Top Stories

సంక్రాంతి సందర్బంగా చంద్రబాబు మాస్ వార్నింగ్ 

సంక్రాంతికి ఇంకా మూడు వారాలు మాత్రమే ఉంది. పండుగకు స్వంత గ్రామాలు చేరుకునే వారు కూడా ఎక్కువే. స్వంత గ్రామాలకు చేరుకునే వారికి గుంటలు లేని రోడ్లు గా తీర్చిదిద్దాలని ముఖ్యమంత్రి చంద్రబాబు ఎమ్మెల్యేలకు పిలుపునిచ్చారు. టీడీపీ ఎమ్మెల్యేలు రోడ్ల రిపేర్లు పూర్తిచేయాలని సూచించారు.  సంక్రాంతి సందర్బంగా వైకాపా సోషల్ మీడియా కించపరిచే పోస్టులు  పెడుతుందని చంద్రబాబు అగ్రహం వ్యక్తం చేశారు. వైకాపా సోషల్ మీడియా అలాంటి పోస్టులు పెడితే నియోజకవర్గ ఎమ్మెల్యే బాధ్యులవుతారని చంద్రబాబు హెచ్చరించారు. రోడ్లు బాగా లేవని వైకాపా సోషల్ మీడియాలో పోస్టులు పెట్టే ప్రమాదముందన్నారు. వీటిని నిలువరించడానికి టిడిపి ఎమ్మెల్యేలు ముందుకు రావాలన్నారు. గుంతలు పడ్డ రోడ్ల రిపేర్ పూర్తి చేయాలని సూచించారు.  నేను ఒకటే చెబుతున్నాను. తెలుగు దేశం పార్టీ సంఘ విద్రోహ శక్తులపై ఉక్కుపాదం మోపింది. ఇన్ ఫర్మేషన్ టెక్నాలజీని ప్రమోట్ చేసింది తెలుగుదేశం పార్టీ. సోషల్ మీడియా ద్వారా విష ప్రచారం చేస్తే చూసూ ఊరుకునేది లేదని చంద్రబాబు  వైకాపా నేతలను హెచ్చరించారు
Publish Date: Dec 24, 2024 5:39PM

ఎలక్ట్రానిక్ రికార్డుల తనిఖీపై నిషేధం.. ప్రజాస్వామ్యానికి ప్రమాదం!

ప్రపంచంలోనే అతి పెద్ద ప్రజాస్వమ్య దేశం ఇండియా. అయితే ప్రస్తుతం ఇండియాలో ప్రజాస్వామ్యం అన్నదానికి అర్ధం మారిపోతోందా అన్న అనుమానాలు వ్యక్తం అవుతున్నాయి. ప్రధాని మోడీ నేతృత్వంలోని ఎన్డీయే కూటమి వరుసగా మూడో సారి అధికార పగ్గాలు చేపట్టింది. అయితే తొలి రెండు సార్లూ కూటమి భాగస్వామ్య పార్టీల మద్దతు అవసరం లేకుండానే ప్రభుత్వాన్ని నడిపే బలం బీజేపీకి కట్టబెట్టిన ప్రజలు.. మూడో సారి మాత్రం ఆ బలాన్ని ఇవ్వలేదు. మిత్రపక్షాల మద్దతు ఉంటేనే ప్రభుత్వం మనుగడ సాగించే పరిస్థితి కల్పించి.. వ్యవస్థలపై పెత్తనం చెలాయిస్తున్న ప్రధాని మోడీ సర్కార్ కు చెక్ పెట్టారు. వ్యక్తిగత అజెండా, సంఘ్ పరివార్ రహస్య అజెండా అమలుకు అసలే మాత్రం అవకాశం లేకుండా ముందరి కాళ్లకు బంధం వేశారు. అయితే ప్రతిపక్ష  కూటమి అనైక్యత కారణంగా ఆ బంధనాలు మోడీ సర్కార్ ను ఇసుమంతైనా ఇరుకున పెట్టలేకపోతున్నాయి. జమిలి ఎన్నికల నుంచి, ఎన్నికల సంస్కరణల వరకూ అన్నీ తన ఇష్టారాజ్యంగా కేంద్రంలోని మోడీ సర్కార్ నిర్ణయాలు తీసుకుంటోంది. ఆ క్రమంలో ప్రజాస్వామ్య స్ఫూర్తికి భంగం వాటిల్లేలా చేస్తున్నది. తాజాగా మోడీ సర్కార్ తీసుకున్న నిర్ణయం ప్రజాస్వామ్యం ఉనికినే ప్రశ్నార్థకం చేసేలా ఉంది. ఇప్పటికే కేంద్ర ఎన్నికల సంఘం స్వయంప్రతిపత్తి ప్రశ్నార్థకంగా మారిందన్న విమర్శలు వెల్లువెత్తుతున్నాయి. ఇప్పుడు మోడీ నిర్ణయం ఆ విమర్శలకు బలం చేకూర్చేదిగానే ఉంది.  ఎన్నికలకు సంబంధించి సిసి టీవి ఫుటేజి, వెబ్‌ కాస్టింగ్‌, అభ్యర్ధుల వీడియోలు వంటి ఎలక్ట్రానిక్‌ రికార్డుల తనిఖీని కేంద్రం నిషేధించింది. దీంతో ఎన్నికల ప్రక్రియ పారదర్శకతకు తావే లేకుండా చేసిందని పరిశీలకులు చెబుతున్నారు. కేంద్ర ప్రభుత్వం తీసుకున్న ఈ నిర్ణయం  ప్రజాస్వామ్యానికి, ఎన్నికల ఆధారిత పార్లమెంటరీ వ్యవస్థకు తీవ్ర విఘాతం అనడంలో ఇసుమంతైనా సందేహాంచాల్సిన అవసరం లేదు. 1961-ఎన్నికల నిర్వహణ నిబంధనల్లోని రూల్‌ 93(2)(ఎ) ప్రకారం ఎవరైనా ఎన్ని కలకు సంబంధించిన అన్ని రికార్డులనూ తనిఖీ చేయడానికి అనుమతి ఉంది. ఇక నుంచి ఎలక్ట్రానిక్‌ రికార్డుల పరిశీలన కుదరదని కేంద్ర న్యాయ మంత్రిత్వశాఖ ఎన్నికల రూల్స్‌ను ఏకపక్షంగా మార్చేసింది. ఒక కేసు కారణంగా ఎన్నికల సంఘం (ఇసి) సిఫారసు మేరకు రూల్స్‌ సవరించామన్న ప్రభుత్వ వివరణ ఈ దుర్మార్గ నిర్ణయం విషయంలో తన చేతికి మట్టి అంటుకోలేదని సంబరపడటానికి తప్ప మరెందుకూ పనికి రాదు.    ఇటీవలి హర్యానా అసెంబ్లీ ఎన్నికలకు సంబంధించి హర్యానా-పంజాబ్‌ హైకోర్టులో వేసిన కేసులో పిటిషన్‌దారు అభ్యర్ధన మేరకు రికార్డులన్నింటినీ షేర్‌ చేయాలని న్యాయస్థానం ఇసి ని ఆదేశించింది. ఎన్నికల నిర్వహణ రూల్స్‌ ప్రకారం ఇవ్వాలని నిర్దేశించింది. కోర్టు తీర్పును అమలు చేయాల్సిన ఇసి, అందుకు భిన్నంగా రూల్స్‌ మార్చాలని కేంద్రాన్ని కోరింది. అలా కోరడం తరువాయి.. కేంద్రంలోని మోడీ సర్కార్ ఆఘమేఘాల మీద నిబంధనలను మార్చేసి న్యాయస్థానం అదేశాలను తుంగలోకి తొక్కేసింది.     రిగ్గింగ్‌, అవకతవకలు సహా ఎన్నికల్లో అక్రమాలను, నిరోధించేందుకు, పారదర్శకంగా ఎన్నికల నిర్వహణ కోసం సిసి టీవీలను, వెబ్‌ కాస్టింగ్‌ను కొన్నేళ్ల కిందట  ఈసీ  ప్రవేశపెట్టింది. పోలింగ్‌కు ఆటంకాలు ఏర్పడిన సందర్భాలలో  అభ్యర్ధుల, రాజకీయ పార్టీల ఫిర్యాదుల మేరకు ఈసీ వీడియోలను పరిశీలించి రీపోలింగ్‌కు ఆదేశించిన సందర్భాలు కూడా ఎన్నో ఉన్నాయి. ఎన్నికల ప్రక్రియలో ఏ చిన్న మార్పు చేయాల్సి వచ్చినా రాజకీయ పార్టీలతో ఎన్నికల సంఘం విస్తృత సంప్రదింపులు జరపడం ఆనవాయితీ.  కానీ ప్రస్తుత రూల్స్‌ మార్పుపై ఆ విధంగా చర్చ జరగలేదు. ఈసీ కోరింది. కేంద్రం చేసేసింది. అంతే. ఈ మొత్తం వ్యవహారంలో కేంద్రం ప్రతిపక్షాలను, రాజకీయ పార్టీలనూ విశ్వాసంలోకి తీసుకోకుండా ఏకపక్షంగా నిర్ణయం తీసుకుంది.   రికార్డుల తనిఖీ వలన ఓటర్ల గోప్యతకు భంగం కలుగుతుందని, వీడియోలను ఉపయోగించుకొని కృత్రిమ మేధ సహాయంతో పైరసీ వీడియోలు తయారు చేస్తున్నారన్న కేంద్ర ప్రభుత్వ, ఇసి వాదనలో పస లేదు. ఎన్నికల రికార్డులు బయట పడితే  తమకు ఇబ్బంది అన్న భయంతోనే  మోడీ సర్కార్‌ ఎలక్ట్రానిక్‌ రికార్డుల తనిఖీపై నిషేధం విధించిందని పరిశీలకులు విశ్లేషిస్తున్నారు.  మోడీ సర్కార్‌ ప్రభావంలో ఇసి పని చేస్తోందనడానికి గడచిన పదేళ్లల్లో ఎన్నో దృష్టాంతాలున్నాయి. ఎన్నికల కమిషనర్ల నియామకపు ప్యానెల్‌లో సుప్రీం కోర్టు చీఫ్‌ జస్టిస్‌ను తొలగించడంతోనే ఈ విషయం నిర్ద్వంద్వంగా రుజువైంది. ఇప్పుడు ఏకంగా హైకోర్టు ఆదేశాలను అమలు చేయకుండా రూల్స్‌నే మార్చేయడం తిరుగులేని రుజువుగా పరిశీలకులు విశ్లేషిస్తున్నారు.  స్వతంత్రంగా పని చేయాల్సిన రాజ్యాంగబద్ధ సంస్థ ఇసిపై ఇంతటి స్థాయిలో సందేహాలు రావడం ఏ విధంగా చూసినా  ప్రజాస్వామ్యానికి మంచిది కాదు. ఎన్నికల సంఘంపై  ప్రజలు విశ్వాసం కోల్పోతే రాజ్యాంగానికే ప్రమా దం. రాజకీయ పార్టీల, అభ్యర్ధుల హక్కులను ప్రస్తుత నిబంధనల మార్పు చిదిమేస్తుందనడంలో సందే హం లేదు. కాగా నిబంధనలను మార్చేయడాన్ని సవాల్ చేస్తూ కాంగ్రెస్ సుప్రీం కోర్టును ఆశ్రయించింది. అది వేరు సంగతి. అసలు ప్రజాస్వామ్య స్ఫూర్తికే విఘాతం కలిగించేలా ఎన్నికల నిబంధనలను మార్చేసి ఎలక్ట్రీనిక్  రికార్డుల తనిఖీపై విధించిన నిషేధాన్ని మోడీ సర్కార్ బేషరతుగా తక్షణమే ఉపసంహరించుకోవాలి.  
Publish Date: Dec 24, 2024 2:53PM

ఫైబర్ నెట్ ఉద్యోగుల తొలగింపు: జీవీ రెడ్డి 

అపాయింట్ మెంట్ లెటర్లు లేని 410 మంది ఉద్యోగులను తొలగించినట్టు ఎపి ఫైబర్ నెట్ చైర్మన్ జీవీ రెడ్డి తెలిపారు. వైకాపా నేతల ఇళ్లలో వంట మనుషులు, డ్రైవర్లుగా చేసిన వారిని ఫైబర్ నెట్ సంస్థలో ఉద్యోగాలు ఇచ్చినట్టు  ఆయన ఆరోపించారు. ఇంటర్నెట్, కేబుల్ సర్వీసులను అత్యంత చౌకగా ఇవ్వాలన్న ఉద్దేశ్యంతో ముఖ్యమంత్రి చంద్రబాబు ఫైబర్ నెట్ ప్రారంభించారని  ఆయన తెలిపారు. 2019లో పది లక్షల కనెక్షన్ లు ఉన్న ఫైబర్ నెట్ 2024 నాటికి ఐదు లక్షలకు పడిపోయిందన్నారు.
Publish Date: Dec 24, 2024 2:06PM

సంధ్యా థియేటర్ తొక్కిసలాట కేసు.. అల్లు అర్జున్ బౌన్సర్ అరెస్టు

అల్లు అర్జున్ బౌన్సర్ ఆంటోనీని పోలీసులు అరెస్టు చేశారు. పుష్ప2 సినిమా ప్రీమియర్ షో సందర్భంగా సంధ్యా థియోటర్ వద్ద జరిగిన తొక్కిసలాట కేసులో ఆంటోనీని ప్రధాన నిందితుడిగా గుర్తించిన పోలీసులు అతడిని అదుపులోనికి తీసుకున్నారు. అల్లు అర్జున్ బౌన్సర్లకు ఆర్గనైజర్ గా పని చేస్తున్న ఆంటోనీని అరెస్టు చేయడానికి ముందు దాదాపు రెండున్నర గంటల పాటు అల్లు అర్జున్ ను చిక్కడపల్లి పోలీసు స్టేషన్ లో పోలీసులు విచారించారు. ఆ విచారణలో వెల్లడైన అంశాల ఆధారంగానే ఆంటోనీని అరెస్టు చేసినట్లు తెలుస్తోంది.   ఈ కేసులో ప్రధాన నిందితుడిగా పేర్కొంటూ అల్లు అర్జున్ బౌన్సర్ల టీమ్ ఆర్గనైజర్ ఆంటోనీని అరెస్టు చేయడం, అల్లు అర్జున్ ను సుదీర్ఘంగా విచారించడంతో ఇప్పుడో, ఇహనో మరిన్ని అరెస్టులు జరిగే అవకాశం ఉందని పరిశీలకులు అంటున్నారు. 
Publish Date: Dec 24, 2024 1:33PM

ఎన్ డి ఏ సమావేశం ఢిల్లీలో...చంద్రబాబు సహా ఎన్డీఏ పక్షాల హాజరు

రేపు  అంటే ఈ నెల 25 (బుధవారం) ఎన్ డి ఏ సమావేశం ఢిల్లీలో జరగనుంది. ముఖ్యమంత్రి చంద్రబాబు మంగళవారం సాయంత్రం ఢిల్లీ వెళ్లనున్నారు. పార్లమెంటులో ఒకే దేశం ఒకే ఎన్నిక బిల్లు ను ప్రవేశ పెట్టిన ఎన్ డి ఏకు మిత్ర పక్షాలు సపోర్ట్ చేశాయి. వీటిలో తెలుగు దేశం పార్టీ కూడా ఉంది. బిజెపి ఎంపీలు 20 మంది డుమ్మా కొట్టిన నేపథ్యంలో ఎన్ డి ఏ సమావేశం ప్రాధాన్యత సంతరించుకుంది.  ప్రధాని మోదీతో సహా ఎన్ డిఏ భాగస్వామ్య పక్షాలు ఈ సమావేశంలో పాల్గొననున్నాయి. 
Publish Date: Dec 24, 2024 1:05PM

హైదరాబాద్ శివారులోని మంచిరేవులలో కాకతీయ అనవాళ్లు పరిరక్షించుకోవాలి

ప్లీచ్ ఇండియా సీఈవో డాక్టర్ ఈమని శివనాగిరెడ్డి  నార్సింగి మండలం, మంచిరేవులలో చాళుక్య, కాకతీయ అనవాళ్లు ఉన్నాయని పురావస్తు పరిశోధకుడు, ప్లీచ్ ఇండియా, సీఈవో, డా. ఈమని శివనాగిరెడ్డి చెప్పారు. టీ.జీ.ఎస్.పి ప్రాంగణానికి ఎడమవైపున, మూసీ నది కుడివైపున గల వీరభద్రాలయంలో యోని ఆకారంలో గల పానపట్టం, దాని పైనున్న శివలింగం క్రీ.శ 8వ శతాబ్ది చాళుక్యుల కాలానికి చెందిందని, ఆలయం వెలుపల ఉత్తరం వైపు గల భిన్నమైన వీరభద్రుని విగ్రహం క్రీ.శ 13వ శతాబ్ది కాకతీయుల కాలం నాటిదని అన్నారు. మచిరేవుల పరిసరాలలో చారిత్రక ఆనవాళ్లు గుర్తించే కార్యక్రమంలో భాగంగా ఆయన మంగళవారం నాడు ఈ విగ్రహాలను పరిశీలించారు. ఆరు చేతులు గల వీరభద్రుడు కుడివైపున కత్తి, బాణము, ఢమరుకం, ఎడమ వైపున డాలు, విల్లు, శూలం ధరించి, శరీరం అన్ని ఆభరణాలతో అలంకరించబడి ఉందని, ఆలయ ప్రవేశ ద్వారం ముందు, అసంపూర్ణంగా చెక్కిన నంది శిల్పం కూడా కాకతీయుల కాలంనాటిదేనని శివనాగిరెడ్డి చెప్పారు. చారిత్రక ప్రాధాన్యత గల ఈ విగ్రహాలను భద్రపరిచి, కాపాడుకోవాలని ఆలయ వంశ పారంపర్య అర్చకులు మాడపాటి పరమేశ్వర్ గారికు ఆయన విజ్ఞప్తి చేశారు. ఈ శిల్పాల ద్వారా హైదరాబాద్ నగర శివారులోని మంచిరేవుల గ్రామ చరిత్ర చాళుక్యకాలం అంటే 1200 సంవత్సరాల ప్రాచీనత కలిగి ఉందని చెప్పారు. ఈ కార్యక్రమంలో వారసత్వ కార్యదర్శి పాములపాటి శ్రీనాథ్ రెడ్డి, ఆలయ అర్చకులు మాడపాటి పరమేశ్వర్ పాల్గునారు.
Publish Date: Dec 24, 2024 12:44PM

News Videos

    See More News Videos

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2024 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.