మ‌హేష్ చిత్రంలో బ్లాక్ రోజ్ బ్యూటీ?

భ‌ర‌త్ అనే నేను, మ‌హ‌ర్షి, స‌రిలేరు నీకెవ్వ‌రు వంటి హ్యాట్రిక్ హిట్స్ త‌రువాత సూప‌ర్ స్టార్ మ‌హేష్ బాబు న‌టిస్తున్న సినిమా స‌ర్కారు వారి పాట‌. గీత గోవిందం ఫేమ్ ప‌ర‌శురామ్ రూపొందిస్తున్న ఈ చిత్రంలో మ‌హేష్ కి జోడీగా కీర్తి సురేష్ న‌టిస్తోంది. మైత్రీ మూవీ మేక‌ర్స్, జీఎంబీ ఎంట‌ర్ టైన్ మెంట్, 14 రీల్స్ ప్ల‌స్ సంస్థ‌లు సంయుక్తంగా నిర్మిస్తున్నాయి.  యువ సంగీత సంచ‌ల‌నం త‌మ‌న్ బాణీలు అందిస్తున్న ఈ క్రేజీ ప్రాజెక్ట్ కి సంబంధించిన షూటింగ్.. నేటి నుంచి దుబాయ్ లో మొద‌లైంది.

ఇదిలా ఉంటే.. మ‌హేష్ బాబు - త‌మ‌న్ కాంబినేష‌న్ లో వ‌చ్చిన దూకుడు, బిజినెస్ మేన్, ఆగ‌డు చిత్రాల త‌ర‌హాలోనే స‌ర్కారు వారి పాట‌లోనూ ఓ ప్ర‌త్యేక గీతానికి స్థాన‌ముంద‌ని గ‌త కొంత‌కాలంగా వార్త‌లు వినిపిస్తున్న సంగ‌తి తెలిసిందే. లేటెస్ట్ బ‌జ్ ఏంటంటే.. ఈ ఐట‌మ్ నంబ‌ర్ లో బ్లాక్ రోజ్ తో తెలుగు తెర‌కు నాయిక‌గా ప‌రిచ‌య‌మ‌వుతున్న బాలీవుడ్ బ్యూటీ ఊర్వ‌శి రౌటేలా చిందులేయ‌బోతోందట‌. త్వ‌ర‌లోనే స‌ర్కారు వారి పాట‌లో ఊర్వ‌శి ఎంట్రీపై క్లారిటీ వ‌స్తుంది.

ఈ ఏడాది ద్వితీయార్థంలో స‌ర్కారు వారి పాట థియేట‌ర్స్ లో సంద‌డి చేయ‌నుంది.