Top Stories

భారత్ తన సొంత ఎస్-400 వాయు రక్షణ వ్యవస్థను నిర్మిస్తోందా?

పీఎల్ జీఏ డిప్యూటీ కమాండర్ సోది కేశాలు లొంగుబాటు!

జోరు వానలు.. చండ్ర నిప్పులు.. ఏపీలో విభిన్న వాతావరణం

పెన్నాలో మునిగి ఇద్దరు మృతి.. ఒకరు గల్లంతు

ఒకే ఏడాది 6 సా డకౌట్లు.. అభిషేక్‌శర్మ చెత్త రికార్డు

సహనం కోల్పోయిన ట్రంప్.. ఇరాన్‌పై బూతుల వర్షం

ఏఐ టెక్నాలజీతో అమెరికా రక్షణ వ్యవస్థకు సవాలు.. చైనా యుద్ధవ్యూహాలు

ఐపీల్ 2026.. బెంగళూరుకు వరుసగా రెండో విజయం.. సీఎస్కే పై ఆర్సీబీ విజయం

భారత్ తన సొంత ఎస్-400 వాయు రక్షణ వ్యవస్థను నిర్మిస్తోందా?

ప్రాజెక్ట్ కుశ తొలి ప్రయోగం విజయవంతం.. ప్రపంచంలోని వివిధ ప్రాంతాలలో, ముఖ్యంగా పశ్చిమ ఆసియాలో జరుగుతున్న యుద్ధాలు, అధునాతన వాయు రక్షణ వ్యవస్థల ప్రాముఖ్యత పెరుగుతున్న తరుణంలో ఇండియా ఈ మైలురాయిని చేరుకుంది. *3-లేయర్ సిస్టమ్ యొక్క కీలక భాగాలు: ప్రాజెక్ట్ కుశ, రక్షణ సామర్థ్యాన్ని గరిష్ఠ స్థాయికి పెంచుతూ, వివిధ దూరాల వద్ద ముప్పులను నిర్వీర్యం చేయడానికి రూపొందించిన ఒక పొరల నిర్మాణాన్ని ఉపయోగిస్తుంది. * M1 ఇంటర్‌సెప్టర్ (150 కి.మీ): ఫైటర్ జెట్‌లు, డ్రోన్‌లు మరియు తక్కువ ఎత్తులో ఎగిరే క్రూయిజ్ క్షిపణులను లక్ష్యంగా చేసుకున్న స్వల్ప-నుండి-మధ్య-శ్రేణి రక్షణ. * M2 ఇంటర్‌సెప్టర్ (250 కి.మీ): వ్యూహాత్మక మరియు రణనీతిపరమైన ముప్పుల మధ్య అంతరాన్ని పూడ్చే మధ్యస్థ-నుండి-దీర్ఘ-శ్రేణి రక్షణ. * M3 ఇంటర్‌సెప్టర్ (350–400 కి.మీ): 400 కి.మీ దూరం వరకు AWACS (ఎయిర్‌బోర్న్ వార్నింగ్ అండ్ కంట్రోల్ సిస్టమ్స్) మరియు రవాణా విమానాల వంటి అత్యంత విలువైన లక్ష్యాలను ఎదుర్కోవడానికి రూపొందించిన ప్రధాన, దీర్ఘ-శ్రేణి భాగం. ఈ మూడు పొరలు కలిసి, స్టెల్త్ విమానాలు, క్రూయిజ్ క్షిపణులు, డ్రోన్లు మరియు బాలిస్టిక్ క్షిపణులతో సహా ముప్పులను గుర్తించి, పసిగట్టి, నిర్వీర్యం చేయగల ఒక శక్తివంతమైన రక్షణ గొడుగును సృష్టిస్తాయి. ఈ సమీకృత వ్యవస్థ, ఆధునిక వైమానిక యుద్ధ సవాళ్లకు ప్రతిస్పందించే భారతదేశ సామర్థ్యాన్ని పెంచుతుందని భావిస్తున్నారు. భారతదేశం తన సొంత సుదూర వాయు రక్షణ కవచాన్ని నిర్మిస్తోంది. దేశాన్ని అనేక రకాల వైమానిక ముప్పుల నుండి రక్షించడానికి నిర్మించిన స్వదేశీ క్షిపణి రక్షణ వ్యవస్థ అయిన 'ప్రాజెక్ట్ కుశ' యొక్క మొదటి అభివృద్ధి ప్రయోగాన్ని రక్షణ పరిశోధన మరియు అభివృద్ధి సంస్థ (DRDO) విజయవంతంగా పూర్తి చేసింది. ◆ స్వదేశీ సాంకేతిక పరిజ్ఞానంతో తన బహుళ-పొరల వాయు మరియు క్షిపణి రక్షణ నెట్‌వర్క్‌ను బలోపేతం చేయడానికి భారతదేశం తన ప్రయత్నాలను వేగవంతం చేసింది. ◆ ప్రాజెక్ట్ కుశను భారతదేశపు సుదూర వాయు రక్షణ పరిష్కారంగా అభివృద్ధి చేస్తున్నారు. ఇది రష్యా యొక్క S-400 మరియు తదుపరి తరం S-500 ప్లాట్‌ఫారమ్‌లకు సమానంగా ఉంటుందని భావిస్తున్నారు. ◆ సుమారు రూ. 21,700 కోట్ల అంచనా వ్యయంతో, ఈ ప్రాజెక్ట్ దేశవ్యాప్తంగా సైనిక స్థావరాలు, వ్యూహాత్మక ఆస్తులు మరియు పౌర మౌలిక సదుపాయాలకు బలమైన రక్షణ కవచాన్ని అందించడమే లక్ష్యంగా పెట్టుకుంది. ◆ ప్రాజెక్ట్ కుషా ఒక నిర్దిష్ట ప్రణాళికతో ముందుకు సాగుతోంది. 2026లో విమాన పరీక్షలు ప్రారంభమవుతాయని, ఆ తర్వాత 2028లో తొలి కార్యాచరణ మోహరింపు జరుగుతుందని అంచనా. 2030 నాటికి పూర్తిస్థాయి మోహరింపును లక్ష్యంగా పెట్టుకున్నారు. ◆ స్వదేశీ వ్యవస్థపై, జాతీయ రక్షణలో దాని భవిష్యత్ పాత్రపై విశ్వాసం వ్యక్తం చేస్తూ, భారత వైమానిక దళం (ఐఏఎఫ్) పలు స్క్వాడ్రన్‌ల అవసరాన్ని ఆమోదించింది. ◆ 2035 నాటికి సమగ్ర వాయు, క్షిపణి రక్షణ వ్యవస్థను నిర్మించేందుకు భారతదేశం రూపొందించిన దీర్ఘకాలిక ప్రణాళిక అయిన 'మిషన్ సుదర్శన్ చక్ర'లో ప్రాజెక్ట్ కుశ ఒక భాగంగా ఉంటుంది. ◆ ఈ వ్యవస్థ ఆకాశ్-ఎన్‌జి మరియు ఇతర బాలిస్టిక్ క్షిపణి రక్షణ ప్లాట్‌ఫారమ్‌లతో కలిసి పనిచేస్తూ, బహుళ అంచెల జాతీయ రక్షణ కవచాన్ని సృష్టిస్తుంది. ◆ ఈ సమీకృత విధానం వివిధ వాయు రక్షణ వ్యవస్థల మధ్య సమన్వయాన్ని మెరుగుపరుస్తుందని, రాబోయే ముప్పులకు ప్రతిస్పందన సమయాన్ని పెంచుతుందని భావిస్తున్నారు. ◆ ప్రాజెక్ట్ కుశ యొక్క మొదటి అభివృద్ధి ప్రయోగం విజయవంతం కావడం భారతదేశ రక్షణ సామర్థ్యాలకు ఒక ముఖ్యమైన మైలురాయి. మూడు అంచెల క్షిపణి వ్యవస్థ మరియు సుదూర లక్ష్యాలను ఛేదించే సామర్థ్యంతో, ఈ ప్రాజెక్ట్ రాబోయే సంవత్సరాల్లో భారతదేశ వాయు రక్షణ వ్యవస్థను బలోపేతం చేస్తుందని అంచనా. 2030 నాటికి పూర్తిస్థాయి మోహరింపు దిశగా భారతదేశం పయనిస్తున్న తరుణంలో, రక్షణ సాంకేతికతలో స్వావలంబన సాధించడంలోనూ, మరింత పటిష్టమైన స్వదేశీ వాయు రక్షణ కవచాన్ని నిర్మించడంలోనూ ప్రాజెక్ట్ కుశ ఒక ముఖ్యమైన ముందడుగు. సంకలనం, సేకరణ : కంఠంనేని సీతారాం

Publish Date: Apr 6, 2026 11:56AM

పీఎల్ జీఏ డిప్యూటీ కమాండర్ సోది కేశాలు లొంగుబాటు!

మావోయిస్టు ఉద్యమానికి మరో పెద దెబ్బ తగిలింది. మావోయిస్టు సాయుధ విభాగమైన పీపుల్స్ లిబరేషన్ గెరిల్లా ఆర్మీ డిప్యూటీ కమాండర్ సోది కేశాలు అలియాస్ మల్లాతో సహా మరో 30 మంది మావోయిస్టులు తెలంగాణ పోలీసుల ఎదుట లొంగిపోయారు. అయితే ఈ లొంగుబాటుకు సంబంధించిన అధికారిక ప్రకటన నేడో రేపో వెలువడనుందని పోలీసువర్గాలు తెలిపాయి. మావోయిస్టు కీలక నేత, కొంత కాలం కిందట ఎన్ కౌంటర్ లో హతమైన హిడ్మా గతంలో పీఎల్ జీఏ బాధ్యతల నుంచి తప్పుకుని దండకారణ్య స్పెషల్ జోన్ కమిటీ వైపు వెళ్లిన తరువాత దళాల్లో మార్పులు చోటుచేసుకున్నాయి. అప్పట్లో పీఎల్ జీఏ బెటాలియన్ కమాండర్‌గా బడ్సే దేవాను నియమించగా, డిప్యూటీ కమాండర్ బాధ్యత లను సోది కేశాలకు అప్పగిం చారు. అయితే కొద్దిరోజుల క్రితమే కమాండర్ దేవా తెలంగాణ పోలీసుల ఎదుట లొంగిపోవ డంతో.. బెటాలియన్ బాధ్యతలు సోది కేశాలు నిర్వహిస్తున్నారు. ఇప్పుడు సోది కేశాలు కూడా లొంగుబాట పట్టారు. సోది కేశాలు, మరో 30 మంది మావోయిస్టులు చత్తిస్ ఘడ్-తెలంగాణ సరిహద్దులోని కర్రెగుట్టల ప్రాంతం నుంచి తెలంగాణలోకి ప్రవేశించి.. ములుగు, భూపాలపల్లి మార్గంగా వచ్చి పోలీసుల వద్ద లొంగిపోయారు. వీరందరినీ పటిష్ట భద్రతా ఏర్పాట్ల మధ్య హైదరాబాదు కు తరలించినట్లు తెలుస్తోంది. వీరు ఏకే–47లు, ఎస్‌ఎల్‌ఆర్‌లు సహా సుమారు 40 నుంచి 50 వరకు ఆధునిక ఆయుధాలను పోలీసులకు అప్పగించినట్లు తెలుస్తోంది. ఈ లొంగుబాటు దండకారణ్య ప్రాంతంలో మావోయిస్టు దళాలకు పెద్ద దెబ్బగా భావిస్తున్నారు.

Publish Date: Apr 6, 2026 11:43AM

బీజేపీ 46 ఏళ్ల ప్రస్థానం!

1980 ఏప్రిల్ 6న న్యూఢిల్లీలోని కోట్లా మైదానంలో జరిగిన కార్యకర్తల సమావేశంలో బిజెపి అధికారికంగా ఆవిర్భవించింది. భారత రత్న అటల్ బిహారీ వాజ్‌పేయి ఈ పార్టీకి మొదటి అధ్యక్షుడిగా ఎన్నికయ్యారు. ఆనాటి సభలో ఆయన చేసిన అంధేరా ఛాటేగా, సూరజ్ నిక్లేగా, కమల్ ఖిలేగా ప్ర‌క‌ట‌నే నేడు నిజ‌మైంద‌ని అంటారు క‌మ‌ల‌నాథులు. తెలుగులో దీన‌ర్ధం ఏమిటంటే.. చీకటి తొలగుతుంది, సూర్యుడు ఉదయిస్తాడు, కమలం వికసిస్తుంది. ఆ నినాదం ఇప్పటికీ పార్టీ శ్రేణుల్లో ఉత్సాహాన్ని నింపుతోంది. బిజెపికి 1951లో శ్యామ్ ప్రసాద్ ముఖర్జీ స్థాపించిన భారతీయ జనసంఘ్‌తో పునాదులు పడ్డాయి. అక్క‌డి నుంచి ఈ పార్టీ అంచ‌లంచ‌లుగా ఎదిగి నేడీ స్థితికి చేరుకుంది. గ‌తంలో వాజ్ పేయి ఈ పార్టీకి అధికార వాస‌న రుచి చూప‌డంతో.. ఇప్పుడు వ‌రుస‌గా మూడు ప‌ర్యాయాల పాటు అధికారం చేజిక్కించుకుని.. ప్ర‌స్తుతం అప్ర‌తిహాత జైత్ర యాత్ర చేస్తోంది. 2026లో బీజేపీ 46వ‌ ఆవిర్భావ దినోత్సవ వేడుకలను దేశ వ్యాప్తంగా భారీ ఎత్తున నిర్వ‌హిస్తోంది. ఏప్రిల్ 5 నుండి 12 వరకు వారం రోజుల పాటు వివిధ కార్యక్రమాలను చేస్తోంది. ఈ వారోత్స‌వాల్లో భాగంగా.. వికాస్ యాత్రలు, సేవా కార్యక్రమాల‌ను ప్లాన్ చేసింది బీజేపీ. ప్రతి బూత్ స్థాయిలో జెండా ఆవిష్కరణ, పార్టీ సిద్ధాంతకర్తలు శ్యామ్ ప్రసాద్ ముఖర్జీ, పండిత్ దీన్ దయాళ్ ఉపాధ్యాయ చిత్రపటాలకు నివాళులర్పించడం వంటివి చేస్తోంది. కార్యకర్తలు తమ ఇళ్లపై పార్టీ జెండాను ఎగురవేసి, ఆ ఫోటోలను సోషల్ మీడియాలో షేర్ చేస్తున్నారు. ఇక గ్రామ బస్తీ చలో కార్య‌క్ర‌మం విష‌యానికి వ‌స్తే.. ఏప్రిల్ 7 నుండి 12 వరకు నాయకులు గ్రామాల్లో పర్యటించి ప్రభుత్వ పథకాలపై అవగాహన కల్పించే కార్యక్రమాలు చేపట్టారు. తెలుగు రాష్ట్రాల్లోనూ బీజేపీ బలోపేతం దిశగా అడుగులు వేస్తూ.. ఈ కార్యక్రమాలను నిర్వహిస్తున్నది. తెలంగాణ‌లో 8 మంది ఎమ్మెల్యేలు, 8 మంది ఎంపీల‌తో కమలం పార్టీ బలంగా ఉంది. ఇక ఎమ్మెల్సీ, మున్సిపాల్టీల్లోనూ ప‌ట్టు నిలుపుకుంటూ వ‌స్తోంది. వ‌చ్చే ఎన్నిక‌ల‌లో అధికారమే టార్గెట్ గా అడుగులు వేస్తు ముందుకు సాగుతోంది. ఇక ఆంధ్రప్రదేశ్‌లో తెలుగుదేశం, జనసేనలతో పొత్తు పెట్టుకుంది. తెలుగుదేశం కూటమి ప్రభుత్వంలో భాగస్వామిగా కూడా ఉంది. అటు కేంద్రంలో, ఇక్కడ రాష్ట్రంలో కూడా కూటమి అధికారంలో ఉండటంతో, అమరావతి రాజధాని నిర్మాణం, పోలవరం ప్రాజెక్టు నిధులు, మరియు విశాఖ స్టీల్ ప్లాంట్ వంటి కీలక అంశాల్లో కేంద్రం నుంచి ల‌బ్ధి పొందడంలో బిజెపి వారధి గా పనిచేస్తోంది. రాష్ట్ర మంత్రివర్గంలో బిజెపికి ప్రాతినిధ్యం ఉంది. సత్యకుమార్ యాదవ్ వంటి నేతలు మంత్రివర్గంలో కీలక శాఖలను నిర్వహిస్తున్నారు. కూటమి ప్రకటించిన సూపర్ సిక్స్ హామీల అమలులో, కేంద్ర ప్రభుత్వ పథకాలను రాష్ట్రంలో సమర్థవంతంగా అమలు చేయడంలో బిజెపి చురుకైన పాత్ర పోషిస్తోంది. ఇక దేశవ్యాప్తంగా బీజేపీ నేతృత్వంలోని ఎన్డీయే సర్కార్ అత్యధిక రాష్ట్రాల్లో అధికారంలో ఉంది. సొంతంగా బిజెపి ముఖ్యమంత్రులు 14 రాష్ట్రాలలో, బీజేపీ యేతర సీఎంలు ఉన్నప్పటికీ ఎన్డీయే అధికారంలో ఉన్న రాష్ట్రాలు ఏడు ఉన్నాయి. అంటే దేశంలో మొత్తం 21 రాష్ట్రాలలో ప్ర‌స్తుతం బీజేపీ నాయ‌క‌త్వంలోని ఎన్డీయే కూట‌మి అధికారంలో ఉంది. ప్రస్తుతం అసోం, కేరళ, తమిళనాడు, పశ్చిమ బెంగాల్, పుదుచ్చేరి రాష్ట్రాల్లో అసెంబ్లీ ఎన్నికలు జరుగుతున్నాయి. ఈ ఎన్నికల ఫలితాల తర్వాత అంటే మే 4న ఈ లెక్కల్లో మార్పులు వచ్చే అవకాశం ఉంది. ముఖ్యంగా పశ్చిమ బెంగాల్‌లో ఈసారి బిజెపి గట్టి పోటీనిస్తోంది. ఏది ఏమైనా బీజేపీ త‌న రాజ‌కీయ ప్ర‌స్థానంలో స్వ‌ర్ణ‌యుగంలాంటి రోజుల‌ను ఆస్వాదిస్తోంది. దేశ వ్యాప్తంగా అత్య‌ధిక రాష్ట్రాల్లో అధికారంలో ఉన్న పార్టీ.. గా ఈ ఏడాది ఆవిర్భావ ఏడుక‌ల‌ను ఎంతో ఘ‌నంగా నిర్వ‌హిస్తోంది.

Publish Date: Apr 6, 2026 11:25AM

జోరు వానలు.. చండ్ర నిప్పులు.. ఏపీలో విభిన్న వాతావరణం

ఆంధ్రప్రదేశ్ లో భిన్న వాతావరణం నెలకొంది. ఓ వైపు జోరు వానలూ, మరో వైపు చండ్ర నిప్పులతో ఏపీ వాతావరణం ఉంది. రాష్ట్రంలో రానున్న రెండురోజుల్లో ఇదే పరిస్థితి ఉంటుందని వాతావరణ శాఖ తెలిపింది. రాష్ట్రంలోని కొన్ని జిల్లాలలో నిప్పులు చెరిగే ఎండలే, మరి కొన్ని జిల్లాలలో పిడుగులతో కూడిన వర్షాలు పడే అవకాశం ఉంది. దక్షిణ కోస్తాంధ్ర, పశ్చిమమధ్య బంగాళాఖాతం మీదుగా ఉపరితల ఆవర్తనం కొనసాగుతుండగా, రాయలసీమ పరిసర ప్రాంతాలపై మరో ఉపరితల ఆవర్తనం విస్తరించి ఉంది. వీటి ప్రభావంతో సోమ, మంగళ (ఏప్రిల్ 6, 7) వారాల్లో ఈ ప్రాంతాలలో ఆకాశం మేఘావృతమై పిడుగులతో కూడిన వర్షాలు పడొచ్చని రాష్ట్ర విపత్తుల నిర్వహణ సంస్థ తెలిపింది. ఇక శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, అనకాపల్లి, కాకినాడ, తూర్పుగోదావరి, పశ్చిమగోదావరి జిల్లాల్లోని కొన్ని ప్రాంతాల్లో పిడుగులతో కూడిన ఓ మోస్తరు వర్షాలు కురిసే అవకాశం ఉంది. ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, మార్కాపురం, ప్రకాశం, నెల్లూరు, అన్నమయ్య, చిత్తూరు, తిరుపతి జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిసే అవకాశం ఉంది. ఇక పోలవరం జిల్లా చింతూరు, ఎన్టీఆర్ జిల్లా జి.కొండూరు, ఇబ్రహీంపట్నం మండలాల్లో ఎండలు మండిపోతాయి. వడగాలుల ప్రభావం కూడా తీవ్రంగా ఉంటుంది. అదలా ఉండగా, ఆదివారం (ఏప్రిల్ 5) పార్వతీపురం మన్యం జిల్లా వీరఘట్టం, నెల్లూరు జిల్లా నెల్లూరుపాలెంలో అత్యధికంగా 42.4 డిగ్రీల ఉష్ణోగ్రతలు నమోదయ్యాయి. తిరుపతి జిల్లా రేణిగుంటలో 42.3, మార్కాపురం జిల్లా నందనమారెళ్లలో 41.8, వైఎస్సార్ కడప జిల్లా ఒంటిమిట్టలో 41.5, కృష్ణా జిల్లా పెదపారుపూడిలో 41.3, చిత్తూరు జిల్లా పలమనేరు, ప్రకాశం జిల్లా చెరువుకొమ్ముపాలెంలో 40.9 డిగ్రీల ఉష్ణోగ్రతలు నమోదయ్యాయి.

Publish Date: Apr 6, 2026 10:42AM

ఒంటిమిట్టలో కన్నులపండువగా పుష్పయాగం

చారిత్రక ఒంటిమిట్ట శ్రీ కోదండరామస్వామివారి ఆలయం ఆదివారం (ఏప్రిల్ 5) భక్తి సాగరంలో మునిగితేలింది. స్వామివారి వార్షిక బ్రహ్మోత్సవాల అనంతరం నిర్వహించే పుష్పయాగ మహోత్సవం అత్యంత వైభవంగా, కన్నుల పండువగా జరిగింది. రంగురంగుల పుష్పాలు, సుగంధ పరిమళాల మధ్య సీతారామ లక్ష్మణుల ఉత్సవ మూర్తులు భక్తులకు కనువిందు చేశాయి. ఈ వేడుక కోసం తిరుమల తిరుపతి దేవస్థానం ప్రత్యేక ఏర్పాట్లు చేసింది. వివిధ ప్రాంతాల నుండి సేకరించిన సుమారు 3 టన్నుల బరువు గల 12 రకాల పుష్పాలను, 6 రకాల పత్రాలను ఈ యాగం కోసం వినియోగించారు. మల్లె, కనకాంబరం, రోజా, చామంతి వంటి సుగంధ పుష్పాలతో పాటు తులసి వంటి పవిత్ర పత్రాలతో స్వామివారికి పుష్ప నీరాజనం సమర్పించారు. గంటల తరబడి సాగిన ఈ పుష్పాభిషేకం చూసి భక్తులు పులకించిపోయారు. లోక క్షేమం కోసం ప్రార్థిస్తూ ఈ యాగం నిర్వహించినట్లు అర్చకులు తెలిపారు. బ్రహ్మోత్సవాల సమయంలో నిత్య కైంకర్యాలలో ఏవైనా లోపాలు జరిగి ఉంటే, వాటికి ప్రాయశ్చిత్తంగా ఈ పుష్పయాగం నిర్వహించడం ఆనవాయితీగా వస్తోంది. ఎస్వీబీసీ ద్వారా ఈ కార్యక్రమాన్ని ప్రత్యక్ష ప్రసారం చేశారు. కాగా ఈ వేడుకను వీక్షించడానికి భక్తులు భారీగా తరలివచ్చారు.

Publish Date: Apr 6, 2026 10:30AM

పెన్నాలో మునిగి ఇద్దరు మృతి.. ఒకరు గల్లంతు

వారంతా రేపటి తరం కళాకారులు.. కెమెరా కంటితో లోకాన్ని చూపాలనుకున్న సృజనశీలురు. సరికొత్త కథతో ప్రేక్షకుల ముందుకు రావాలని, వెండితెరపై మెరవాలని ఎన్నో కలలు కన్నారు. కానీ, కాలం రాసిన విధి రాత వారి జీవిత కథను అర్ధాంతరంగా ముగించేసింది. షార్ట్ ఫిలిం షూటింగ్ కోసం వెళ్లిన ఆ యువకులు ప్రమాద వశాత్తూ పెన్నా నదిలో మునిగి మరణించారు. వివరాలిలా ఉన్నాయి. కడప, అన్నమయ్య, చిత్తూరు జిల్లాలకు చెందిన 8 మంది యువకులు ఫ్రంట్‌లైన్ ప్రెస్ పేరుతో ఒక బృందంగా ఏర్పడి షార్ట్ ఫిల్మ్స్ తీస్తున్నారు. వీరంతా ఇన్‌స్టాగ్రామ్ ద్వారా పరిచయమయ్యారు. చిత్రీకరణ కోసం పుష్పగిరి వద్దనున్న పెన్నా నది వద్దకు వీరు ఆదివారం (ఏప్రిల్ 5) వెళ్లారు. వారిలో హరిబాబు (25), హర్షవర్ధన్ (22), కృష్ణచైతన్య (20) చిత్రీకరణలో భాగంగా నదిలోకి దిగారు. అయితే, అక్కడ నీటి లోతు ఎక్కువగా ఉండటంతో ప్రవాహానికి ముగ్గురూ కొట్టుకుపోయారు. అప్పటి దాకా యాక్షన్, కట్.. అంటూ సందడిగా కనిపించిన ఆ పరిసరాల్లో ఒక్కసారిగా ఆర్తనాదాలు మిన్నంటాయి. ఈ ప్రమాదంలో హరిబాబు (23), హర్షవర్ధన్ (22) ప్రాణాలు కోల్పోగా, కృష్ణ చైతన్య (20) గల్లంతయ్యాడు. అతడి కోసం గజఈతగాళ్లతో గాలింపు కొనసాగుతోంది. చేతికి అందివచ్చిన కొడుకులు ప్రయోజకులవుతారని ఆశపడ్డ ఆ తల్లిదండ్రులకు ఈ వార్త పిడుగుపాటులా మారింది. రేపు వస్తానమ్మా అని వెళ్లిన బిడ్డలు, విగతజీవులుగా తిరిగి కనిపించడంతో శోక సంద్రంలో మునిగిపోయారు.

Publish Date: Apr 6, 2026 10:20AM

MOVIE NEWS

Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.

TeluguOne Services

» TOne Home
» Movie News
» Movies
» Photos
» Grandalayam

» Short Films
» Bhakti
» Videos
» KidsOne
» TORi (Radio)

» Sahityam
» Recipes
» Astrology
» Comedy
» Vanitha

» NRI Corner
» Greetings
» Health
» Charity
» News

TeluguOne For Your Business
» Ad Tariff
About TeluguOne
» About TeluguOne
KEYWORDS: TELUGU NEWS

Disclaimer: All content on this website—including text, images, videos, graphics, and audio—is the property of ObjectOne Information Systems Ltd. or its associates. Unauthorized reproduction, distribution, modification, or publication of any material is strictly prohibited without prior written consent..