ప్రభాస్ vs అమీర్ ఖాన్
on Feb 10, 2016
బాహుబలి 2 ఎప్పుడొస్తుంది? ఈ యేడాదా? వచ్చే యేడాదా? ఈ అనుమానాలకు దాదాపు తెరపడింది. బాహుబలిని ఈ యేడాదే విడుదల చేస్తాం....అని రాజమౌళి క్లారిటీ ఇచ్చేశాడు. ఇప్పుడు రిలీజ్ డేట్ కూడా ఫిక్సయినట్టు తెలుస్తోంది. క్రిస్మస్ సందర్భంగా డిసెంబరు 25న ఈ చిత్రాన్ని విడుదల చేయాలని రాజమౌళి భావిస్తున్నారట. అయితే.. అదే రోజున అమీర్ఖాన్ సినిమా దంగల్ కూడా విడుదల అవ్వనుంది. అంటే.. బాక్సాఫీసు దగ్గర రసవత్తరమైన పోటీ ఉంటుందన్నమాట. నిజానికి ఓ బాలీవుడ్ సినిమాకీ టాలీవుడ్ సినిమాకీ పోటీ అనేదే ఉండదు. కానీ.. బాహుబలి అలాంటి సినిమా కాదు. తొలి భాగం బాలీవుడ్లోనూ విడుదలై... భారీ వసూళ్లు దక్కించుకొంది. అక్కడ పార్ట్ 2 గురించి కూడా ఆసక్తిగా ఎదురుచూస్తున్నారు. ఈసారీ ఈ సినిమాని అక్కడ భారీగానే విడుదల చేస్తారు. అమీర్ఖాన్ సినిమా అంటే ప్రపంచ వ్యాప్తంగా ఆసక్తి ఉంటుంది. సో.. ఈసారి అమీర్కి గట్టిపోటీ తప్పదన్నమాట.