Rating:             Avg Rating:       366 Ratings (Avg 2.96)

Telugu Jokes

Telugu Jokes

" డార్లింగ్ నీ కోసం, నీ ప్రేమ కోసం నన్ను ఏమి చేయమంటే అది చేస్తాను. ఏది తెమ్మంటే

అది తీసుకువస్తాను. చివరికి చావమన్నా చస్తాను " అని నిజాయితీగా అన్నాడు ఆ

ప్రేమికుడు.

" ఎప్పుడు చూడు చస్తానని అన్నావే గాని ఏనాడైనా ఆ ప్రయత్నం చేశావా "? అని

మూతి మూడు వంకర్లు తిప్పింది ఆ ప్రియురాలు.

" ఆ..." అని ఆశ్చర్యంగా నోరు తెరిచాడు ఆ ప్రేమికుడు.

*********

“ ఒక కిలో చెక్కర ఎంతండి ? ” షాపుకు వెళ్ళిన సంధ్య అడిగింది.

“ ఆరవై రూపాయలు " చెప్పాడు ఆ షాపతను.

“ ఒకేసారి పది కిలోలు తీసుకుంటే ఏమైనా తగ్గుతుందా "

“ ఒక పావుకిలో చెక్కర తగ్గుతుంది " నవ్వుతూ చెప్పాడు ఆ షాపతను.

“ ఆ... ” అంటూ నోరు తెరిచింది సంధ్య.

********

“ఏమండీ...ఆ ఎదురింటాయనను చూశారా! ప్రతిరోజూ ఆఫీసుకెళ్ళేముందు ఎంచక్కా

వాళ్ళావిడకో ముద్దిచ్చి,టాటా చెప్పి వెళుతుంటాడు.మరి మీరున్నారు ఎందుకూ ?”

కోపంగా అంది భార్య.

“ఆడిపోసుకుంటావెందుకే అలా చేయడం నాకూ యిష్టమే.కానీ ఆవిడ ఒప్పుకోవాలిగదా !”

అయోమయంగా అన్నాడు భర్త.

********

“ మానవ శరీరంలో అన్నిటికన్నా ఎక్కువగా ఉపయోగించే భాగాలు ఏమిటి ? ”

అడిగింది సైన్స్ టీచర్.

“ మగవాడి మొదడు, ఆడదాని నాలుక " అని ఠక్కున చెప్పాడో పిల్లవాడు.

*****

“డాక్టర్...నాకు ఆపరేషన్ ఎప్పుడూ చేస్తారు ? ”అడిగాడు పేషెంట్.

“శవాల గదిలో బెడ్ ఖాళీ అయ్యాక....” అని చెప్పి నాలిక్కరుచుకున్నాడు డాక్టర్.