లక్షల కోట్లు వెనకేసుకున్న జగన్ సార్ ఎన్నికల కమిషన్‌కి సమర్పించిన నామినేషన్‌లో, అఫిడవిట్‌లో తాను సొంత కారు కూడా లేనంత పేదవాడినని పేర్కొన్నారు. లక్షల కోట్ల ఆస్తుల్ని వందల కోట్లకు తగ్గించి చూపడంతో సంతృప్తి చెందకుండా, కారు కూడా లేదని చెప్పడం ఎన్నికల కమిషన్ చెవిలో క్యాలీఫ్లవర్ పెట్టడం కాక మరేమవుతుంది? అయితే ఆ తర్వాత జరిపిన పరిశోధనల్లో జగన్ గారికి అసలు ఆస్తుల సంగతి ఎలా వున్నా, అయ్యగారి పేరు మీద రెండు ఖరీదైన కార్లు వున్న విషయం బయటపడింది. ఒకటేమో నల్లరంగు బీఎండబ్ల్యు కారు. నంబర్ ఎపి 09 బీఎన్ 2345, మరోటి స్కార్పియో నంబర్ ఎపి 09 బీబీ 1229. ఈ రెండు కార్ల విషయంలో జగన్ తప్పుడు ప్రమాణపత్రం ఇవ్వడంతో ఇప్పుడు ఈ ఇష్యూ ఎటువైపు దారి తీస్తుందోనని వైకాపా వర్గాల కంగారు పడుతున్నాయి. ఈ విషయంలో ఎవరైనా ఫిర్యాదు చేస్తే జగన్ అభ్యర్థిత్వాన్ని తిరస్కరించడంతోపాటు ఏడాదిపాటు జైలు శిక్ష కూడా పడే అవకాశం వుంది. అయితే ఎన్నికల కమిషన్ ఈ విషయాన్ని తనకు తానుగా పరిశీనలోకి తీసుకోదు. ఎవరైనా ఫిర్యాదు చేస్తే మాత్రం పరిశీలించి చర్యలు తీసుకుంటుంది. ఈ విషయంలో జగన్ మీద ఫిర్యాదు చేయడానికి తెలుగుదేశం పార్టీ సన్నాహాలు చేస్తున్నట్టు తెలుస్తోంది.