ఏ ముఖానికి ఏ ఇయర్ రింగ్స్...

 

ఏ ముఖానికి ఏ ఇయర్ రింగ్స్?

 

 

దిద్దులు పెట్టిన చెవులు ముద్దుగా ఉంటాయనేవారు ఒకప్పడు. కానీ ఇప్పుడు ట్రెండ్ మారింది.చెవులను అంటిపెట్టుకుని చెంపలను తాకుతా అన్నట్టుగా ఉండే లోలాకులు ఇప్పుడు ఫ్యాషన్. అయితే ఫ్యాషన్ అన్నాం కదా అని ఏది పడితే అది పెట్టేసుకుంటే కుదరదు. మన ముఖం ఏ షేపులో ఉందో దాన్ని బట్టి ఇయర్ రింగ్స్ ఎంచుకోవాలి. అప్పుడే లుక్ అదురుతుంది.

 

 

గుండ్రంగా ఉండే ముఖానికి చిన్నగా ఉండే ఇయర్ రింగ్స్ బాగోవు. పొడవుగా ఉండేవి కానీ, మీడియం సైజువి కానీ తీసుకోవాలి. ఎట్టి పరిస్థితుల్లోనూ అవి  రౌండ్ గా ఉండకూడదు. ఓవర్ షేప్ లో కానీ, చతురస్రాకారంలో కానీ ఉండేవి పెట్టుకుంటే తిరుగుండదు. అలాగే స్క్వేర్ షేప్ ఉండే ముఖానికి కాస్త పొందికగా, సింపుల్ గా ఉండేవి పెట్టుకోవాలి. గజిబిజి డిజైన్లు ఎంచుకోకూడదు. ఎక్కువ రంగులు కూడా ఉండకూడదు.

 

 

నుదురు కొంచెం పెద్దగా, గడ్డం దగ్గరకు వచ్చేసరికి సన్నగా, చెప్పాలంటే ఓ రకంగా హార్ట్ షేపులో ఉండే ముఖాకృతి కొందరికి ఉంటుంది. వీళ్ల చెంపలు పల్చగా ఉంటాయి కాబట్టి కాస్త వెడల్పుగా ఉండి, చెంపల వరకూ వేళ్లాడే హ్యాంగిగ్స్ వేసుకుంటే సూపర్ గా ఉంటుంది.

 

 

ఇక ఓవర్ షేప్. ఈ ముఖాకృతి ఉన్నవారు ఎలాంటి లోలాకులు పెట్టుకున్నా బానే ఉంటుంది. దిద్దుల దగ్గర్నుంచి భుజాల వరకూ వేళ్లాడే హ్యాంగిగ్స్ దాకా సైజుతో కానీ డిజైన్ తో కానీ సంబంధం లేకుండా దేనినైనా ధరించవచ్చు. కాబట్టి వీళ్లు కాస్త భారీగా ఉండే డిజైన్స్ ను ఎంచుకున్నా ఫరవాలేదు. ఇయర్ రింగ్స్ విషయంలో ఒక ముద్ర వేయాలంటే వీళ్ల తర్వాతే ఎవరైనా.

- Sameera