Top Stories

జర్నలిస్ట్ ల భూములకు మోక్షం... పేట్ బషీర్ బాద్ లో తొలి కూల్చివేత 

దివంగత ముఖ్యమంత్రి వైఎస్ రాజశేఖరరెడ్డి జర్నలిస్టులకు కేటాయించిన స్థలాలకు మోక్షం లభించే రోజులు వచ్చేశాయి. . నిజాంపేటలో 32  ఎకరాలు, పేట బషీర్ బాద్ లో 38  ఎకరాలు 2008లో జెఎన్ జె హౌసింగ్ సొసైటీ కొనుగోలు చేసింది. న్యాయ వివాదాల్లో ఇరుక్కుని  రెండు దశాబ్దాలుగా లబ్దిదారులకు అంద లేదు. 2017 లో సుప్రీం ఇంటెరిం ఆర్డర్ వచ్చినప్పటికీ కెసీఆర్ ప్రభుత్వం ఆ స్థలాలు  జర్నలిస్టులకు అప్పగించలేదు. తుది తీర్పు వచ్చినప్పటికీ అదే పరిస్థితి. టీం జెఎన్ జె నేతృత్వంలో  పోరాట ఫలితంగా గత ఎన్నికల్లో కాంగ్రెస్ పార్టీ ఈ అంశాన్ని మేనిఫెస్టోలో చేర్చింది.  ఇచ్చిన మాటకు రేవంత్ సర్కార్  కట్టుబడి ఆ స్థలాలను అప్పగించింది. కెసీఆర్ హాయంలో జరిగిన  ఈ భూముల ఆక్రమణలపై కాంగ్రెస్ ప్రభుత్వం సీరియస్ గానే  స్పందిస్తోంది. గురువారం పేట్ బషీర్ బాద్ లో వెలిసిన అక్రమ కట్టడాన్ని రెవెన్యూ అధికారులు కూల్చివేశారు. కోర్టు నుంచి స్టే ఆర్డర్ ఉన్న కట్టడాల జోలికి పోవడం లేదు. గత ఐదు దశాబ్దాలుగా ప్రభుత్వ భూములుగా  రికార్డుల్లో ఉంది. వైఎస్ ఆర్ కేటాయించిన ఈ భూములను తిరిగి జర్నలిస్ట్ లకు అప్పగించడానికి కాంగ్రెస్ ప్రభుత్వం సిద్దంగా ఉందని సొసైటీ డైరెక్టర్ కె. అశోక్ రెడ్డి తెలిపారు. 
Publish Date: Nov 21, 2024 6:09PM

విడుదలయ్యాక నోరు విప్పిన కవిత

తీహార్ జైలు నుంచి బెయిల్పై విడుదలైన ఎమ్మెల్సీ కవిత తొలిసారి రాజకీయాలపై స్పందించారు. తెలంగాణ రాజకీయాలపై కాకుండా జాతీయ రాజకీయాలపై స్పందించారు. సోలార్ ఎనర్జీ కొనుగోలు ఒప్పందం కోసం 5 రాష్ట్రాల ప్రభుత్వాధినేతలకు ఆదానీ గ్రూప్ లంచాలు ఇచ్చినట్లు అమెరికాలో నమోదైన కేసుపై బీఆర్​ఎస్ ఎమ్మెల్సీ కవిత ఎక్స్​ వేదికగా స్పందించారు. ఆడబిడ్డకో న్యాయం.. అదానీకో న్యాయమా ? అని కవిత ప్రశ్నించారు. ఆధారాలు లేకున్నా, ఆడబిడ్డను అరెస్టు చేయడం మోదీ సర్కార్​కు ఎలాంటి అడ్డంకులు ఉండవన్నారు. అదే ఆధారాలు ఉన్నా అదానీని అరెస్టు చేయటం మాత్రం కష్టమా అని ప్రశ్నించారు.  ఆదానిపై ఆరోపణలు కొత్తేమీ కాదు అయినా కేంద్ర ప్రభుత్వం ఉపేక్షించిందన్నారు. 164 జైలు జీవితం గడిపిన కవిత  నోరు విప్పడం చర్చనీయాంశమైంది.   
Publish Date: Nov 21, 2024 5:14PM

కూకట్ పల్లిలో ఇద్దరు బాలికలు అదృశ్యం

 కూకట్ పల్లిలో ఇద్దరు బాలికలు అదృశ్యమయ్యారు. ఎనిమిదో తరగతి చదువుతున్న ఇద్దరు బాలికలను తల్లిదండ్రులు స్కూల్ లో దింపారు అయితే సాయంత్రం కూతుళ్లు రాకపోయేసరికి వారు పోలీసులకు ఫిర్యాదు చేశారు. బాలికలను ఎవరైనా కిడ్నాప్ చేశారా అనే కోణంలో దర్యాప్తు చేస్తున్నారు.  ఈ ఇద్దరు బాలికలు ఒక కన్ స్ట్రక్షన్ బిల్డింగ్ నుంచి మెయిన్ రోడ్డువైపు వెళుతున్న దృశ్యాలు సిసిటీవీలో రికార్డయ్యాయి. 
Publish Date: Nov 21, 2024 4:57PM

గుజరాత్ కు  వెళ్లిపోయిన అఘోరీ 

అఘోరీ రెండు తెలుగు రాష్ట్రాలకు స్వస్థి చెప్పి గుజరాత్ వెళ్లిపోయింది. శైవక్షేత్రాల దర్శనార్థమే అఘోరీ గుజరాత్ వెళ్లినట్లు తెలుస్తోంది. వరంగల్ రంగ సాయి పేటలో వింతపూజలు చేసిన అఘోరీ ఐదు రోజుల పాటు మౌనవ్రతంలో ఉన్నారు. ఈ కారణంగానే ఆమె తనను కలవడానికి వచ్చిన ట్రాన్స్ జెండర్లకు చెప్పారు.  పురుషులతో తాను మాట్లాడనని స్మశాన వాటికలో  ట్రాన్స్ జెండర్లకు తెలిపారు. అఘోరీ గుజరాత్ వెళ్లేముందు తన ఐ 20 కారును సర్వీసింగ్  చేసుకున్నారు. స్మశాన వాటికలో వింత పూజలు చేయడంతో స్థానికులు అభ్యంతరం వ్యక్తం చేశారు.  సికింద్రాబాద్ ముత్యాలమ్మ దేవాలయంలో ప్రత్యక్షమైన రెండు తెలుగు రాష్ట్రాల్లో నానా రచ్చచేసి గుజరాత్ వెళ్లిపోయారు. 
Publish Date: Nov 21, 2024 4:47PM

అమెరికాలో కదిలిన అదానీ అవినీతి తీగ.. ఏపీలో కదిలిన జగన్ అక్రమాల డొంక!

దేశంలోనే కాదు, ప్రపంచం మొత్తంలో ఎక్కడ ఏ అవినీతి తీగ కదిలినా ఇక్కడ ఆంధ్రప్రదేశ్ లో వైసీపీ డొంక కదిలే పరిస్థితులు నెలకొన్నాయి. ఆంధ్రప్రదేశ్ లో ఐదేళ్లు అధికారం వెలగబెట్టిన వైసీపీ, రాష్ట్రాన్ని అవినీతికి, అక్రమాలకు కేంద్రంగా మార్చేసింది. మాదక ద్రవ్యాల అక్రమ రవాణా దగ్గర నుంచి పలు అంశాలలో వైసీపీ నేతల ప్రమేయం బయటపడింది. వైసీపీ అధినేత, మాజీ ముఖ్యమంత్రి జగన్ అవినీతి, అక్రమాలు, దౌర్జన్యాలు, దోచుకోవడం, దాచుకోవడమే పాలన అన్నట్లుగా ఐదేళ్ల అధికారాన్ని అన్ని రకాలుగా దుర్వినియోగం చేశారు. ఇప్పుడు తాజాగా అమెరికాలో అదానిపై నమోదైన కేసులో కూడా జగన్ హయాంలో అవినీతి వ్యవహారాన్ని వెలుగులోనికి తీసుకువస్తోంది.  ఇంతకీ విషయమేమిటంటే..అమెరికాలో భారత వ్యాపార దిగ్గజం గౌతమ్ అదానిపై లంచం కేసు నమోదైంది.  ఆ కేసేమిటంటే  గౌతమ్ అదానీ  అమెరికాలో గ్రీన్ ఎనర్జీ ప్రాజెక్ట్ పేరుతో.. అక్రమ మార్గంలో నిధులు రాబట్టాలని భారత ప్రభుత్వ అధికారులకు సుమారు 265 మిలియన్ డాలర్ల లంచాలను ఆఫర్ చేశారు. దీనిపైనే    గౌతమ్ అదానీ సహా ఏడుగురిపై అమెరికాలో కేసు నమోదైంది.   అయితే ఆ కేసు తీగ అక్కడ కదిలితే ఆంధ్రప్రదేశ్ లో జగన్ హయాంలో జరిగిన విద్యుత్ ఒప్పందాల డొంక కదులుతోంది. అదానీ   20 ఏళ్లలో ఏకంగా 2 బిలియన్ డాలర్ల భారీ లాభం పొందే కాంట్రాక్టులను దక్కించుకు నేందుకుగానూ భారత ప్రభుత్వ అధికారులకు   265 మిలియన్ డాలర్లు అంటే భారత కరెన్సీలో దాదాపు 2 వేల 236 కోట్ల రూపాయలు ముడుపులు చెల్లించేందుకు ఒప్పందం కుదుర్చుకున్నారన్న అభియోగాల మేరకు కేసు నమోదైంది.   మామూలుగా అయితే ఇండియాలో జరిగిన అవినీతిపై  అమెరికా లో కేసులు నమోదు చేయరు.  అయితే  న్యూయార్క్ స్టాక్ ఎక్స్‌చేంజీలో లిస్టయిన కంపెనీ కావడంతో కేసులు నమోదయ్యాయి. అయితే ఇక్కడ ట్విస్ట్ ఏమిటంటే.. ఈ అవినీతి మూలం ఏపీలో ఉంది. ఓసియార్ ఎనర్జీ   ఏపీలో రూ.40 వేల కోట్లతో ఓసియార్ ప్లాంట్ పెట్టాలని జగన్ ప్రభుత్వంతో ఎంఓయూ కుదుర్చుకుంది.  అసలు అమెరికా అధికారులు ఏపీకి వచ్చి మరీ ఈ ఒప్పందంపై చర్చించారని,  ఏపీతో  ఒప్పందాల కోసం రూ.1750 కోట్ల లంచం ఇచ్చారు. ఈ వివరాలన్నీ అదానీపై అమెరికా నమోదు చేసిన కేసులో ఉన్నాయి. ముఖ్యంగా అదానీ ఆంధ్రప్రదేశ్ లోనే మూడు దఫాలుగా అమెరికా అధికారులతో భేటీ అయ్యారన్న ఆరోపణలు ఉన్నాయి.   ముడుపుల విషయంలో ఒక అవగాహన కుదరడంతో 2021 జులై 2022 ఫిబ్రవరి మధ్య కాలంలో  ఒడిశా, జమ్మూకాశ్మీర్, తమిళనాడు, ఛత్తీస్ గఢ్, ఆంధ్రప్రదేశ్ రాష్ట్రాల నుంచి కొన్ని విద్యుత్ సరఫరా కంపెనీలు సోలార్ ఎనర్జీ కార్పొరేషన్ ఆఫ్ ఇండియా లిమిటెడ్ లో ఇందన విక్రయ ఒప్పందం (పిఎస్ఏ) కుదుర్చుకున్నాయి. వీటిలో  ఆంధ్రప్రదేశ్  విద్యుత్ సరఫరా కంపెనీలు దేశంలోనే అత్యధికంగా దాదాపు ఏడు గిగావాట్ల సౌర విద్యుత్ కొనుగోలుకు సెకీతో ఒప్పందం కుదుర్చుకున్నాయి. ఈ ఒప్పందాల కోసమే అదానీ  1750 కోట్ల ముడుపులిచ్చారన్న అభియోగాలున్నాయి. ఈ డీల్ కుదరడంలో ఏపీ ప్రభుత్వంలో  ఓ ఉన్నతాధికారి అత్యంత కీలకంగా వ్యవహరించారన్న ఆరోపణలు ఉన్నాయి. అదానీ కంపెనీతో విద్యుత్ ఒప్పందాలపై అప్పట్లోనే పలు ఆరోపణలు వెల్లువెత్తాయి. ఆ ఆరోపణలన్నీ అక్షర సత్యాలని ఇప్పుడు అమెరికాలో అదానీపై కేసు నమోదు కావడంతో తేటతెల్లమౌతోంది.  
Publish Date: Nov 21, 2024 3:33PM

పుతిన్ దయాదాక్షిణ్యాలపై మానవాళి మనుగడ!

రష్యా నిర్ణయంపైనే మానవాళి మనుగడ ఆధారపడి ఉందా? అంటే ప్రస్తుత పరిస్థితులను బట్టి ఔననే సమాధానం చెప్పాల్సి ఉంటుంది. అణ్వాయుధాల వినియోగానికి అనుమతించే ఫైల్ పై రష్యా అధ్యక్షుడు పుతిన్ సంతకం చేసిన క్షణం నుంచీ భూమిపై మానవ మనుగడ ప్రశ్నార్థకంగా మారిపోయింది. ఎందుకంటే ప్రపంచాన్ని నాశనం చేసే అత్యంత భయంకరమైన అణ్వాయుధం రష్యా వద్ద ఉంది. కేవలం ఒక్క మీట నొక్కితే చాలు ప్రపంచాన్ని అంతం చేసేంత శక్తిమంతమైన అణ్వాయుధాన్ని చేతిలో ఉంచుకున్న రష్యా ఇప్పుడు దానిని ఉపయోగించడానికి రెడీ అయిపోయింది. ఉక్రెయిన్ తో యుద్ధంలో గెలుపు, ఓటమి లేకుండా తీవ్రంగా నష్టపోతున్న రష్యా అసలే ఉక్రోషంలో ఉంది. సరిగ్గా అటువంటి సమయంలో అమెరికా అధ్యక్షుడు బైడెన్ రాజకీయ తంత్రమో, కుతంత్రమో తెలియదు కానీ అనాలోచితంగా తాము సరఫరా చేసిన క్షిపణులను ఉక్రెయిన్ రష్యాపైకి ప్రయోగించడానికి అనుమతి ఇచ్చేశారు. ఇలా అనుమతి వచ్చిందో లేదో అలా ఉక్రెయిన్ అమెరికా క్షిపణిని రష్యాకు గురిపెట్టింది. బైడెన్ నిర్ణయంతో తీవ్ర ఆగ్రహం వ్యక్తం చేసిన పుతిన్.. గతంలో హెచ్చించిన విధంగా అణ్వాయుధాల వినియోగానికి గ్రీన్ సిగ్నల్ ఇచ్చేశారు. అసలు సోవియెట్ యూనియన్ కాలం నుంచీ కూడా రష్యాది దుందుడుకు వ్యవహారమే. ఏక థృవ ప్రపంచాన్ని రష్యా సవాల్ చేస్తూనే వస్తోంది. సోవియెట్ యూనియన్ విచ్ఛిన్నం తరువాత కూడా రష్యా వ్యూహాత్మకంగా అమెరికా ఆధిపత్యానికి సవాల్ విసురుతూనే ఉంది. ఇందుకు చైనా, ఇరాన్, ఉత్తర కొరియా వంటి దేశాల మద్దతును కూడగట్టుకుంది.  1990 పూర్వం సోవియట్,అమెరికాల మధ్య ప్రచ్ఛన్నయుద్ధం నడిచేది. అప్పుడు ప్రపంచంలోని దేశాలు రెండు వర్గాలుగా విడిపోయాయి.కొన్ని తటస్థ దేశాలు అలీన విధానం అవలంబించి నా ఆ ఆ అలీన విధానం ప్రాధాన్యత ప్రాభవం కల్పోయింది. సోవియెట్ యూనియన్ విచ్ఛిన్నంతో అమెరికా అటోమేటిక్ గా అగ్రరాజ్యంగా, ప్రపంచ దేశాలకు పెద్దన్నగా తనకు తాను ప్రకటించేసుకుని ఎదురులేని శక్తిగా మారింది. అయితే రష్యా అధ్యక్ష పగ్గాలు పుతిన్ చేతికి వచ్చిన తరువాత పరిస్థితి క్రమంగా మారుతూ వచ్చింది. అమెరికా,నాటో దేశాలతో ఢీకొనడానికి అవసరమైన శక్తియుక్తులను సమకూర్చుకుంది. ఈ నేపథ్యంలోనే ఉక్రెయిన్ అమెరికా ఇచ్చిన లాంగ్ రేంజ్ మిస్సైల్స్ ను రష్యాపై ప్రయోగించడంతో  నిశ్శబ్దం ఒక్కరానిగా బద్దలైపోయింది. ఇప్పుడు ఉక్రెయిన్ కంటే అమెరికాయే టార్గెట్  అని  రష్యా అధ్యక్షుడి ప్రకటనలు రూఢీ చేస్తున్నాయి. దీంతో అమెరికా ఎప్పుడు, ఏ రూపంలో దాడులకు జరుగుతాయోనన్న భయంతో వణికిపోతున్నది. ప్రచ్ఛన్న యుద్ధం తరువాత  రష్యా విషయంలో అమెరికా ఈ స్థాయిలో భయపడటం ిదే తొలిసారని చెప్పవచ్చు. రష్యా వద్ద 5500 నూక్లియర్  వార్ హెడ్స్ ఉంటే, అమెరికా వద్ద 5,044 మాత్రమే ఉన్నాయి.   .ఉక్రెయిన్ రష్యాపై మరిన్ని దాడులకు పాల్పడితే రష్యా నిస్సందేహంగా అమెరికాపై అణుదాడులకు పాల్పడుతుందని ప్రపంచ దేశాలు ఆందోళన వ్యక్తం చేస్తున్నాయి. రష్యా నాటో దేశాలపై కూడా దాడులకు తెగబడే అవకాశం లేకపోలేదని పరిశీలకులు అంటున్నారు.  ఇదే జరిగితే  ప్రపంచానికి ముప్పు తప్పదు. ఈ నేపథ్యంలోనే ప్రపంచ దేశాలు అమెరికాలో అధికారమార్పిడి జరిగి మరో రెండు నెలల వ్యవధిలో బైడన్ స్థానంలో ట్రంప్ అమెరికా అధ్యక్షుడిగా బాధ్యతలు చేపట్టనున్నారు అంత వరకూ పుతిన్ సంయమనం పాటించాలని ప్రపంచ దేశాలు కోరుతున్నాయి.   ట్రంప్ రష్యా ఉక్రెయిన్ యుద్ధాన్ని నిలువరించగలరన్న నమ్మకాన్ని ప్రపంచ దేశాలు వ్యక్తం చేస్తున్నాయి. ఇందుకు ట్రంప్ ఎన్నికల సందర్భంగా రష్యా, ఉక్రెయిన్ యుద్ధాన్ని ఆపుతానంటూ చేసిన వాగ్దానం ప్రధాన కారణం. పుతిన్, ట్రంప్ ల మధ్య అనుబంధం తెలియనిది కాదు. ఇప్పుడు అమెరికా అధ్యక్షుడిగా ట్రంప్ పగ్గాలు చేపనుండడమే  ఉక్రెయిన్ అధ్యక్షుడి దూకుడుకు కారణంగా పరిశీలకులు విశ్లేషిస్తున్నారు. ట్రంప్ జోక్యంతో యుద్ధం ఆగినా.. ఉక్రెయిన్ అధ్యక్షుడు జెలనెస్కీ మాత్రం సేఫ్ కాదని అంటున్నారు. అందుకే   ట్రంప్ అమెరికా అధ్యక్ష పగ్గాలు అందుకోవడానికి ముందే  పుతిన్ తో లెక్కలు తేల్చేసుకోవాలని  జెలనెస్కీతొందరపడుతున్నారు. ఇదే పుతిన్ ను అణ్యాస్త్రాల ప్రయోగం దిశగా రెచ్చగొడుతున్నది. ప్రస్తుత పరిస్థితిని పరిగణనలోనికి తీసుకుంటే పుతిన్ దయాదాక్షిణ్యాల మీదే ప్రపంచ దేశాల, మానవాళి మనుగడ ఆధారపడి ఉందని చెప్పడానకి ఇసుమంతైనా సందేహం అవసరం లేదు. 
Publish Date: Nov 21, 2024 2:09PM

News Videos

    See More News Videos

    Movie News

    Get all the updates about andhra pradesh news, political news, articles, sr journalists books, regional news, telugu cinema news etc. Find information about Telugu film news, regional news, current affairs, gallery, wallpapers, etc. See Telugu news, news videos along with latest news only at TeluguOne.com.
    TeluguOne Services
    TeluguOne For Your Business
    About TeluguOne
    Keywords: Telugu News

    Copyright © 2024 TeluguOne NEWS - All Rights Reserved

    Disclaimer:
    All content included on this TeluguOne.com Portal including text, graphics, images, videos and audio clips, is the property of ObjectOne Information Systems Ltd. or our associates, and protected by copyright laws. The collection, arrangement and assembly of all content on this portal/ related channels is the exclusive property of ObjectOne Information Systems Ltd. or our associates and protected copyright laws.
    You may not copy, reproduce, distribute, publish, display, perform, modify, create derivative works, transmit, or in any other way exploit any part of copyrighted material without permission from ObjectOne Information Systems Ltd or our associates.