Home »
మహేష్ 'ఆగడు' రిలీజ్ వాయిదా?
on Aug 13, 2014
సూపర్ స్టార్ మహేష్ బాబు 'ఆగడు' రిలీజ్ వాయిదాపడే అవకాశాలు వున్నట్లు వార్తలు వెలువడుతున్నాయి. ఈ సినిమాను మొదట సెప్టెంబర్ 19న లేదా 26న విడుదల చేయాలని భావించారు. ఇప్పుడు ఆ టైమ్ కి సినిమా మొదటి కాపీ వచ్చే చాన్స్లేదని తెలుస్తోంది. ఈ సినిమా పోస్ట్ ప్రొడక్షన్ వర్క్ ఆలస్యమే దీనికి ప్రధాన కారణంగా తెలుస్తోంది. ప్రస్తుతం ఆడియో రిలీజ్ మాత్రం అనుకున్న తేదీ కన్నా మూడురోజుల ముందే ఉంటుందట. అన్నీ కుదిరితే ఈ చిత్రం అక్టోబర్ 3న ప్రపంచవ్యాప్తంగా ప్రేక్షకుల ముందుకు వచ్చే అవకాశం వుంది. ఈనెల 23 వరకు మహేష్ - తమన్నాలపై యూరప్లో సాంగ్స్ షూట్ చేస్తారని యూనిట్ సభ్యులు తెలిపారు. దూకుడు తరువాత శ్రీనువైట్ల, మహేష్ కాంబినేషన్ లో వస్తున్న రెండవ చిత్రం ఇది.