రేపు ఫ్యాన్స్ కు గిఫ్ట్ ఇవ్వనున్న మహేష్..!
on Apr 30, 2016
టాలీవుడ్ సినీజనాల చూపులన్నీ ఇప్పుడు మహేష్ బాబు బ్రహ్మోత్సవం పైనే ఉన్నాయి. ఇప్పటికే రోజుకో స్టిల్ తో, మంచి హైప్ ను క్రియేట్ చేస్తున్న ఈ సినిమా టీం, రేపు మహేష్ ఫ్యాన్స్ కు మరో కానుక అందించబోతోంది. ఆల్రెడీ మోషన్ పోస్టర్ కు మంచి ఫీడ్ బ్యాక్ వస్తుండటంతో, అంతే ఉత్సాహంగా రేపు బ్రహ్మోత్సవం టీజర్ ను రిలీజ్ చేస్తున్నారు శ్రీకాంత్ అడ్డాల అండ్ కో. ఈ విషయాన్ని తమ ఫేస్ బుక్ లో అభిమానులతో పంచుకున్నారు. చాలా కాలంగా ఊరిస్తున్న బ్రహ్మోత్సవం టీజర్ రిలీజ్ అవుతుందంటే మహేష్ ఫ్యాన్స్ కు శుభవార్తే. మహేష్ సరసన సమంత, కాజల్, ప్రణీతలు హీరోయిన్స్ గా నటిస్తున్న ఈ సినిమాకు మిక్కీ జే మేయర్ సంగీతాన్ని అందిస్తున్నాడు. మే 7న మూవీ ఆడియోను శిల్పకళావేదికలో నిర్వహించబోతున్నారు. క్షణం, ఊపిరి సినిమాలతో బ్యాక్ టు బ్యాక్ హిట్స్ కొట్టిన పివిపి బ్యానర్, బ్రహ్మోత్సవం తో హ్యాట్రిక్ కొట్టాలని చూస్తోంది. కాగా సూపర్ స్టార్ రజనీ నటించిన కబాలీ టీజర్ ను కూడా రేపే రిలీజ్ చేస్తుండటం విశేషం.