Top Stories

 గుంటూరులో వైఎస్ఆర్ సిపి గూండాల దాడి 

అధికారం కోల్పోయినప్పటికీ వైఎస్సార్ సీపీ నేతల ఆగడాలు ఆగడం లేదు. టపాసులు పడ్డాయన్న సాకుతో ఓ దళిత కుటుంబంపై దాడులకుపాల్పడ్డారు. ఇంటిని ధ్వంసం చేశారు.   అధికారం కోల్పోయినా వైఎస్సార్సీపీ నేతల ఆగడాలకు అడ్డుకట్ట పడలేదు. దీపావళి టపాసులు తమ ఇంటి ముందు పడ్డాయని ఓ దళిత కుటుంబంపై వైఎస్సార్సీపీ నేతలు దాడికి తెగబడ్డారు.  గుంటూరు శివారు రెడ్డిపాలెంలో ఈ దారుణకాండ చోటు చేసుకుంది. అవినాశ్ కుటుంబంపై నరేంద్రరెడ్డి ముఠా దౌర్జన్యం చేసింది. నల్లపాడు పోలీసులు కేసు నమోదు చేసి దర్యాప్తు చేస్తున్నారు.   
Publish Date: Nov 2, 2024 2:50PM

కర్నూలు రోడ్డు ప్రమాదంలో ముగ్గురు దుర్మరణం 

కర్నూలు జిల్లాలో ఘోర రోడ్డు ప్రమాదం చోటుచేసుకుంది. ఈ ప్రమాదంలో ముగ్గురు మహిళలు అక్కడిక్కడే చనిపోయారు. నందవరం మండలం ధర్మాపురం వద్ద ఈ ప్రమాదం సంభవించింది. ఆటోలో వెళుతున్న మహిళలను కారు ఢీ కొట్టింది. చనిపోయిన వారిలో  వీర నాగమ్మ(60), గౌరమ్మ(61) బేబీ(32)లు ఉన్నారు.రజియా అనే బాలిక పరిస్థితి విషమంగా ఉంది. రజియాను ఎమ్మిగనూరు ఆస్పత్రికి తరలించారు. కారు మితి మీగిన వేగంతో  వెళ్లడం వల్లే ప్రమాదం చోటు చేసుకుంది. 
Publish Date: Nov 2, 2024 2:11PM

 మాజీమంత్రి మేరుగ నాగార్జునపై రేప్ కేసు 

మాజీమంత్రి మేరుగ   నాగార్జునపై రేప్ కేసు నమోదైంది. ఉద్యోగం ఇప్పిస్తానని విజయవాడకు చెందిన మహిళను లైంగికంగా వాడుకున్నట్లు మేరుగపై ఆరోపణలున్నాయి. గుంటూరు జిల్లా తాడేపల్లి పోలీసులకు మహిళ ఫిర్యాదు చేయడంతో మాజీమంత్రిపై  కేసు నమోదైంది. బాధితురాలి ఫిర్యాదు మేరకు  మేరుగు నాగార్జునపై అత్యాచారం, మోసం కేసులు నమోదు చేశారు. మాజీ మంత్రికి సహకరించిన  ఆయన పీఏపై బెదిరింపుల కేసు నమోదు చేసినట్లు పోలీసులు పేర్కొన్నారు.
Publish Date: Nov 2, 2024 1:04PM

కేరళ వెళ్లనున్న రేవంత్ రెడ్డి 

తెలంగాణ ముఖ్యమంత్రి రేవంత్ రెడ్డి  సాయంత్రం కేరళ బయలు వెళ్లనున్నారు. ఆయన కాంగ్రెస్ పార్టీ ప్రదాన కార్యదర్శి ప్రియాంకగాంధీ తరపున ప్రచారం చేయనున్నారు. ముఖ్యమంత్రి వెంట  మంత్రి శ్రీధర్ బాబు కేరళ వెళ్లనున్నారు. కేరళలో కాంగ్రెస్ రెండో దశ ఎన్నికల ప్రచారం ప్రారంభం అవుతున్న నేపథ్యంలో రేవంత్ రెడ్డి ఈ ప్రచారంలో పాల్గొంటున్నారు. ఆదివారం  అంటే ఈ నెల మూడో తేదీన రాహుల్ గాంధీ కేరళ వస్తున్న నేపథ్యంలో రేవంత్ రెడ్డి కూడా ఎన్నికల ప్రచారంలో పాల్గొనాలని నిర్ణయించుకున్నారు. కేరళ వాయనాడ్, రాయ్ బరేలీ నుంచి  గెలిచిన రాహుల్   వాయనాడ్ లోకసభకు రాజీనామా చేయడంతో ఎన్నిక అనివార్యమైంది. రాహుల్ చెల్లెలైన ప్రియాంకకు వాయ నాడ్  టికెట్ కాంగ్రెస్ కేటాయించింది.  
Publish Date: Nov 2, 2024 12:43PM

భాగ్యలక్ష్మి అమ్మవారి గుడి దగ్గర  వెండి కాయిన్స్ పంపిణీ

చారిత్రాత్మక చార్మినార్ భాగ్యలక్ష్మి ఆలయంలో  దీపావళి సందర్బంగా  వెండి కాయిన్స్ పంపిణీ చేస్తున్నారు. ప్రతీ యేడు దీపావళిని పురస్కరించుకుని కాయిన్స్ పంచడం ఆనవాయితీగా వస్తోంది. కాయిన్స్ పంపిణీ  కార్యక్రమం ఆదివారం వరకు కొనసాగుతుందని నిర్వాహకులు తెలిపారు. ఆలయానికి వచ్చిన వెండి కానుకలతో వెండి కాయిన్స్ తయారు చేసి పంపిణీ చేస్తారు. ఈ విషయం తెలుసుకున్న తెలంగాణ జిల్లాల నుంచి అనేక మంది భక్తులు ఆలయానికి చేరుకుంటున్నారు. దీంతో చార్మినార్ పరిసరాలు సందడిగా మారాయి. ఈ వెండి కాయిన్ తీసుకోవడం తమ అదృష్టంగా భావిస్తున్నారు.  అమ్మవారి రూపంలో వెండి కాయిన్స్ ఉండటంతో భక్తులు ఎగబడి కాయిన్స్ తీసుకుంటున్నారు. కాగా ఈ యేడు వేసిన అయోధ్య సెట్ భక్తులను ఆకట్టుకుంటోంది. 
Publish Date: Nov 2, 2024 11:04AM

జాగ్రత్త.. ఈ అలవాట్లు జీవితాన్ని  నాశనం చేస్తాయ్..!

  జీవితం సంతోషంగా ఉండాలని ప్రతి ఒక్కరూ కోరుకుంటారు. జీవితంలో సంతోషం, సామరస్యం, సానుకూలత ఉన్నప్పుడు చాలా హాయిగా అనిపిస్తుంది. కానీ కొన్ని అలవాట్లు జీవితాన్ని దెబ్బతీస్తాయి.  సంతోషంగా సాగాల్సిన జీవితాన్ని  నాశనం చేస్తాయి.  ఇంతకీ జీవితాన్ని నాశనం చేసే ఆ అలవాట్లు ఏమిటో.. అవి ఎందుకు జీవితాన్ని నాశనం చేస్తాయో తెలుసుకుంటే.. సెల్ఫ్ డబ్బా.. ఎవరూ ఇతరుల ముందు  తమను తాము తక్కువ చేసుకుని చెప్పుకోవాలని అనుకోరు. కానీ తమ గురించి తాము ఇతరుల ముందు అదే పనిగా పొగుడుకోవడం మంచి అలవాటు కాదు. తమను తాము పొడుగుకునేవారు, తమలో లోపాలను సమర్థించుకుని,  కవర్ చేసుకునేవారు ఎప్పటికీ తమలో లోపాలను తెలుసుకోలేరు. తమ తప్పులను తాము తెలుసుకోలేరు. దీని వల్ల వారు వ్యక్తిగతంగా వెనుకబడతారు.   కోపం.. తన కోపమే తన శత్రువు తన శాంతమే తనకు రక్ష అన్నారు.. కానీ కోపాన్ని ఎక్కువగా ప్రదర్మించేవారు , చిన్న విషయాలకు కోపం తెచ్చుకునేవారు  ఇతరులు చెప్పే మంచిని వినలేరు.. ఇతరులు చెప్పిన మంచి వెనుక దాగిన భవిష్యత్తును అర్థం చేసుకోలేరు. కోప స్వభావులు ఏదో ఒక సందర్భంలో ఏదో ఒక కారణంగా చాలా నష్టపోతారు. సహాయ గుణం లేకపోవడం.. మనుషులు, జంతువులు మాత్రమే కాదు.. సకల ప్రాణి కోటి పట్ల భూత దయ ఉండాలని అంటారు.  నిస్సహాయ స్థితిలో ఉన్నవారికి సహాయం చేయడం,  ఇబ్బందులలో ఉన్నవారిని ఆదుకోవడం వల్ల అందరితో ఆరోగ్యకరమైన సంబంధాలు ఏర్పడతాయి.  కానీ ఎవరికీ ఎలాంటి సహాయం చేయకుండా ఉండటం వల్ల జీవితంలో తమకు కష్టం వచ్చినప్పుడు సహాయం చేసేవారు ఉండరు. ఇది జీవితాలను సంకటంలోకి నెట్టివేస్తుంది. హింస గుణం.. ఇతరులకు సహాయం చేయడానికి బదులుగా ఇతరులు బాధపడితే చూసి సంతోషించే శాడిస్ట్ గుణం ఉన్నవారు జీవితంలో చాలా కష్టాలపాలవుతారు. ఒక మనిషిలో ఉండే హింస గుణం ఆ మనిషి జీవితాన్ని ఎప్పటికైనా  వినాశనం వైపుకు తీసుకువెళుతుంది. బలం.. ప్రతి వ్యక్తిలో ఉండే బలం ఆ వ్యక్తికి మంచి చేసేది.. కొన్ని పరిస్థితులలో సహాయంగా ఉండేది కావచ్చు. కానీ ఇతరులు సహాయం కోసం వచ్చినప్పుడు,  ఇతరులు ఇబ్బందులలో ఉన్నప్పుడు తమకున్న బలాన్ని ప్రయోగించి ఇతరులను ఇబ్బంది పెట్టడం సరికాదు. ఇది ఏదో ఒకరోజు ఆ వ్యక్తిని దెబ్బతీస్తుంది. చెడు ప్రవర్తన.. ఇతరులతో, స్నేహితులతో చెడుగా ప్రవర్తించడం వల్ల  మంచి సలహాలు ఇచ్చేవారు, మంచి చెప్పే వారు దూరం అవుతారు. అందుకే ఎవరితోనూ చెడుగా ప్రవర్తించకుండా సంతోషంగా ఉంటే  వారి జీవితం కూడా సంతోషంగా ఉంటుంది. లేకపోతే వినాశనమే. అత్యుత్సాహం జీవితంలో పనులు చక్కబెట్టాలంటే ఉత్సాహం మంచిదే.. కానీ అత్యుత్సాహం మాత్రం మంచిది కాదు.. దీని వల్ల జీవితం గందరగోళంలో పడిపోతుంది. కొన్ని సార్లు ఈ అత్యుత్సాహం వల్ల జీవితంలో ఊహించని పరిణామాలు కూడా చోటు చేసుకుంటాయి.                                      *రూపశ్రీ. 
Publish Date: Nov 2, 2024 9:30AM

News Videos

    See More News Videos

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2024 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.