గవర్నర్ వ‌ర్సెస్‌ సీఎం.. వేరువేరుగా రిప‌బ్లిక్ డే వేడుకలు.. ఎందుకలా?

Publish Date:Jan 26, 2022

Advertisement

దేశమంతా 73వ గణతంత్ర దినోత్సవాలను జరుపుకుంది. ప్రజలు ప్రముఖులు స్వాతంత్ర సమర యోధులకు, రాజ్యాంగ నిర్మాతలకు, దేశం కోసం ప్రాణత్యాగం చేసిన అమర వీరులకు నివాళులు అర్పించారు. తెలంగాణ రాష్ట్రంలోనూ గణతంత్ర వేడుకలు జరిగాయి.కానీ, ఏదో వెలితి కొట్టొచ్చినట్లు కనిపించింది. 

నిజమే, కొవిడ్ కారణంగా, అంక్షల నడుమ జరిగిన వేడుకల్లో కొంత జోష్ తగ్గింది. అది దేశం అంతటా ఉన్నదే, అయినా పొరుగు రాష్త్రం ఆంధ్ర ప్రదేశ్’ లో రాష్ట్ర ప్రభుత్వం ఆధ్వర్యంలో విజయవాడ ఇందిరాగాంధీ మైదానంలో నిర్వహించిన వేడుకల్లో గవర్నర్‌ బిశ్వభూషణ్‌ హరిచందన్‌, ముఖ్యమంత్రి  జగన్‌, పలువురు ప్రజాప్రతినిధులు పాల్గొన్నారు. ఈ సందర్భంగా గవర్నర్‌ జాతీయపతాకాన్ని ఆవిష్కరించారు. అంతకుముందు పోలీసు దళాల నుంచి ఆయన గౌరవ వందనం స్వీకరించారు. అనంతరం రాష్ట్ర ప్రభుత్వ పథకాలకు సంబంధించిన శకటాల ప్రదర్శన జరిగింది. అలాగే, ఇతర రాష్ట్రాలలోనూ కొవిడ్ నిబంధనలు పాటిస్తూనే, రాజ్యాంగ స్పూర్తి గౌరవించే విధంగా,గణతంత్ర దినోత్సవ గౌరవానికి భంగం కలగని విధంగా వేడుకలను నిర్వహించారు. నిజానికి ఏపీలో కంటే తెలంగాణలో కోవిడ్ కేసులు చాలా తక్కువగా నమోదవుతున్నాయి. తెలంగాణ‌ అధికారులు, నైట్ కర్ఫ్యూ కూడా అవసరం లేదని అంటున్నారు.  

కానీ, తెలంగాణలో రాజ్ భవన్’లో జరిగిన ప్రధాన వేడుకల్లో ముఖ్యమంత్రి కేసీఆర్ కనిపించలేదు. మంత్రులు ఎవరూ హాజరు కాలేదు. ప్రభుత్వ ప్రధాన కార్యదర్శి, సోమేశ్‌కుమార్‌, డీజీపీ మహేందర్‌రెడ్డి, కొద్ది మంది ఉన్నతాధికారులు మాత్రమే పాల్గొన్నారు. జిల్లాలలో కూడా కలెక్టర్ కార్యాలయాలలో ఏదో మొగ్గుబడి తంతుగా గణతంత్ర వేడుకలు నిర్వహించారే కానీ, జాతీయ స్పూర్తిని నింపే విధంగా కార్యక్రమాలు జరగలేదని అధికార వర్గాలో చర్చ జరుగుతోంది. 

నిజమే ముఖ్యమంత్రి రాజ్ భవన్’ లో జరిగిన ప్రధాన కార్యక్రమానికి రాలేదు కానీ, ప్రగతి భవన్’లో త్రివర్ణ పతాకం ఎగరేశారు. జెండా వందనం చేశారు. రాజ్యాంగ నిర్మాత బీఆర్ అంబేద్కర్, జాతిపిత మహత్మా గాంధీ చిత్ర పటాలకు దండం పెట్టారు. అక్కడి నుంచి  సికింద్రాబాద్ పరేడ్ గ్రౌండ్స్‌లో యుద్దవీరులకు నివాళులర్పించారు.  అయితే, ఇలా అలగ్- సలగ్ అన్నట్లుగా గవర్నర్, ముఖ్యమంత్రి వేరు వేరుగా గణతంత్ర వేడుకలలో పాల్గొనడం చర్చ నీయాంసంగా మారింది. 

అదలా ఉంటే, గణతంత్ర దినోత్సవం సందర్భంగా ప్రతి సంవత్సరం రాజ్ భవన్’లో గవర్నర్ ఇచే తేనెటీ విందు కార్యక్రమం, ‘ఎట్ హోమ్’ కూడా ఈ సంవత్సరం జరగడం లేదు. రద్దయింది. అయితే ఎందుకు రద్దయింది అనే విషయంలో స్పష్టత లేక పోయినా, సందేహాలు మాత్రం వినవస్తున్నాయి. ముఖ్యమంత్రి, మంత్రులు హాజరు కాకపోతే తప్పుడు సంకేతాలు వెళతాయి అనే ఉద్దేశంతోనే ‘ఎట్ హోమ్’ రద్దయిందని అంటున్నారు. 

ఇదలా ఉంటే, గత సంవత్సరం అక్టోబర్ 2 మహాత్మా గాంధీ జయంతి సందర్భంగానూ ముఖ్యమంత్రి  జాతిపితకు నివాళులు అర్పించలేదని గుర్తు చేస్తున్నారు. అలాగే, ఇటీవల కేంద్ర ప్రభుత్వం పై రాజకీయ యుద్దాన్ని ప్రకటించిన ముఖ్యమంత్రి, తెరాస ప్రభుత్వం గణతంత్ర వేడుకలను కూడా, కేంద్ర ప్రభుత్వంఫై వ్యతిరేకతను చూపేందుకు వేదిక చేసుకున్నారా అనే మాట కూడా వినిస్తోంది. ఈ సందర్భంగా ఢిల్లీ గణతంత్ర వేడుకలలో ప్రదర్శించిన శకటాలలో తెలంగాణ శకటం ఎంపిక కాకపోవడం విషయంగా కేటీఆర్ సహా అనేక మంత్రి మంత్రులు, తెరాస నాయకులు కేంద్ర ప్రభుత్వంఫై మండిపడిన విషయాన్నీ గుర్తు చేస్తున్నారు. ఈ సందర్భంగా తెరాస మంత్రులు తెలంగాణ  భారత  దేశంలో భాగం కాదా, అని ప్రశ్నించడం ద్వారా సెంటిమెంట్ రెచ్చ గొట్టే ప్రయత్నం చేశారని, దానికి కొనసాగింపుగానే ఇప్పుడు, ఇలా అసంతృప్తిని వ్యక్త పరిచారని అంటున్నారు.  

అదే విధంగా గణతంత్ర దినోత్సవం సందర్భంగా ముఖ్యమంత్రి కార్యాలయం విడుదల చేసిన ప్రకటనలోనూ, సమాఖ్య స్పూర్తి గురించి, రాష్ట్రాల హక్కుల గురించి ప్రస్తావించారు.  భారతదేశం రాష్ట్రాల యూనియన్ అని.. దేశాన్ని తయారు చేసేది రాష్ట్రాలేనని సీఎం కేసీఆర్ తెలిపారు.  ఈ ప్రకటన ద్వారా ముఖ్యమంత్రి  కేంద్ర ప్రభుత్వంపై  మరోమారు యుద్దనాదం చేశారని అంటున్నారు. కేంద్రంతో లేదా కేంద్రంలో అధికారంలో ఉన్న బీజేపీపై ముఖ్యమంత్రి యుద్ధం ప్రకటించ వచ్చును, కానీ, గణతంత్ర వేడుకలను వేదిక చేసుకోవడం, రాజ్యాంగ స్పూర్తిని అగౌరవ పరిచేలా ప్రవర్తించడం మాత్రం సరికాదని అంటున్నారు. అయితే, అధికారులు, అధికార పార్టీ నాయకులు మాత్రం,  రాష్ట్రంలో గణతంత్ర వేడుకలు ఘనంగా నిరహించక పోవడానికి, ముఖ్యమంత్రి దూరంగా ఉండడానికి కొవిడ్ మహామ్మారే కారణం అంటున్నారు. అయితే మనకంటే ఎక్కువ కేసులు నమోదవుతున్న ఇతర రాష్ట్రాలకు  లేని ఆంక్షలు, తెలంగాణకు ఎందుకని, అడుగుతున్నారు, నిజానికి, తెలంగాణలో కోవిడ్ ఎక్కడుందని అధికారులే అడుగుతున్నారు. నైట్ కర్ఫ్యూ కూడా నాట్ నెసిసరి, అవసరం లేదని, రాష్ట్ర  ఆరోగ్య శాఖ అధికారులు కూడా ప్రకటించారు. సో, గానతంత్ర దినోత్సవంలో అపశ్రుతులు, అవమానాలకు కోవిడ్ కాదు రాజకీయమే కారణం అంటున్నారు. 

By
en-us Political News

  
కర్ణాటక శాసన సభ గడువు ముగుస్తోంది. వచ్చే సంవత్సరం ఏప్రిల్ మే మాసాల్లో, ఆ రాష్ట్ర్ర శాసన సభకు ఎన్నికలు జరగవలసి వుంది. కర్ణాటక అసెంబ్లీ ఎన్నికలతో పాటుగా ఉభయ తెలుగు రాష్ట్రాలు ముందస్తు ఎన్నికలకు సిద్దమవుతున్నాయా, అంటే రాజకీయ విశ్లేషకుల నుంచి అవుననే సమాధానమే వస్తోంది. నిజానికి, ఆంధ్ర ప్రదేశ్ అసెంబ్లీ ఎన్నికలకు ఇంకా నిండా నిండా రెండేళ్ళ గడువుంది. తెలంగాణ అసెంబ్లీకి సంవత్సరం పైగానే సమయముంది. అయితే, ఉభయ తెలుగు రాష్ట్రాలలో ప్రభుత్వ వ్యతిరేకత రోజురోజు పెరుగతున్న నేపధ్యంలో, ముందస్తు ఎన్నికలకు సిద్దమవుతున్నాయి.
దోచుకోవడం, దాచుకోవడం వైసీపీ నైజం. ఈ విషయం గణాంకాలతో సహా మరోసారి రుజువు అయింది. వైసీపీకి 2020-2021 ఆర్థిక సంవత్సరంలో 107.99 కోట్ల రూపాయలు విరాళంగా, అందగా వాటిలో కేవలం ఎనిమిది కోట్ల ఏడు లక్షలు మాత్రమే ఖర్చు చేసింది. అంటే విరాళంగా వచ్చిన మొత్తం నుంచి 99.25 శాతం నిధులు ఖర్చు చేయకుండా మిగుల్చు కుంది. అదే ఆర్థిక సంవత్సరంలో తెలుగుదేశం పార్టీకి అందిన విరాళాలు 3 కోట్ల 25 లక్షల రూపాయలు మాత్రమే. కానీ.. తెలుగుదేశం ఖర్చు చేసింది మాత్రం 54 కోట్ల 76 లక్షల రూపాయలు ఖర్చు చేసింది. అంటే.. వచ్చిన విరాళాల ద్వారా అందిన ఆదాయం కన్నా తెలుగుదేశం 1,584 కోట్ల రూపాయలు అదనంగా వ్యయం చేసింది.
మహానాడు.. తెలుగుదేశం జరుపుకునే పండుగ. ఈ పండుగను తెలుగుదేవం పార్టీ 1983 నుంచి క్రమం తప్పకుండా జరుపుకుంటోంది. కరోనా మహమ్మారి కారణంగా గత మూడేళ్లుగా మహానాడు పండుగను జరుపుకోలేదు కానీ, పార్టీ ఆవిర్భావం నుంచి క్రమం తప్పకుండా మహానాడుకు తెలుగుదేశం పార్టీ ఒక పండుగలా, ఒక ఉత్సవంగా నిర్వహించుకుంటూ వస్తోంది. అధికారంలో ఉన్నా, విపక్షంలో ఉన్నా తెలుగు తమ్ముళ్లు అదే ఉత్సాహంతో, అదే చైతన్యంతో మహానాడుకుహాజరౌతూనే ఉన్నారు. అయితే మహానాడు తొలి సారి తెలుగుదేశం అధికారంలోకి వచ్చిన తరువాత 1982 మే 26, 27, 28 తేదీలలో నిర్వహించుకుంది. ఆ మహానాడు దేశ రాజకీయాలలో ఒక కొత్త చరిత్రకు నాంది పలికింది.
తెలుగుదేశం మహానాడులో యువజోష్ ఉరకలెత్తుతోంది. పార్టీని గెలుపు దిశగా నడిపించేందుకు యువతకు వచ్చే ఎన్నికల్లో 40 శాతం స్థానాలు కేటాయిస్తామని అధినేత చంద్రబాబు మహానాడు వేదికగా ప్రకటించారు. నాలుగు దశాబ్దాల నాడు తెలుగుదేశం యువరక్తంతో కదంతొక్కిన సంగతి ఇప్పుడు ప్రస్తావించడం అప్రస్తుతం కాదు. తెలుగుదేశం పార్టీ తెలుగువారి ఆత్మగౌరవానికి నిలువెత్తు సంతకంగా ఇంత కాలం నిలుస్తూ వచ్చిందంటే ఆ నాడు పడిన పునాదుల మీద.. తెలుగువారి ఖ్యాతి, సత్తా, సమర్ధతా చాటుతూ వారి అభ్యున్నతి కోసం అవిశ్రాంతంగా కృషి చేస్తూ సాగుతుండటమే. ఇప్పుడు తెలుగుదేశం పార్టీ నాలుగు దశాబ్దాల పండుగను సగర్వంగా నిర్వహించుకుంటోంది. అయితే రానున్న కాలంలో పార్టీ మరింత దూకుడుగా, పోరాట పటిమతో ముందుకు సాగాల్సిన పరిస్థితి ఉంది.
తెలుగుదేశం మహానాడుకు వచ్చిన ప్రతినిథుల కోసం ఏర్పాటు చేసిన విందు భలే పసందు అని తెలుగు తమ్ముళ్లు చెబుతున్నారు. శుక్రవారం నుంచి రెండు రోజుల పాటు జరిగిన మహానాడుకు వచ్చిన అతిధుల కోసం ఆహార కమిటీ అద్భుతమైన మెనూ సిద్ధం చేసింది.
ఎన్టీఆర్ జన్మస్థలమైన నిమ్మకూరులో దివంగత ఎన్టీఆర్ శత జయంతి ఉత్సవాలు ఘనంగా ప్రారంభమయ్యాయి. ఎన్టీఆర్ తనయుడు, హిందుపురం ఎమ్మెల్యే, హీరో బాల కృష్ణ ఎన్టీఆర్ విగ్రహానికి పూలమాల వేసి నివాళులర్పించి శత జయంతి ఉత్సవాలకు శ్రీకారం చుట్టారు.
ఎన్టీఆర్ పేరు వింటేనే ప్రతి తెలుగు వాడిలో ఓ పులకింత. సినీ హీరోగా, రాజకీయ నాయకుడిగా, సంక్షేమ సారథిగా, పేదవాడి చేతి అన్నంముద్దగా, మహోన్నత మానవతా మూర్తిగా ప్రతి ఒక్కరి గుండెల్లో కొలువై ఉన్న నిలువెత్తు చైతన్యం ఎన్టీరామారావు. తెలుగుదేశం పార్టీ ఆవిర్భావంతోనే ఒక సంచలనం.
నైరుతి రుతుపవనాలు వచ్చేస్తున్నాయి. నైరుతి ఆదివారం కేరళను తాకనున్నట్లు వాతావరణ శాఖ చల్లటి కబురు చెప్పింది. సాధారణంగా జూన్ 1 నాటికి రుతుపవనాలు కేరళను తాకుతాయి. ఈ ఏడాది మూడు రోజులు ముందుగానే తొలకరి పలకరించనుంది.
నందమూరి తారక రామారావు, ఎన్టీఆర్ ఈ పేరు ఒక ఉత్సాహం. ఈ పేరు ఒక ఉద్వేగం. ఈ పేరు ఒక చరిత్ర. సమాజమే దేవాలయం, ప్రజలే దేవుళ్లు జనం హృదయాలలో చెరగని ముద్ర వేసుకున్న మహామనిషి. ఆయన శత జయంతి నేడు. కృష్ణా నదీతీరాన జన్మించిన నందమూరి తారక రామా బాల్యం నుండీ శ్రమజీవి. కుటుంబానికి అండగా, పొరుగువారికి సాయం చేయడానికి సదా సిద్ధంగా ఉండేవారు. ఇక చలన చిత్ర రంగం లో కి ప్రవేశించిన తరువాత ఆయన అశేష ఆంధ్రుల ఆరాధ్య దైవం అయ్యారు.
వైసీపీ మంత్రులు సామాజిక న్యాయభేరి పేరిట చేస్తున్న బస్సు యాత్రకు జనం మొహం చాటేస్తున్నారు. గడపకూ మన ప్రభుత్వం అంటూ జనం వద్దకు వెళ్లిన మంత్రులు, ఎమ్మెల్యేలకు గడప గడపలోనూ నిరసనలు ఎదురైతే ఇప్పుడు సామాజిక న్యాయ భేరి అంటూ 17 మంది చేపట్టిన సామాజిక న్యాయ భేరి బస్సు యాత్రకు జనం మొహం చాటేస్తున్నారు. విజయ నగరంలో జనం లేకపోవడంతో వర్షం నెపం చెప్పి అర్థంతరంగా సభను రద్ధు చేసుకున్న మంత్రులకు రాజమండ్రిలో జనం లేకపోవడంతో మళ్లీ నిరాస తప్ప లేదు.
తెలుగు దేశం పార్టీ వ్యవస్థాపక అధ్యక్షుడు నందమూరు తారక రామ రావు,,జయంతి రేపు.(శనివారం) 1923 మే 23 న జన్మిచిన ఎన్టీఅర్, 1996 జనవరి 18 కన్ను మూశారు. అప్పటి నుంచి తెలుగు దేశం పార్టీ, హైదరాబాద్’లోని ఎన్టీఆర్ ఘాట్ వద్ద ప్రతి సంవత్సరం ఎన్టీఅర్ జయంతి వేడుకలను ఘనంగా నిర్వహిస్తోంది. ఈ సంవత్సరం కూడా, తెలంగాణ తెలుగు దేశం పార్టీ ఎన్టీఆర్ జయంతి వేడుకలు నిర్వహిస్తోంది. అయితే, ఈ సంవత్సరం వేడుకలకు ఒక ప్రత్యేకత వుంది. ముఖ్యంత్రి కేసీఆర్ జయంతి వేడుకలకు హాజరవుతున్నారు.
స్పీకర్ పదవికి ఒక గౌరవం ఉంటుంది. ఆ పదవిలో ఉన్న వారు రాజకీయాలు మాట్లాడరు. తాము గెలిచి వచ్చిన పార్టీ కార్యక్రమాలలో పాల్గొనరు. బాధ్యత గలిగిన రాజ్యాంగ పదవుల్లో ఉన్న ఎవరైనా పాటించాల్సిన నైతికత ఇది. అలాంటి బాధ్యత కలిగిన రాజ్యంగ పదవిలో ఉన్న తమ్మినేని ఆ గౌరవానికి తగరని తన వ్యాఖ్యలతో నిరూపించుకున్నారు. తెలుగుదేశం మహానాడుపై అనుచిత వ్యాఖ్యలతో బరితెగించి స్పీకర్ పదవికి మాయని మచ్చ తీసుకొచ్చారు. మహానాడును వల్లకాడనీ, చచ్చిపోయిన పార్టీకి దహన సంస్కారాలు చేస్తున్నారనీ సంస్కార హీనమైన వ్యాఖ్యలు చేశారు.
రాజకీయాలలో శాశ్వత శత్రువులు, శాశ్వత మిత్రులు ఉండరంటారు. కానీ దొంగ శత్రువులు ఉంటారా అంటే మాత్రం కచ్చితంగా ఉంటారంటూ మోడీ, కేసీఆర్ లను చూపుతున్నారు రాజకీయ పరిశీలకులు. ప్రధాని నరేంద్రమోడీ హైదరాబాద్ పర్యటనకు వస్తే కేసీఆర్ నగరం విడిచి వెళ్లడం రాజకీయ కుమ్మక్కులో భాగమేనంటున్నారు. కాంగ్రెస్ ముక్త్ భారత్ అన్న మోడీ నినాదాన్ని కేసీఆర్ అందిపుచ్చుకుని దానిని తెలంగాణకు అనుగుణంగా కాంగ్రెస్ ముక్త తెలంగాణగా సవరించుకున్నారని, ఆ లక్ష్యం సాధించేందుకే బీజేపీకి రాష్ట్రంలో లేని ప్రాధాన్యతకు కట్టబెడుతున్నారన్నది వారి విశ్లేషణ. క్షేత్ర స్థాయిలో కాంగ్రెస్ బలం చెక్కు చెదరకపోవడం, నేతలు బలహీనపడినా కార్యకర్తల బలం తెలంగాణలో కాంగ్రెస్ కు ఎలా ఉన్నది అలాగే ఉండటాన్ని వారు ఎత్తి చూపుతున్నారు. ఈ నేపథ్యంలోనే రెండు ధఫాలు వరుసగా అధికారంలో ఉన్న టీఆర్ఎస్ తీవ్రమైన యాంటీ ఇన్ కంబెన్సీని ఎదుర్కొంటోందనీ, ప్రభుత్వ వ్యతిరేక ఓటు కాంగ్రెస్ వైపు మళ్ల కుండా ఉండాలంటే బీజేపీ బలోపేతం అయ్యిందన్న భావన ప్రజలలో కలిగించేందుకే ఆ పార్టీకి అధిక ప్రాధాన్యతను కేసీఆర్ ఇస్తున్నారని పరిశీలకులు అంటున్నారు.
 
Disclaimer:
All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
 
You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.