advertisement

ఒక్కప్పుడు ఉమ్మడి ఆంధ్ర ప్రదేశ్ రాష్ట్ర  రాజకీయాలలో కమ్యూనిస్ట్ పార్టీలు కీలక భూమికను పోషించాయి. అయితే, అంతతా గతించిన చరిత్ర. ఈరోజు, ఏపీలోనే కాదు,దేశంలో (ఒక్క కేరళలో మినహా) కమ్యూనిస్ట్ పార్టీలు పూర్వ వైభాన్ని పూర్తిగా కోల్పోయాయి. ఒకప్పుడు వామపక్ష కూటమికి కంచు కోటలుగా నిలిచిన, పశ్చిమ బెంగాల్, త్రిపుర రాష్ట్రాలలోనూ లెఫ్ట్ ఫ్రంట్ అధికారం కోల్పోయింది. ఒక్క కేరళలో మాత్రమే కమ్యూనిస్టులు ఇంకా అధికారంలో ఉన్నారు. 

ఇక ఉభయ తెలుగు రాష్ట్రాల విషయానికి వస్తే, లెఫ్ట్ పార్టీలు పూర్వ వైభవాన్ని ఎప్పుడో  కోల్పోయాయి. అయినా, ఇటు  ఏపీలో అటు తెలంగాణాలో లెఫ్ట్ పార్టీ నేతలు, చింత చచ్చినా పులుపు చావలేదు అన్నట్లుగా, టీవీ చర్చల్లో, ఇతరత్రా  సంచలన వ్యాఖ్యలు చేస్తూ, వార్తల్లో ప్రముఖంగా కనిపిస్తారు. ఇప్పుడు ఏపీలో వైసీపీ-బీజేపీ స్నేహం మరోసారి చర్చనీయాంశమైన నేపధ్యంలో సిపిఐ ఏపీ రాష్ట్ర కార్యదర్శి, రామకృష్ణ ఆ రెండు పార్టీల రిలేషన్ షిప్ పై కొంచెం చాలా ఘాటుగా స్పందించారు, సంచలన వ్యాఖ్యలు చేశారు. నిజమే, బీజేపీ, వైసీపీల మధ్య రాజకీయ సంబంధాలు ఎలా ఉన్నప్పటికీ, కేంద్ర, రాష్ట్ర ప్రభుత్వాల మధ్య సంబంధాలు మాత్రం మూడు ముద్దులు, ఆరు హగ్గులు లెక్కన సీక్రెట్ లవ్ స్టొరీలా సాగిపోతున్నాయి.

కేంద్ర ప్రభుత్వం, ప్రధాని మోడీ, హోం మంత్రి అమిత్ షా ఆశీస్సులతోనే ఏపీ సీఎం జగన్ రెడ్డిని సిబిఐ, ఈడీలు  దత్తపుత్రునిగా చూసుకుంటున్నారని పరిశీలకులు విశ్లేషించడమే కాదు, జనబాహుల్యం సైతం అనుకుంటున్నారు.  అదలా ఉంటే, తాజాగా కేంద్ర రాష్ట్ర ప్రభుత్వాలు, సంయుక్తంగా భీమవరంలో ఏర్పాటు చేసిన  అల్లూరి జయంతి వేడుకల్లో అదే విషయం మరోమారు స్పష్టమైంది. ప్రధాని మోడీ, ముఖ్యమంత్రి జగన్మోహన్ రెడ్డితో పాటుగా, కేంద్ర మాజీ మంత్రి చిరంజీవి, కేంద్ర  మంత్రి కిషన్ రెడ్డి, రాష్ట్ర మంత్రి కేఆర్ రోజా పాల్గొన్న ఈ కార్యక్రమం విప్లవ వీరుని జయంతి వేడుకలా కాకుండా, రెండు పార్టీల మ్యారేజ్ రిసెప్షన్ లా ఉందనే విమర్శలు కూడా వచ్చాయి.

అయితే, ఈ విమర్శలకు సిపిఐ రామకృష్ణ మరింత మసాల కలిపి చేసిన విమర్శ, కొంత వివాదస్పదం అయింది. నిజమే, వైసీపీ-బీజేపీ బంధంపై వైసీపీ ఎంపీ కోటగిరి శ్రీధర్ అందులో దాపరికమేమీ లేదని చేసిన వ్యాఖ్యల ఆధారంగా, సీపీఐ రామకృష్ణ ఘాటుగా స్పందించారు. వైసీపీ-బీజేపీ బంధం పెళ్లి కాకుండా సహజీవనం చేస్తున్నట్లుగా ఉందన్నారు. అలా అని వదిలేస్తే ఎలా ఉండేదో కానీ, ఆయన వైసీపీ-బీజేపీ పొత్తుపై మరో ఆసక్తికర, అనుచిత పోలిక కూడా తెచ్చారు.

వైసీపీ-బీజేపీ బంధం నరేష్-పవిత్ర మాదిరిగా పెళ్లి కాకుండా సహజీవనం చేస్తున్నట్లుగా ఉందన్నారు. మూడు సంవత్సరలుగా బీజేపీ, వైసీపీ రంకు రాజకీయం నడుపుతున్నారని రామకృష్ణ తీవ్ర విమర్శలు చేశారు. దీంతో, బీజేపీ, వైసీపీల బంధం గురిచి, రామకృష్ణ ఎలాంటి వ్యాఖ్యలు చేసినా, ఓకే కానీ, రాజకీయాలతో సంబంధం లేని, నరేష్-పవిత్రలను రాజకీయ రొంపిలోకి లాగడం ఏమిటని, సోషల్ మీడియాలో  నెటిజనులు ప్రశ్నలు సంధిస్తున్నారు.

By
en-us Political News

  
రెండు స్థంభాల‌కు తాడు గ‌ట్టి ఓ పిల్ల క‌ర్ర ఆదారంతో ఆ తాడు మీద న‌డు స్తూ ఒక వేపు నుంచి మ‌రో వేపు న‌డుస్తుంది, గొప్ప ఫీట్. గాల్లో పుల్ల‌ప్స్ చేసే వాడిని చూస్తే ఏకంగా గుండె ఆగిపోతుందేమో!
 విమానాశ్రయాలు, నౌకాశ్రయాల నిర్మా ణానికి కృషి చేశామని,  మనం చేసిన కృషి కారణంగా ఐటి రంగం అభివృద్ధి జరిగిందని, ఇప్పుడు  అదే వెన్నెముకగా మారిందన్నారు.  
కేంద్రం తీరు వల్ల దేశ ఆర్థికాభివృద్ధి కుంటుపడిందని సీఎం కేసీఆర్ వ్యాఖ్యలు చేశారు. కేంద్ర అస‌మ‌ర్ధ నిర్వాకం వ‌ల్ల‌నే దేశ ఆర్ధిక వ్య‌వస్థ కుంటుప‌డింద‌ని కేసీఆర్ విమ‌ర్శించారు
పరిపాలనా వికేంద్రీకరణలో మరో అధ్యాయం జిల్లా ల పెంపు అని తెలి పారు. రైతులకు అండగా వైఎస్సార్‌ రైతు భరోసా తీసుకొచ్చామన్నారు. 52 లక్షల మంది రైతులకు ఏటా రూ.13,500 చొప్పున అందిస్తున్నా మని జగన్‌ వెల్లడించారు.
స్వాతంత్య్రం వచ్చినప్పుడు భారత్ స్వతంత్రంగా మనుగడ సాగించలేదని, ముక్కలు చెక్కలు అవుతుందన్న‌ వారి అభిప్రాయం తప్పని నిరూపించామన్నారు. భారతదేశం ప్రజాస్వామ్యానికి తల్లిలాంటి దన్నారు. భిన్నత్వంలో ఏకత్వం మన బలమని ప్రధాని మోదీ అన్నారు
తిరుమలకు భక్తులు పోటెత్తారు. టీటీడీ భక్తుల రద్దీని అంచనా వేయడంలో ఘోరంగా విఫలమైంది. దీంతో తిరుమల కొండపై భక్తులు నానా ఇక్కట్లూ పడుతున్నారు. శ్రీవారి సర్వదర్శనానికి 48 గంటల సమయం పడుతోందని టీటీడీ చెబుతున్నప్పటికీ భక్తులు మాత్రం ఇంకా ఎక్కువ సమయమే పడుతోందని చెబుతున్నారు.
భారత దేశం 75వ స్వాతంత్ర్య దినోత్సవం జరుపుకుంటున్న శుభవేళ వినూత్న రీతితో ఓ వ్యోమగామి దేశ ప్రజలకు శుభాకాంక్షలు తెలిపారు.
ఈజిప్టులోని ఓ చర్చిలో ఆదివారం సంభవించిన భారీ అగ్నిప్రమాదంలో కనీసం 41 మంది మరణించారు. చర్చిలో అగ్నిప్రమాదం సంభవించిన సమయంలో అక్కడ కనీసం ఐదు వేల మంది ఉన్నారని చెబుతున్నారు.
పాకిస్థాన్ మాజీ ప్రధాని ఇమ్రాన్ ఖాన్ భారత్ పై మళ్లీ ప్రశంసల వర్షం కురిపించారు. భారత్ విదేశాంగ విధానం బ్రహ్మాండమంటూ కితాబిచ్చారు. లాహో్ లో ఆదివారం (ఆగస్టు 14)లాహోర్‌లో ఈ రోజు (ఆదివారం) నిర్వహించిన సభలో ఇమ్రాన్‌ఖాన్‌ అమెరికా ఒత్తిళ్లను లెక్క చేయకుండా, భారత్‌ తక్కువ ధరకు రష్యా నుంచి చమురు కొనుగోలు చేయడాన్ని ఇమ్రాన్‌ఖాన్‌ సమర్థించారు. ఇండియా, పాకిస్థాన్‌లకు ఒకే రోజు స్వాతంత్య్రం లభించినా, న్యూఢిల్లి మాత్రం దేశ ప్రజల అవసరాలకు తగినట్లు విదేశాంగ విధానానికి కట్టుబడి ఉందని, కానీ, పాకిస్థాన్‌లోని షెహ్‌బాజ్‌ షరీఫ్‌ ప్రభుత్వం మాత్రం అందుకు భిన్నంగా వ్యవహరిస్తోందని ఇమ్రాన్‌ఖాన్‌ విమర్శలు గుప్పించారు.
ఉన్న అవకాశాలను కూడా చేజార్చుకోవడం కాంగ్రెస్ కు అలవాటే. ఎట్టి పరిస్థితుల్లోనూ వచ్చే అసెంబ్లీ ఎన్నికలలో తెలంగాణలో అధికారం చేపట్టాలని భావిస్తున్న కాంగ్రెస్ కు నిజంగా మునుగోడు ఉన ఎన్నిక కలిసి వచ్చిన అవకాశమనే చెప్పాలి. అయితే అంతర్గత విభేదాలతో ఆ అవకాశాన్ని చేజార్చుకునే దిశగా కాంగ్రెస్ అడుగులు వేస్తోందా అంటే ఔననే చెప్పాలి. మునుగోడు ఉప ఎన్నిక వాస్తవంగా చెప్పాలంటే టీఆర్ఎస్, బీజేపీల కంటే కాంగ్రెస్ కే కీలకం.
తెలుగు రాష్ట్రాలలో వరద ముప్పు తొలగడం లేదు. గోదావరి మహోగ్ర రూపం దాల్చడంతో సర్వం కోల్పోయిన బాధితులు మరోసారి గోదావరి వరద ముంచుకు వస్తుండటంతో తీవ్ర భయాందోళనలకు గురౌతున్నారు. కేవలం 20 రోజుల కిందట వరద ఉధృతికి కకావికలమైన పోవవరం ముంపు గ్రామాల ప్రజలు మరోసారి భయం గుప్పిట్లో చిక్కుకున్నారు.
మహా రాష్ట్ర ప్రభుత్వం తాజాగా ఫోన్ లో హలో అని కాదు.. వందే మాతరం అనాలని ఆదేశాలు జారీ చేశారు.ప్రభుత్వాధికారులందరూ సోమవారం (ఆగస్టు 15) నుంచి వచ్చే ఏడాది జనవరి 26 వరకూ తమకు ఫోన్ వస్తే హలో అంటూ ఆన్సర్ చేయకూడదనీ, వందే మాతరం అంటూ ఆన్సర్ చేయాలని మహారాష్ట్ర సాంస్కృతిక శాఖ మంత్రి సుధీర్ ముంగతివార్ ఆదేశించారు.
మనం చిన్పప్పుడు పాము నుంచి చిన్నారిని కాపాడిన ముంగీస కథ విన్నాం. అలాగే పుట్టలో వేలు పెడితే కుట్టనా అందట చీమ. అలాగే ఆడుకుంటున్న నన్ను డిస్ట్రబ్ చేస్తే ఊరుకుంటానా అంది టర్కీలోని చిన్నారి. హాయిగా ఆడుకుంటున్న తనను కాటేసిన పామును కసిదీరా కొరికి చంపేసిందా చిన్నారి.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.