Top Stories

భార్యాభర్తల మధ్య ఏజ్ గ్యాప్ ఎంత ఉండాలి? ఎంత ఉంటే గొడవలు జరగకుండా ఉంటాయంటే..!

  పెళ్లి ప్రతి వ్యక్తి జీవితంలో చాలా ముఖ్యమైన దశ.  పెళ్లి సంబంధం చూసేది,  వివాహం జరిపించేది పెద్దలే అయినా ఆ బంధంలో కలిసి ఉండేది మాత్రం పెళ్లి చేసుకునే అమ్మాయి, అబ్బాయి ఇద్దరే. జీవితాంతం ఈ బందాన్ని వాళ్లిద్దరే నడిపించుకుంటూ వాళ్లు ఒక కుంటుంబంలా ఏర్పడతారు. అయితే కాబోయే భార్యాభర్తల మధ్య వయసు తేడా అనేది ఆ బంధంలో కీలక పాత్ర పోషిస్తుందట. ఒకప్పుడు వధూవరుల వయసు దాదాపు 10 నుండి 15 ఏళ్లు ఉంటుండేది.  ఆ తరువాత వయసు తేడా తగ్గింది. ఇప్పటి జనరేషన్ లో అయితే సమ వయస్కులను పెళ్ళి చేసుకోవడానికి ఆసక్తి చూపిస్తున్నారు. ఇలా చేయడం సరైనదేనా?  చాలా బంధాలలో గొడవలు ఎందుకు వస్తున్నాయి? వయసు కారణంగా గొడవలు జరుగుతున్నాయనే మాటల్లో వాస్తవం ఎంత? అబ్బాయి లేదా అమ్మాయి మధ్య సంబంధం ప్రస్తావనకు వచ్చినప్పుడల్లా  మొదట ఇద్దరి వయస్సును అడుగుతారు. భారతీయ సమాజంలో అమ్మాయి పెళ్లి వయస్సు అబ్బాయి కంటే తక్కువగా పరిగణించబడుతుంది. అంటే అమ్మాయి కంటే అబ్బాయి పెద్దవాడై ఉండాలి, ఒక సంవత్సరం పెద్దవాడా, 10 ఏళ్లు పెద్దవాడా అనే విషయంపై పెద్దగా చర్చ జరగదు.  లైఫ్ సెటిల్ అయిపోతుందని అనిపిస్తే వయసుతో సంబందం లేకుండా పెళ్లిళ్లు చేసేస్తారు. విజయవంతమైన వివాహ బంధాలను గమనిస్తే.. భార్యాభర్తల మధ్య వయస్సు వ్యత్యాసం తక్కువగా ఉండాలి. 3 నుండి 5 సంవత్సరాల గ్యాప్ ఉండటం ఉత్తమంగా పరిగణించబడుతుంది. తక్కువ వయసు గ్యాప్ ఉంటే.. తక్కువ వయస్సు తేడా కారణంగా, భార్యాభర్తలు ఒకరినొకరు బాగా అర్థం చేసుకోగలుగుతారు. ఇలాంటి వారి ఆలోచనా విధానం వల్ల వైవాహిక జీవితం కూడా ఆనందంగా గడిచిపోతుంది. కాబట్టి, వివాహానికి వయస్సు తేడా విషయంలో చాలా ఎక్కువ ఏజ్ గ్యాప్ ఉండకూడదు అని  అంటున్నారు. 3 నుండి 5 సంవత్సరాల వయసు తేడా ఉంటే అమ్మాయిలు ఆ భాగస్వామితో అన్ని విధాలా సఖ్యతగా ఉండగలుగుతారట.  సైకాలజీ ప్రకారం.. అమ్మాయిలు అబ్బాయితో పోలిస్తే  సాధారణ భౌతిక వయసు కంటే 5ఏళ్లు ఎక్కువ మెచ్యూరిటీతో ఉంటారట.  దీని ప్రకారం 3 నుండి 5 ఏళ్ల వయసు గ్యాప్ ఉంటే ఇద్దరి ఆలోచనా విధానాలు, ఇద్దరి మెచ్యూరిటీ దరిదాపుల్లో ఉంటుంది. ఒకరినొకరు అర్థం చేసుకోగలరు.   చాలా తక్కువ గ్యాప్ ఉంటే.. ఇప్పటి జనరేషన్ లో తక్కువ ఏజ్ గ్యాప్ ఉన్నవారిని చేసుకోవడానికి ఇష్టపడుతున్నారు.  దీనికి కారణం విద్య, ఉద్యోగం.  అయితే సమ వయస్కులు,  కేవలం నెలల గ్యాప్ ఉన్నవారి మధ్య అహానికి తావు ఎక్కువ ఉంటుంది. ఏదైనా వాదన వచ్చినప్పుడు నువ్వేమైనా పెద్దవాడివాఅనే ప్రశ్న.. నువ్వేమైనా చిన్న దానివా అనే ప్రశ్న అమ్మాయి అబ్బాయిల ఇద్దరి నుండి వస్తుంది.  దీని వల్ల ఇద్దరికి గొడవలు ఎక్కువ ఉంటాయి. కెరీర్ గురించి,  భవిష్యత్తు గురించి సరైన ఆలోచన, ఏకీభావం లేకపోతే తక్కువ ఏజ్ గ్యాప్ ఉన్నవారి మధ్య గొడవలు ఎక్కువ,  విడిపోయే అవకాశాలు ఎక్కువే.. ఎక్కువ ఏజ్ గ్యాప్.. కొంతమందిని గమనిస్తే..  అమ్మాయి అబ్బాయి మధ్య ఏజ్ గ్యాప్ 10 నుండి 15 ఏళ్ల వరకు ఉంటుంది.  ఈ గ్యాప్ వల్ల అబ్బాయి పెద్దవాడిగానూ, అమ్మాయి చాలా చిన్నగానూ ఉంటుంది.  వారిద్దరికి పిల్లలు అయ్యి వారి పెళ్లి వయసు వచ్చేసరికి తండ్రి పూర్తీ వృద్ధుడిగా మారతాడు. పిల్లలకు పెళ్లిళ్లు అయ్యాక.. భర్త మరణిస్తే.. ఆ తల్లి ఒంటరిగా ఎక్కువ కాలం బ్రతకాల్సి ఉంటుంది. అంతే కాకుండా జనరేషన్ అలోచనల దగ్గర కూడా గొడవలు వస్తాయి.  ఇవన్నీ దృష్టిలో పెట్టుకుని అమ్మాయి, అబ్బాయి మధ్య వ్యత్యాసం 3 నుండి 5 ఏళ్ళు ఉండేలా చూసుకోవడం శ్రేయస్కరం.                                                     *రూపశ్రీ.
Publish Date: Dec 16, 2024 9:37AM

1971 యుద్ధ విజయానికి ఘన స్మారకం: విజయ్ దివస్..!

  నేడు ప్రస్తుత ప్రపంచ పరిస్థితి ఎలా ఉందంటే ఏ దేశానికాదేశం,  వారి మిలిటరీ శక్తి సామర్ధ్యాలతో భయపెట్టి తమ గొప్పతనాన్ని ప్రపంచానికి చూపించాలని,ప్రపంచ రాజకీయాల్లో తామే హీరో అవ్వాలని ప్రయత్నిస్తున్నాయి. అయితే ప్రపంచంలోని  గొప్ప మిలిటరీ శక్తుల్లో ఒకటిగా పేరుగాంచిన భారతదేశం మాత్రం ఎప్పుడూ తన బలం, అధికారం చూపించుకోవటానికి ఏ దేశంపైనా మొదటిగా దాడి చేయలేదు. ఇప్పటికీ అదే సిద్దాంతం అనుసరిస్తుంది. అయితే ఒకానొక సమయంలో  మన పొరుగు దేశమైన పాకిస్తానుతో యుద్ధం చేయాల్సి వచ్చింది. అది కూడా స్వార్ధ ప్రయోజనాల గురించి కాకుండా, పాకిస్తాన్ ప్రజల కోసమే చేయాల్సి వచ్చింది. ఈ యుద్ధమే  మన  దేశ సైన్యపు శక్తి సామర్ధ్యాల గురించి ప్రపంచ దేశాలకి తెలిసేలా చేసింది. ప్రపంచ యుద్ధ చరిత్రలో మన దేశాన్ని హీరోని చేసింది. అలాంటి గొప్ప యుద్ధం గురించి, అందులో వీరోచితంగా పోరాడిన సైన్యపు త్యాగాల గురించి స్మరించుకోవాల్సిన అవసరం ఎంతైనా ఉంది. అందుకే ఆ  విజయాన్ని, విజయం తెచ్చిపెట్టిన సైన్యాన్ని స్మరించుకోవటానికి గానూ విజయ్ దివస్ జరుపుకుంటున్నారు.  సినిమా సక్సెస్ లు, సినిమాలలో హీరోల త్యాగాలు కాదు.. రియల్ లైప్ లో హీరోలుగా, ఒక యుద్దాన్ని విజయవంతం చేసిన వీరులుగా భారతీయ ఆర్మీని కొనియాడటానికి విజయ్ దివస్ వేదికగా మారుతుంది. ప్రతి సంవత్సరం డిసెంబర్ 16న, భారతదేశం విజయ్ దివస్‌ను జరుపుకుంటుంది. 1971లో  భారతదేశం, పాకిస్థాన్ల  మధ్య జరిగిన యుద్ధంలో విజయాన్ని బంగ్లాదేశ్ స్వాతంత్య్రానికి  మద్దతుగా భారతదేశం చేసిన త్యాగాలను స్మరించుకునే ఈ రోజు ఎంతో ప్రత్యేకమైనది. యుద్దం ఎందుకు జరిగింది.. భారతదేశం, పాకిస్తాన్ విభజన జరిగిన తరవాత 1971కి ముందు పాకిస్తాన్ అనేది మన దేశానికి తూర్పు, పడమరల్లో కూడా ఉందేది. అయితే  తూర్పు పాకిస్థాన్(నేటి బంగ్లాదేశ్)  ప్రజలు పాకిస్థాన్ శాసనానికి వ్యతిరేకంగా ఆయుధ పోరాటం చేశారు. వారికి భారత దేశం మద్దతు దొరకటంతో  తూర్పు పాకిస్తాన్ స్వతంత్ర దేశంగా అవతరించి బంగ్లాదేశ్ దేశంగా మారింది. ఈ గొడవకంతటికి చాలా విషయాలు కారణాలుగా నిలిచాయి.  వాటిలో భాషా విభేదం చాలా ఉంది.  తూర్పు పాకిస్థాన్‌లో ఎక్కువ మంది బెంగాళీ మాట్లాడేవారు.  అయితే పశ్చిమ పాకిస్థాన్‌లో ఉర్దూను అధికార భాషగా ప్రకటించడం పట్ల తూర్పు పాకిస్థాన్‌లో నిరసనలు చెలరేగాయి. ఆర్థిక అసమానతలు కూడా విభేదాలకు కారణమయింది.  మొత్తం పాకిస్తాన్  ఆర్ధికాదాయంలో తూర్పు పాకిస్థాన్ నుంచి అధిక  ఆర్థిక ఆదాయం సమకూరుతున్నప్పటికీ, దాని ప్రయోజనాలు మాత్రం పశ్చిమ పాకిస్థాన్‌ పొందేది. దీని వ్ల  తూర్పు పాకిస్తాన్ ప్రజల్లో తీవ్ర అసంతృప్తిని కలిగేది.  రాజకీయకంగా కూడా రెండు భాగాలలో విబేధాలు ఎక్కువగా ండేవి1970 ఎన్నికల్లో అవామీ లీగ్, షేక్ ముజీబుర్ రెహ్మాన్ నాయకత్వంలో తూర్పు పాకిస్థాన్‌లో విజయం సాధించింది. అయినప్పటికీ పశ్చిమ పాకిస్థాన్  ఈ విజయాన్ని అంగీకరించలేదు. వీటన్నింటి వల్ల పాకిస్తాన్ లోనే రెండు భాగాల మధ్య విభేదాలు చాలా ఎక్కువ అయ్యాయి. పాక్ దాడి-  భారత్ ప్రతిస్పందన ఎలా ఉందంటే.. మార్చి 26, 1971న, పాకిస్థాన్ సైన్యం ఆపరేషన్ సెర్చ్‌ లైట్ ప్రారంభించి, తూర్పు పాకిస్థాన్‌లో బెంగాళీ ప్రజలను పీడించటం మొదలుపెట్టింది. దీంతో భయపడిపోయిన దాదాపు  కోటిమంది  శరణార్థులు తూర్పు పాకిస్థాన్ నుంచి భారతదేశంలోకి వచ్చారు. ముఖ్యంగా పశ్చిమ బెంగాల్, అస్సాం, మెఘాలయ, త్రిపుర రాష్ట్రాల్లోకి వచ్చారు. ఇదిలాగే కొనసాగితే భారత దేశం సంక్షోభం ఎదుర్కోవాల్సి వస్తుందన్న నిజాన్ని గ్రహించి, ఈ పరిస్థితిని చక్కబెట్టటానికి భారత్ ప్రయత్నాలు మొదలుపెట్టింది. మొదట భారతదేశం ఈ పరిస్థితిని దౌత్యపరంగా పరిష్కరించాలనే  ప్రయత్నించింది. కానీ, ప్రపంచదేశాల  నుండి తగిన ప్రతిస్పందన రాకపోవడంతో భారతదేశం సైనిక చర్య చేపట్టింది. భారత ప్రధాన మంత్రి ఇందిరా గాంధీ, తూర్పు పాకిస్తాన్ ప్రజలతో ఏర్పడిన స్వాతంత్ర సైన్యమైన ముక్తి బహిని సైన్యానికి పూర్తి మద్దతు అందించారు. ఈ క్రమంలోనే ఆపరేషన్ విజయ్ మొదలైంది. 1971 డిసెంబర్ 3వ తేదీన భారత్-పాకిస్థాన్ మధ్య యుద్ధం ప్రారంభమైంది. ఇది 13 రోజులపాటూ  కొనసాగి డిసెంబర్ 16న ముగిసింది. ఇందులో ఆపరేషన్ విజయ్ ద్వారా భారత సైన్యం, ముక్తి బహినిసైన్యంతో కలిసి, తూర్పు పాకిస్థాన్‌లో ఉన్న  పాకిస్థాన్ సైన్యాన్ని ఎదుర్కొని అనేక విజయాలు సాధించింది.  ఈ యుద్దంలో పలు చిన్నచిన్న యుద్దాలు సాగాయి.  వీటిలో లాంగేవాలా యుద్ధం, ఆపరేషన్ ట్రైడెంట్ వంటివి ఉన్నాయి. డాకాలో 93,000 మంది పాకిస్థాన్ సైనికులు భారత సైన్యానికి లొంగిపోవటంతో ఈ యుద్ధానికి తెర పడింది. రెండవ ప్రపంచ యుద్ధం తర్వాత అత్యధిక సైనికులు  లొంగిపోయిన యుద్ధంగా ఇది  చరిత్రలో నిలిచింది. 1971,  డిసెంబర్ 16వ తేదీన, బంగ్లాదేశ్ ఒక స్వతంత్ర దేశంగా అవతరించింది. ఈ యుద్ధంలో సుమారు 3,900 భారత సైనికులు అమరులయ్యారు, 9,851 మంది గాయపడ్డారు. వారు సాదించిపెట్టిన విజయానికి  గుర్తుగా,  సైన్యం చేసిన  త్యాగాలకి స్మరించుకుంటూ  భారతదేశంలో ఈ రోజుని  విజయ్ దివస్‌గా,  బంగ్లాదేశ్‌లో విజయ్ దిబోష్‌గా జరుపుకుంటారు.  ప్రతీ పౌరుడు మానవత్వంతో మన దేశం, సైన్యం చేసిన త్యాగాలని  స్మరించుకుని,  భారతీయుడిగా గర్వపడాలి. వీటి నుంచి ముఖ్యంగా యువత    స్ఫూర్తిని పొందాలి.                                                    *రూపశ్రీ.
Publish Date: Dec 16, 2024 9:30AM

50రూపాయలకు దొరికే ఈ వస్తువులతో వారం రోజుల్లోనే థైరాయిడ్ నయం..!

 థైరాయిడ్ మానవ శరీరంలో ముఖ్యమైన గ్రంథి. చాలామంది థైరాయిడ్ సమస్యతో ఇబ్బంది పడుతూ ఉంటారు.  ఇలాంటి వారు వైద్యులను రెగ్యులర్ గా కలుస్తూ ట్రీట్మెంట్ తీసుకుంటూ ఉంటారు.  సాధారణంగా కొందరు వైద్యులు థైరాయిడ్ అనేది నయం కాదని, దీనికి అలా ట్రీట్మెంట్ కొనసాగుతూ ఉండాలని అంటారు.  దీనికి తగ్గట్టే ప్రతిరోజూ  25, 50,  75 mg మందులు తీసుకుంటూ ఉంటారు.  అయితే   ఈ మందులను తీసుకున్న తర్వాత బాగా  అలసిపోతారు. ఇవి సమస్యను నయం చేయకపోగా హాని ఎక్కువ కలుగుతుంది.  కానీ ఆయుర్వేదం మాత్రం 50 రూపాయల ఖర్చు పెట్టి వారం రోజుల్లో థైరాయిడ్ ను మట్టుబెట్టవచ్చని చెబుతోంది. లక్షణాలు.. థైరాయిడ్ అనేది ఒక సాధారణ సమస్య.  దీనిలో థైరాయిడ్ అని పిలువబడే హార్మోన్ తక్కువ లేదా ఎక్కువ ఉత్పత్తి కావడం జరుగుతుంది.   దీని కారణంగా అలసట,  బలహీనత, బరువు పెరగడం, జుట్టు రాలడం, చర్మం పొడిబారడం, బలహీనమైన జ్ఞాపకశక్తి, మలబద్ధకం, మెడ నొప్పి, వాపు  వంటి అనేక సమస్యలు తలెత్తుతాయి. నొప్పి, ఆందోళన,  భయము,  హృదయ స్పందన వేగంగా ఉండటం, చెమట ఎక్కువగా పట్టడం,  వాపు, కళ్లు ఎర్రదా ఉండటం  లేదా ఉబ్బినట్టు ఉండటం వంటి లక్షణాలు ఉంటాయి. థైరాయిడ్ కు చెక్ పెట్టే మార్గం.. కావసిన పదార్థాలు.. నల్ల మిరియాలు .. 50 గ్రాములు పిప్పళ్లు.. 50 గ్రాములు ఎండు అల్లం.. 50 గ్రాములు తయారీ విధానం.. పైన చెప్పుకున్న పదార్థాలు అన్నింటిని బాగా గ్రైండ్ చేయాలి.   ఇది మెత్తని పొడిలాగా ఉండాలి.  ఈ చూర్ణాన్ని ప్రతి రోజూ ఉదయం అల్పాహారం తర్వాత నీటితో ఒక చిటికెడు తీసుకోవాలి. రోజూ ఇలా చేస్తుంటే కేవలం 7రోజుల్లోనే థైరాయిడ్ సమస్య నార్మల్ గా ఉందని రిపోర్ట్ కూడా వస్తుందని ఆయుర్వేద వైద్యులు చెబుతున్నారు. మరిన్ని లాభాలు.. పైన చెప్పుకున్న పౌడర్ ను వాడుతుంటే ఊబకాయం కూడా తగ్గుతుందట. సాధారణంగా థైరాయిడ్ ఉన్నవారిలో అధిక బరువు ఉంటుంది.  పైన చెప్పుకున్న పౌడర్ ను వాడుతుంటే అధిక బరువు, బలహీనత లక్షణాలు కూడా  తగ్గుతాయి.                                   *రూపశ్రీ.
Publish Date: Dec 16, 2024 9:22AM

జగిత్యాల పర్యటనతో కవిత రీ ఎంట్రీ?  

బిఆర్ఎస్ ఎమ్మెల్సీ కల్వకుంట్ల కవిత  ఆదివారం జగిత్యాల జిల్లాలో పర్యటించారు. లిక్కర్ స్కాంలో తీహార్ జైల్లో ఉన్న ఆమె బెయిల్ పై విడుదలైన తర్వాత  తొలి పర్యటన ఇదే. జైలు నుంచి విడుదలయ్యాక ఆమె పెద్దగా రాజకీయాల పట్ల ఆసక్తికనబరచలేదు. తెలంగాణలో పెద్ద పండుగ అయిన బతుకమ్మ వేడుకల్లో పాల్గొంటారని తొలుత ప్రచారం జరిగినప్పటికీ ఆమె బయటకు రాలేదు. బిఆర్ఎస్ పదేళ్లు అధికారంలో ఉన్న సమయంలో  బతుకమ్మ బ్రాండ్ అంబాసిడర్ గా వెలిగారు. జాగృతి సంస్థ ద్వారా ఆమె రాజకీయాలకు పరిచయమయ్యారు.  ఇటీవలె సచివాలయంలో బతుకమ్మ విగ్రహావిష్కరణ చేసిన కాంగ్రెస్ ప్రభుత్వంపై ఆమె మండిపడ్డారు. బతుకమ్మ లేకుండానే తెలంగాణ తల్లి రూపకల్పన జరిగిందన్నారు. కవిత రాజకీయాల్లో రీ ఎంట్రీ ఇ చ్చినట్లేనని బిఆర్ఎస్ నేతలు చెబుతున్నారు. జైలు నుంచి విడుదలైన ఇన్నిరోజుల తర్వాత ప్రజల్లోకి రావడం వెనక కారణమేమిటని పలువురు చెవులు కొరుక్కుంటున్నారు.  జైలు నుంచి విడుదలైన తర్వాత మీడియా నుంచి తప్పించుకున్న ఆమె సడెన్ గా జగిత్యాలలో ప్రత్యక్షం కావడం ఆసక్తికరంగా మారింది. ఈ యేడు ఏప్రిల్ లో  కవిత మీద ఈడీ కేసు నమోదు అయిన తర్వాత ఒకసారి జగిత్యాలో పర్యటించారు. మళ్లీ జగిత్యాలకు రాలేదు. అప్పట్లో  కవితకు వ్యతరేకంగా పోస్టర్లు వెలిశాయి. ఆ పర్యటన తర్వాతే  ఆమె లిక్కర్ స్కాంలో ఇరుక్కున్నారు. జగిత్యాల నుంచి బీఆర్ఎస్ ఎమ్మెల్యేగా గెలిచిన సంజయ్ కుమార్ ప్రస్తుతం కాంగ్రెస్ పార్టీలో చేరిన సంగతి తెలిసిందే. బిఆర్ఎస్ కేడర్ లేకపోవడంతో కవిత ఒకింత ఇబ్బంది పడ్డారు.
Publish Date: Dec 15, 2024 6:50PM

పొట్టి శ్రీరాములు పేరిట యూనివర్శిటీ 

పొట్టి శ్రీరాములు పేరిట ఎపిలో తెలుగు యూనివర్శిటీ ఏర్పాటు చేస్తామని ముఖ్యమంత్రి చంద్రబాబు హామి ఇచ్చారు. హైదరాబాద్ లో పొట్టి శ్రీరాములు పేరిట యూనివర్శిటీ ఏర్పాటు చేసిన ఘనత ఎన్టీఆర్ దేనని చంద్రబాబు కొని యాడారు ఆదివారం పొట్టి శ్రీములు వర్ధతి వేడుకలు ఘనంగా జరిగాయి.  పొట్టి శ్రీరాములు 58 రోజులు అమరణ నిరాహార దీక్ష చేసి తెలుగు రాష్ట్రాన్ని తీసుకువచ్చారని చంద్రబాబు  గుర్తు చేశారు. ఈ కార్యక్రమంలో డిప్యూటి సీఎం పవన్ కళ్యాణ్ కూడా పాల్గొన్నారు. 
Publish Date: Dec 15, 2024 4:11PM

కాళేశ్వరంపై ఐఏఎస్ అధికారుల క్రాస్ ఎగ్జామ్  18నుంచి ... 

కాళేశ్వరం ప్రాజెక్టులో జరిగిన అవకతవకలపై విచారణ చేపట్టేందుకు నియమించిన జస్టిస్ పిసిఘోష్ కమిషన్ ఈ నెల 18 నుంచి ఐఏఎస్ అధికారులను క్రాస్ ఎగ్జామ్ చేయనుంది.  బిఆర్ కె భవన్ లో  తెలంగాణ  మాజీ సిఎస్ సోమేష్ కుమార్ తో బాటు ఐఏఎస్ అధికారులైన స్మితా సబర్వాల్, రజత్ కుమార్, కె. రామకృష్ణారావ్  వి. నాగిరెడ్డి, ఎస్ కె జోషి తదితరులను కమిషన్ ప్రశ్నించనుంది. కాళేశ్వరం ప్రాజెక్టులో భాగమైన అన్నారం, సుందిళ్ల బ్యారేజీలు కుంగిపోవడానికి గల కారణాలను కమిషన్ విచార చేపట్టింది. అత్యంత భారీ బడ్జెట్ తో నిర్మించిన ఈ ప్రాజెక్టు బీటలువారడంతో బిఆర్ఎస్ ప్రభుత్వం గద్దెదిగడానికి నిలిచిన కారణాల్లో కాళేశ్వరం ప్రాజెక్టు ఒకటి. 
Publish Date: Dec 15, 2024 2:29PM

News Videos

    See More News Videos

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2024 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.