తెల్లజుత్తును తరిమేయండి....

తెల్లజుత్తును తరిమేయండి..

 

పోషకాల లోపాల వల్లో ఇతరత్రా కారణాల వల్లో చిన్న వయసులో జుత్తు తెల్లబడిపోతుంది కొందరికి. దాని గురించి దిగుటు పడక్కకర్లేదు. కొన్ని చిట్కాలు పాటిస్తే తెల్లబడిన హెయిర్ మళ్లీ నల్లబడుతుంది. ట్రై చేసి చూడండి.

- రెండు చెంచాల ఉసిరిక పొడి, చెంచాడు బాదం నూనె, అరచెంచా కొబ్బరి నూనె కలిపి పేస్ట్ల్ లా చేయండి. దీన్ని రోజూ రాత్రి తలకు రాసుకుని, ఉదయాన్నే తలంచుకోవాలి. వారానికి రెండు సార్లయినా ఇలా చేస్తే ఫలితముంటుంది. 


- నల్ల నువ్వుల నూనెను, ఆలివ్ నూనెను సమపాళ్లలో కలిపి వేడిచేయాలి. దీన్ని మాడుకు, జుత్తుకు బాగా పట్టించి, ఆరగంట తర్వాత షీకాయ పొడితో తలస్నానం చేయాలి. తరచూ ఇలా చేస్తే వెంట్రుకలు నల్లబడతాయి. 


- కరివేపాకు వేసి మరిగించిన కొబ్బరి నూనెను రోజూ తలకు రాసుకుని, పొద్దున్న స్నానం చేస్తూ ఉంటే సమస్య పరిష్కారమవుతుంది.


- ఉల్లిపాయను మిక్సీలో వేసి మెత్తని పేస్ట్ లా చేయండి. దీనిలో నిమ్మరసం కలిపి పడుకునే ముందు జుత్తుకు, తలకు బాగా రాయండి. ఉదయాన్నే గోరువెచ్చని నీళ్లతో కడిగేసి, మైల్డ్ షాంపూతో తలంటుకోండి. కొన్ని రోజులు ఇలా చేస్తే ఫలితం మీకే తెలుస్తుంది.


- గోరింటాకు, మందార ఆకులు, కరివేపాకుల్ని సమపాళ్లలో తీసుకుని మెత్తగా రుబ్బాలి. దీన్ని తలకు రాసుకుని అరగంట తర్వాత తలస్నానం చేయాలి. తరచూ ఇలా చేస్తే తెల్లజుత్తు నల్లబడటమే కాదు, ఆరోగ్యంగా తయారవుతుంది కూడా.

 

-Sameera N