సుప్రీంకు గ్యాంగ్ లీడర్ కు పోలికా..?
on May 3, 2016
మెగా హీరోల్లో, చిరు పోలికలున్న ఏకైక హీరో సాయి ధరమ్ తేజ్. ఈ ఒక్క విషయంతో మెగాఫ్యాన్స్ ను కొట్టేశాడు తేజూ. కేవలం మావయ్య పోలికలే కాక, వీలైనప్పుడల్లా ఆయన పాటల్ని రీమిక్స్ చేసేస్తూ, చిరంజీవి ఇమేజ్ ను వీలైనంతగా వాడుకుంటున్నాడు. సుప్రీం హీరో అన్న ట్యాగ్ లైన్ తీసుకున్న సాయి ధరమ్, అదే టైటిల్ గా పటాస్ ఫేం అనిల్ రావిపూడి డైరెక్షన్లో సినిమా చేశాడు. మే 6 న రిలీజ్ కానున్న ఈ సినిమా తనకు స్టార్ స్టేటస్ ఇస్తుందని ఆశలు పెట్టుకున్నాడీ సుప్రీం హీరో. అయితే ఈ సినిమాపై ఫిల్మ్ నగర్లో ఒక ఆసక్తికరమైన వార్త చక్కర్లు కొడుతోంది. చిరు గ్యాంగ్ లీడర్ సినిమానే కొద్దిగా మార్చి సుప్రీంగా తీశారని, ఎక్కువ శాతం ఆ సినిమాను ప్రేరణగా తీసుకుని తీసిందేనన్న రూమర్ వినిపిస్తోంది. ఇదే విషయాన్ని సాయి దగ్గర ప్రస్తావిస్తే, ఈ వార్తలు నాకూ తెలిశాయి. కానీ అవి పక్కా రూమర్స్ మాత్రమే. అందం హిందోళం అనే పాట తప్ప, ఈ సినిమాలో చిరంజీవి గారికి సంబంధించి ఇంకేమీ వాడుకోలేదు. ఇలాంటి రూమర్స్ స్ప్రెడ్ చేయద్దు. ఇప్పటికే నాకు చిరంజీవి గారితో చాలా కంపేరిజన్స్ చేస్తున్నారు అంటూ సమాధానమిస్తున్నాడు తేజూ. మెగాస్టార్ ఎంతో కష్టపడితే ఆ స్థాయికి చేరుకున్నారు. కెరీర్ ఆరంభంలోనే సాయిధరమ్ తేజ్ భుజాల పైన ఆయన తాలూకు పోలికల బరువు పెట్టేస్తే, మోయడం కష్టమే మరి.