TeluguOne Services
Copyright © 2000 -
, TeluguOne - Comedy - All rights reserved.
నవ్వులే నవ్వులు - 5
" ఆకాశంలో బాంబులు "
“ఏమండీ...పిల్లలకు బాంబులు కొనలేదేం! ”
కోపంగా అడిగింది సత్యవతి.
“ వాటి రేట్లు ఆకాశంలో వున్నాయి.ఆకాశంలోకి
వెళ్లి వాటినెలా వెలిగిస్తామని కొనలేదు! ”
భయపడుతూ చెప్పాడు కృష్ణమూర్తి.
" పదమూడో అంతస్థు "
" తొందరగా దూకేయ్...అవతల పోలీసులు వచ్చేస్తున్నారు "
“ నీకేమైనా పిచ్చెక్కిందా...మనం ఇప్పుడు పదమూడో అంతస్థులో వున్నాం "
“ పదమూడో నంబరు,ఏడో నెంబరు అంటూ మూఢ నమ్మకాలు,చాదస్తాలు
పెట్టుకోకు... దూకేయ్ " అంటూ కసిరాడా నాస్తిక దొంగ.
" బరువైన కథలు "
“ఈ పత్రిక ఎడిటర్ కి పేపర్ కొట్టు కూడా వున్నట్టుంది.” అన్నాడు త్రివిక్రమ్.
“అంత ఖచ్చితంగా ఎలా చెప్పగలుగుతున్నావు
? ” అడిగాడు సునీల్.
“పోటీకి పంపే కథలు కనీసం కేజీ బరువుండాలి
అంటూ సూచించారు మరి...” చెప్పాడు త్రివిక్రమ్.
" కోపిష్టి భార్య "
“ఏమండీ...ఆ ఎదురింటాయనను చూశారా!ప్రతిరోజూ
ఆఫీసుకెళ్ళేముందు ఎంచక్కా వాళ్ళావిడకో
ముద్దిచ్చి,టాటా చెప్పి వెళుతుంటాడు.మరి
మీరున్నారు ఎందుకూ ?” కోపంగా అంది భార్య.
“ఆడిపోసుకుంటావెందుకే అలా చేయడం నాకూ యిష్టమే.
కానీ ఆవిడ ఒప్పుకోవాలిగదా !” అయోమయంగా అన్నాడు భర్త.
“ ఇన్సురెన్స్ నాన్న "
“ మమ్మీ!నేను నాన్నతో ఈతకు వెళ్తాను.” అన్నాడు అబ్బాయి.
“ వద్దు బాబూ...నీకు ఈతరాదు గదా... ప్రమాదం!”అంది తల్లి.
“ మరి నాన్నకు గూడా ఈతరాదు గదా మమ్మీ !” అన్నాడు
అబ్బాయి. “
నాన్నకు ఈతరాకున్నాఫరువాలేదు,ఇన్సురెన్సు వుంది గదా బాబూ !” అంది తల్లి.
|