స్ట్రెచ్ మార్క్స్ పోవాలంటే...

 

 

డెలివరీ అయ్యాక మహిళలకు పెద్ద తలనొప్పి... స్ట్రెచ్ మార్క్స్. అవి ఓసారి వచ్చాయంటే ఓ పట్టాన పోవు. చర్మం బాగా సాగి మళ్లీ మామూలుగా అయ్యే క్రమంలో పడే ఈ గీతల్ని పోగొట్టుకోవడానికి నానా తంటాలు పడుతుంటారు. డెలివరీ అనే కాదు... బాగా లావయ్యి, తర్వాత సన్నబడిన వారికి కూడా ఈ సమస్య ఉంటుంది. అయితే ఇది పరిష్కరించుకోలేనంత పెద్ద సమస్యేం కాదు. దానికి కొన్ని చిట్కాలున్నాయి.

 

- స్ట్రెచ్ మార్క్స్ పోగొట్టడంలో కోడిగుడ్డు మంచి ఎక్స్ పర్ట్. దీనిలో ఉండే విటమిన్ ఎ, ప్రొటీన్స్, అమైనో యాసిడ్స్ చర్మ కణాల ఏర్పాటులో ముఖ్యపాత్ర పోషిస్తాయి. చర్మాన్ని కాంతివంతంగా పని చేస్తాయి. అందుకే మార్క్స్ ఉన్నచోట కోడిగుడ్డు సొనతో తరచుగా రుద్దుకుంటూ ఉంటే మంచి ఫలితం ఉంటుంది.

- అలొవెరా జెల్ లో ఉండే అలోసిన్ కూడా మంచి ఫలితాన్ని ఇస్తుంది. అందుకే ఈ జెల్ లో కొద్దిగా ఆలివ్ ఆయిల్ కలిపి రోజూ పడుకోబోయే ముందు రాసుకుంటే... కొన్నాళ్లకు సమస్య తీరిపోతుంది.

- నిమ్మచెక్క పెట్టి తరచుగా రుద్దుకుంటూ ఉన్నా మంచిదే.

- ఆలివ్ ఆయిల్, బాదం ఆయిల్ మసాజ్ లు కూడా స్ట్రెచ్ మార్క్స్ ని పోగొట్టి, చర్మం ఎప్పటిలాగా అయ్యేందుకు దోహదపడతాయి.

- బంగాళాదుంపని బాగా గ్రైండ్ చేసి రసాన్ని తీయాలి. ఈ రసంతో మార్క్స్ ఉన్నచోట బాగా రుద్దాలి. రోజూ ఇలా చేస్తూ ఉంటే అతి తక్కువ సమయంలోనే అవి పోతాయి.

- ఆముదం కూడా స్ట్రెచ్ మార్క్స్ కి మంచి మందు.

- పంచదారలో కొంచెం నిమ్మరసం కానీ కాస్తంత బాదం నూనె కానీ కలిపి రుద్దినా మంచి ఫలితం ఉంటుంది.

ఇన్ని మార్గాలు ఉండగా స్ట్రెచ్ మార్క్స్ గురించి చింత ఎందుకు? వీటిని ఫాలో అవ్వండి... వాటిని వదిలించుకోండి.

- Sameera