ఆంధ్రప్రదేశ్ రాష్ట్రానికి రాజధాని ఎక్కడ నిర్మించాలనే అంశం మళ్ళీ కొత్త సమస్యలకు, సరికొత్త రాజకీయాలకు రాజకీయ పార్టీలు, నేతల మధ్య పోరాటాలకి తెరతీయవచ్చును. రాజధాని ఎక్కడ నిర్మిస్తే భౌగోళీకంగా, సాంకేతికంగా, పరిపాలనకు సౌలభ్యంగా ఉంటుందనే అంశాల కంటే , రాజకీయ పార్టీలు తాము ఏ ప్రాంతంలో చాలా బలంగా ఉన్నాయని భావిస్తున్నాయో అక్కడే రాజధాని నిర్మాణం చేయమని పట్టుబట్టవచ్చును గనుక ఇది కూడా మరో వివాదాస్పద అంశంగా మారె అవకాశం ఉంది. అయితే, ఇప్పటికే రాష్ట్ర విభజన వ్యవహారంలో రాజకీయ పార్టీల తీరుపట్ల ప్రజలు తీవ్ర ఆగ్రహంతో ఉన్నారు కనుక, రాజకీయ పార్టీలు వారి సహనాన్ని మరోసారి పరీక్షించే సాహసం చేయకపోవచ్చును. అదే జరిగితే నిపుణుల కమిటీ సూచనల ప్రకారం అన్ని విధాల అనువయిన ప్రాంతంలోనే రాజధాని నిర్మాణం జరుగవచ్చును.