ఇంటి కష్టాల్లో జబర్దస్త్ వినోద్.. పోలీసులకు కంప్లయింట్!
on Apr 9, 2021
తెలుగు కామెడీ షోలలో బ్లాక్బస్టర్ అయిన జబర్దస్త్ ద్వారా పాపులర్ అయ్యాడు వినోద్ అలియాస్ వినోదిని. అవును. చమ్మక్ చంద్ర జోడీగా లేడీ గెటప్పులతో ఆకట్టుకుంటూ వచ్చిన వినోద్ తనకు న్యాయం చేయాలని కోరుతూ ఈస్ట్జోన్ డీసీపీ రమేశ్రెడ్డికి వినతిపత్రం అందించాడు. కాచిగూడలో తాను నివాసం ఉంటున్న అద్దె ఇంటిని అమ్ముతానని 2019లో ఓనర్ బాలాజీ రూ. 40 లక్షలకు అగ్రిమెంట్ చేసుకొని, సంవత్సరం క్రితం రూ. 13.40 లక్షలు అడ్వాన్స్ కూడా తీసుకున్నారని ఆ కంప్లయింట్లో వినోద్ తెలియజేశాడు.
"అయితే ఇప్పుడు రూ. 40 లక్షల కంటే ఎక్కువ డిమాండ్ చేయడమే కాకుండా, అలా ఇవ్వకపోతే అడ్వాన్స్ డబ్బులు కూడా ఇవ్వనని బెదరిస్తున్నారు." అని అందులో పేర్కొన్నాడు. ఇదివరలో ఓసారి ఓనర్ తనపై దాడి కూడా చేశారనీ, దాంతో తాను కాచిగూడ పోలీస్ స్టేషన్లో ఫిర్యాదు చేశాననీ తెలిపాడు. "ఇప్పటివరకూ కాచిగూడ పోలీసులు నా కంప్లయింట్పై ఎలాంటి చర్యలూ తీసుకోలేదు. ఆయన వల్ల నాకు ప్రాణహాని కూడా ఉంది. దయచేసి నాకు న్యాయం చేయండి." అని రిక్వెస్ట్ చేశాడు వినోద్.
అప్పట్లో వినోద్పై జరిగిన భౌతిక దాడిలో అతని కంటికి గాయమైంది. దీని వల్ల కొంతకాలం జబర్దస్త్ షోకు కూడా అతను దూరమయ్యాడు. ఏదేమైనా ఒక పాపులర్ టీవీ కమెడియన్కు ఇలాంటి పరిస్థితి ఎదురవడం విచారకరం.
Also Read